logo

сиёсат

"ОБ БАРОИ РУШДИ УСТУВОР". АҲАМИЯТИ ТАШАББУСИ НАВИ ПРЕЗИДЕНТИ ҶУМҲУРИИ ТОҶИКИСТОН ДАР НЮ-ЙОРК ВА ИСЛОМОБОД БАРРАСӢ ШУД

Дар дафтари Намояндагии доимии Ҷумҳурии Тоҷикистон дар Созмони Милали Муттаҳид бо иштироки аъзои Кумитаи ҳидояткунандаи Гурӯҳи «Дӯстони об» - намояндагони доимии Тоҷикистон, Маҷористон, Швейтсария, Финляндия, Таиланд мулоқоти судманд доир шуд. Дар ҷараёни вохӯрӣ умдатарин масоили   вобаста ба рӯзномаи ҷаҳонии об, аз ҷумла татбиқи минбаъдаи ташаббуси нави ҷаҳонии Президенти Ҷумҳурии Тоҷикистон - Даҳсолаи байналмилалии амал «Об барои рушди устувор», солҳои 2018 - 2028 мавриди баррасӣ қарор гирифтанд.

Маҳмадамин Маҳмадаминов, намояндаи доимии Ҷумҳурии Тоҷикистон дар Созмони Милали Муттаҳид, перомуни аҳамияти вижаи Даҳсолаи нав дар амалигардонии Ҳадафҳои рушди устувор баён дошт, ки Тоҷикистон тайи ду даҳсолаи охир ба ҳайси кишвари пешбари масъалаҳои ҷаҳонии об шинохта шудааст. Даҳсолаи нав дар рушди устувор ва мудирияти ҳамгироёнаи захираҳои об, татбиқ ва пешбарии силсилаи лоиҳаю барномаҳо дар соҳаи об, таҳкими ҳамкорӣ ва шарокат ҷиҳати татбиқи аҳдофи рушди устувори марбут ба захираҳои об мусоидат намуда, масъалаҳои таҳкими самаранокии истифодаи захираҳои об ва ҳамгироӣ байни захираҳои об, ғизо, энергия ва муҳити зистро фаро мегирад.
Ҳамчунин, дар робита ба қабули Қатъномаи Маҷмаи умумии Созмони Милали Муттаҳид Даҳсолаи байналмилалии амал «Об барои рушди устувор», бо ибтикори Сафорати Тоҷикистон дар шаҳри Исломобод ва ҳамдастии Вазорати илму технология, Хазинаи илмии Созмони ҳамкории иқтисодӣ ва Шӯрои Ҷумҳурии Исломии Покистон оид ба омӯзиши захираҳои обӣ машварати минтақавӣ доир гашт. Дар он доираи васеи намояндагони баландпояи вазорату идораҳои гуногуни кишвари муқим, мутахассисони Бонки ҷаҳонӣ, Хазинаи илмии Созмони ҳамкории иқтисодӣ, олимон, устодони донишгоҳҳо ва ниҳодҳои тадқиқотӣ, инчунин коршиносони созмонҳои ғайридавлатӣ иштирок доштанд. Ширкатдорони ҳамоиш - президенти Хазинаи илмии Созмони ҳамкории иқтисодӣ, профессор Манзур Сумру ва раиси Шӯрои Ҷумҳурии Исломии Покистон оид ба омӯзиши захираҳои обӣ, профессор Муҳаммад Ашраф перомуни ташаббусҳои ҷаҳонии Тоҷикистон дар соҳаи об табодули назар намуда, эълони Даҳсолаи байналмилалии амал «Об барои рушди устувор»-ро иқдоми навбатии башардӯстонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон маънидод карданд.
Шералӣ Ҷононов, Сафири фавқулода ва мухтори Ҷумҳурии Тоҷикистон дар Ҷумҳурии Исломии Покистон зикр сохт, ки ин иқдом давоми мантиқии ташаббусҳои пешини Тоҷикистон дар соҳаи об буда, ҷиҳати эҷоди заминаи устувор барои ҳамоҳангсозӣ ва ҳавасмандгардонии талошҳо ба мақсади ҳаллу фасли мушкилоти марбут ба мудирияти масъалаҳои об мусоидат хоҳад кард.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 21.02.2017    №: 39    Мутолиа карданд: 1414

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд

Куҳантарин кӯдакистони Хоруғ навсозӣ мешавад

Боз як имкони донишҷӯ шудани довталабон

ХАТЛОН. Комёбиҳо назаррасанд

26500 ҷойи нави кор таъсис ёфт

Ҷаҳон дар як сатр

Оташфишонӣ ва як кушта дар сарҳади ҷанубии Қазоқистон

Дар Афғонистон чор қумондони «ДИ» маҳв карда шуд


Дар сомонаҳои дигари Тоҷикистон хонед