logo

сиёсат

ДАҲСОЛАИ НАВ. ТАҲҚИҚИ МАСОИЛИ ОБӢ ДАР МАДДИ АВВАЛ

Ҷумҳурии Тоҷикистон бо захираҳои бузурги обӣ ва гидроэнергетикӣ дар миқёси ҷаҳон дорои ҷойгоҳи махсус мебошад. Комилан табиист, ки масоили истифодаи оқилонаи об, роҳандозии самараноки ҳадафҳои ноил гаштан ба амнияти вобаста ба об ва гузоришу ҳалли дигар масоили марбут ба об дар минтақа ва ҷаҳон аз ҷониби кишвари мо, хосатан Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бузургтарин анҷуманҳои байналмилалӣ ба ҳайси проблемаи доғу мубрами ҷомеаи имрӯзаи инсонӣ ба миён гузошта мешавад. Ин иқдомҳои наҷиб Тоҷикистонро ҳамчун кишвари ташаббускори қатъномаҳои муҳими Маҷмаи умумии Созмони Милали Муттаҳид марбут ба об муаррифӣ кард. Ибтикорот ва пешниҳодҳои Тоҷикистон дар сатҳи Созмони Милали Муттаҳид ҳусни истиқбол пайдо намуд ва барномаҳои дорои аҳамияти ҷаҳонӣ барои даҳ сол таҳия гардида, дар саросари ҷаҳон мавриди амал қарор дода шуд.
Ибтикороти навбатии Тоҷикистон идомаи мантиқии пешниҳодҳои қаблӣ буда, барои густариши ҳалли масоили мубрами марбут ба об дар минтақа ва ҷаҳон мусоидат менамояд. Ин пешниҳод бори аввал аз ҷониби Пешвои муаззами тоҷикон Эмомалӣ Раҳмон 12 апрели соли 2015 дар Форуми ҳафтуми умумиҷаҳонӣ оид ба масъалаҳои об дар Ҷумҳурии Кореяи Ҷанубӣ, ба миён гузошта шуд.
Пешвои миллат Эмомалӣ Раҳмон пешниҳоди мазкурро дар ҷаласаи Панели сатҳи баланд оид ба масъалаҳои об, ки 29 ноябри соли 2016 дар Маҷористон баргузор гардид, бори дигар ёдрас шуданд: «Мо умедворем, ки дар рӯзҳои наздик ин қатънома бо ризоияти кулл қабул хоҳад шуд. Дар ин маврид барои ҳамкорӣ ва муттаҳид намудани кӯшишҳои мо ҷиҳати мусоидат ба амалияи дастёбӣ ба Ҳадафҳои рушди устувор, ҳамчунин   ҳалли  дигар масъалаҳои вобаста ба об заминаи боэътимод ва ҷавобгӯи замон фароҳам оварда мешавад». Ва, ниҳоят, рӯзи 22 декабри соли 2016 Маҷмаи умумии Созмони Милали Муттаҳид дар ҷаласаи 71 – уми хеш «Бо таъкиди махсуси он, ки манбаъҳои обӣ барои рушди устувор ва аз байн бурдани камбизоативу гуруснагӣ дорои аҳамияти ҳалкунандаанд ва барои рушди захираҳои инсонӣ ва таъмини саломатию бурдбории инсон комилан заруранд ва барои расидан ба ҳадафҳои рушди устувор ва дигар ҳадафҳои марбут ба соҳаҳои иқтисодӣ, иҷтимоӣ ва экологии дар сатҳи байналмилалии мувофиқашуда аҳамияти аввалиндараҷа доранд», давраи солҳои 2018 – 2028 – ро Даҳсолаи байналмилалии амал «Об барои рушди устувор» эълон кард.
Боиси ифтихор аст, ки бештари чорабиниҳои минтақавию ҷаҳонӣ вобаста ба масоили об дар доираи Даҳсолаи байналмилалии амалиёти «Об барои ҳаёт» барои солҳои 2005 – 2015, «Соли байналмилалии ҳамкорӣ дар соҳаи об – 2013» ва пешниҳодҳои нав, ки бо ташаббуси Президенти Ҷумҳурии Тоҷикистон Эмомалӣ Раҳмон аз ҷониби Созмони Милали Муттаҳид қабул ва эълон гардидааст, бо иштироки коршиносони хориҷӣ дар Тоҷикистон доир шуданд ва баргузор мегарданд. Дар ин робита, бо мақсади муаррифӣ намудани ташаббусҳои ҷаҳонии Тоҷикистон ва шинос кардани аҳли ҷомеа бо иқдомҳои наҷибу башардӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон марбут ба масоили истифодаи оқилонаву дастаҷамъонаи захираҳои табиии обӣ, ҳарчи беҳтару бештар чорабиниҳои муҳими илмиву фарҳангӣ ва маърифатӣ бо истифода аз воситаҳои муосири иттилоотиву коммуникатсионӣ ташкил ва баргузор карда шаванд. Бахусус, омӯзиши илмии масъала дар раванди таълими фанҳои тахассусии ҳамаи зинаҳои таҳсилот ҷорӣ карда шавад. Илова бар ин, дар шӯроҳои илмии донишкадаву донишгоҳҳо ва шӯроҳои дифои рисолаҳои илмӣ ҳарчи бештар мавзӯъҳои нави илмӣ марбут ба масоили об ба ҳайси рисолаҳои номзадиву докторӣ мавриди омӯзишу таҳқиқ қарор гиранд. Барои ҳалли чунин масъала дар Тоҷикистон заминаҳои воқеии илмӣ вуҷуд доранд. Масалан, тибқи маълумоти феҳристи «Об – манбаи ҳаёт», ки дар асоси захираи Китобхонаи миллии Тоҷикистон, нашрияҳои библиографии Агентии миллии Созмони байналмилалии рақамгузории стандарти китоб – Хонаи китоби Тоҷикистон, осори чопии Пажӯҳишгоҳи масъалаҳои об, гидроэнергетика ва экологияи Академияи илмҳо таҳия шудааст, тӯли солҳои 1948 – 2013 доир ба масоили об 3275 маводи чопию электронӣ ба забонҳои тоҷикӣ, русӣ ва англисӣ интишор ёфтаанд ва метавонанд дар омӯзишу пажӯҳиши масоили ҳифзи захираҳои об ва истифодаи оқилонаи он ба эҳтиёҷмандон мусоидат намоянд. Ходимони илмии Пажӯҳишгоҳи илмӣ – тадқиқотии фарҳанг ва иттилоот тасмим гирифтанд, ки роҷеъ ба шинохт, гиромидошт ва инъикоси об дар фарҳанги ғайримоддии халқи тоҷик таҳқиқоти ҷудогона анҷом диҳанд.
Шариф КОМИЛЗОДА,
директори Пажӯҳишгоҳи илмӣ –
тадқиқотии фарҳанг ва иттилоот


Баёни ақида (0)    Санаи нашр: 23.02.2017    №: 41    Мутолиа карданд: 1702

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед