logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ТАНЗИМИ ДАВЛАТИИ ИСТЕҲСОЛ ВА МУОМИЛОТИ БАЪЗЕ НАМУДҲОИ МАҲСУЛОТИ НАФТ"

Моддаи 1. Ба Қонуни Ҷумҳурии Тоҷикистон аз 30 июли  соли 2007 «Дар бораи танзими давлатии истеҳсол ва муомилоти баъзе намудҳои  маҳсулоти нафт» (Ахбори Маҷлиси Олии Ҷумҳурии Тоҷикистон, с. 2007,  №7, мод. 671) тағйиру иловаҳои зерин ворид карда шаванд:
1. Номи Қонун бо ҳарфҳои калон навишта шавад.
2. Дар муқаддима калимаҳои «намудҳои маҳсулот» ба калимаҳои «намудҳои маҳсулоти» иваз карда шаванд.
3. Дар моддаи 1:
- сархати якум дар таҳрири зерин ифода карда шавад:
«- нафт – моеи равғанмонанди сӯзанда, ки дар қабати таҳшини замин паҳн шуда, аз омехтаи мураккаби карбогидридҳо, баъзе намудҳои сикланҳо, аренҳо ва пайвастагиҳои оксигендор, нитрогендор ва сулфурдор иборат мебошад  ва маъдани фоиданок ба ҳисоб меравад;»;
- дар сархати ёздаҳум калимаҳои «ҳуҷҷати истеҳсолот» ба калимаҳои «шиносномаи истеҳсолот» иваз карда шаванд;
- дар сархати ҳабдаҳум калимаи «салоҳияти» ба калимаи «ваколатҳои» иваз карда шавад.
4. Аз моддаи 2 калимаи «(Сарқонуни)» хориҷ карда шавад.
5. Дар қисми дуюми  моддаи 3:
- сархати якум дар таҳрири зерин ифода карда шавад:
«- иҷозатномадиҳӣ барои фаъолият оид ба истихроҷ, истеҳсол, коркард, нигоҳдорӣ ва фурӯши нафту газ ва маҳсулоти коркарди онҳо;»;
- дар сархати сеюм калимаҳои «мақомоти ваколатдор» ба калимаҳои «мақомоти ваколатдори давлатӣ» иваз карда шаванд.
6. Сархати ҳафтуми моддаи 4 дар таҳрири зерин ифода карда шавад:
«- амалӣ намудани салоҳияти дигари пешбининамудаи қонунгузории Ҷумҳурии Тоҷикистон.».
7. Дар моддаи 5:
- дар ном ва матни модда калимаҳои «Салоҳияти» ва «салоҳияти» мувофиқан ба калимаҳои «Ваколатҳои» ва «ваколатҳои» иваз карда шаванд;
- дар сархати шашум аломати нуқта ба аломати  нуқтавергул «;» иваз карда шуда, сархати ҳафтум бо мазмуни зерин илова карда шавад:
«- ваколатҳои дигари пешбининамудаи қонунгузории Ҷумҳурии Тоҷикистонро амалӣ менамояд.».
8. Дар моддаи 6:
- дар ном ва матни модда калимаҳои «Салоҳияти», «мақомоти ваколатдор», «ҳуҷҷати истеҳсолотро» ва «ҳуҷҷати истеҳсолот» мувофиқан ба калимаҳои «Ваколати», «мақомоти ваколатдори давлатӣ», «шиносномаи истеҳсолотро» ва «шиносномаи истеҳсолот» иваз карда шаванд;
- ба қисми ҳафтум пас аз калимаи «менамоянд» калимаҳои «, инчунин дигар ваколатҳоеро, ки санадҳои меъёрии ҳуқуқии Ҷумҳурии Тоҷикистон пешбинӣ намудаанд, амалӣ менамоянд» илова карда шаванд.
9. Дар моддаи 7:
- дар ном ва матни модда калимаи «ваколатдор» ба калимаҳои «ваколатдори давлатӣ» иваз карда шавад;
- қисми дуюм дар таҳрири зерин ифода карда шавад:
«Дар сурати иҷро нагардидани талаботи Қонуни мазкур мақоми ваколатдори давлатӣ дар ин бора мақомоти дахлдори давлатиро ба таври хаттӣ барои аз ҷониби онҳо андешидани чораҳо оид ба бартараф намудани қонунвайронкунии ошкоргардида огоҳ менамояд.».
10. Дар сархатҳои дуюм ва сеюми қисми якуми моддаи 8 калимаҳои «ҳуҷҷати истеҳсолот» ва «мақомоти ваколатдор» мувофиқан ба калимаҳои «шиносномаи истеҳсолот» ва «мақомоти ваколатдори давлатӣ» иваз карда шаванд.
11. Дар сархати дуюми қисми якуми моддаи 9 калимаҳои «ҳуҷҷати истеҳсолот» ба калимаҳои «шиносномаи истеҳсолот» иваз карда шаванд.
12. Дар матни моддаи 10, қисмҳои чорум ва ҳаштуми моддаи 11 калимаҳои «мақомоти ваколатдор» ба калимаҳои «мақомоти ваколатдори давлатӣ» иваз карда шаванд.
13. Моддаи 12 дар таҳрири зерин ифода карда шавад:
«Моддаи 12. Танзими давлатии содироту воридоти маҳсулоти нафт
Танзими давлатии содироту воридоти маҳсулоти нафт мутобиқи қонунгузории Ҷумҳурии Тоҷикистон амалӣ карда мешавад, аз ҷумла бо роҳи тасдиқи (тағйир додани) меъёрҳои аксиз, боҷҳои гумрукӣ, зиддидемпингӣ ва ҷубронӣ, квота барои содироту воридоти маҳсулоти нафт, инчунин чораҳои дигаре, ки аз шартномаҳои байналмилалии Ҷумҳурии Тоҷикистон бармеоянд.».
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти Ҷумҳурии Тоҷикистон                                              Эмомалӣ РАҲМОН
ш. Душанбе, 24 феврали соли 2017, № 1403

 

Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсол ва муомилоти баъзе намудҳои маҳсулоти нафт»

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсол ва муомилоти баъзе намудҳои маҳсулоти нафт» қабул карда шавад.

Раиси Маҷлиси намояндагони Маҷлиси
Олии Ҷумҳурии Тоҷикистон                                                           Ш. ЗУҲУРОВ
ш. Душанбе, 14 декабри соли 2016, № 663


Қарори Маҷлиси миллии 
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсол ва муомилоти баъзе намудҳои маҳсулоти нафт»

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсол ва муомилоти баъзе намудҳои маҳсулоти нафт» - ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии истеҳсол ва муомилоти баъзе намудҳои маҳсулоти нафт» ҷонибдорӣ карда шавад.

Раиси Маҷлиси миллии Маҷлиси
Олии Ҷумҳурии Тоҷикистон                                                         М. УБАЙДУЛЛОЕВ
ш. Душанбе, 16 феврали соли 2017, № 344


Баёни ақида (0)    Санаи нашр: 01.03.2017    №: 46-47    Мутолиа карданд: 1374

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед