logo

маориф

ЯК МАКТАБИ СЕ ДЕҲА Ё МУШКИЛЕ НЕСТ, КИ ОСОН НАШАВАД

Далели он ки маориф аз самтҳои афзалиятноки давлату Ҳукумати Тоҷикистони соҳибистиқлол маҳсуб меёбад, ҳақиқати бебаҳс аст. Танҳо дар соли 2016 бунёду азнавсозии беш аз 200 муассисаи таълимӣ ва таъсиси ҳазорҳо ҷойи нави нишаст барои хонандагон аз таваҷҷуҳи рӯзафзун ба ин соҳаи муҳими иҷтимоӣ дарак медиҳад. Бо вуҷуди ин, ҳанӯз ҳам нарасидани муассисаҳои таълимӣ дар шаҳру ноҳияҳои мамлакат аз мушкилоти ҳалталаб боқӣ мемонад, ки ин бесабаб нест. Барои мисол, сокинони деҳаи Бешкаппаи шаҳри Кӯлоб ҳанӯз ҳам аз надоштани мактаб дар ташвишанд ва даҳсолаҳост, ки фарзандони онҳо барои таълим ба мактаби № 32 - и деҳаи Калот мераванд. Равуои мактаббачаҳо, ки тавассути шоҳроҳи мошингузар сурат мегирад, волидайнро ҳамеша дар ташвиш мегузорад. Дар фасли сармо ташвиши ҳам хонандагон ва ҳам падару модари онҳо дучанд мегардад.
Хуршед Ҷалолов, сокини деҳаи мазкур, мегӯяд, ки ба хонандагон бо сабаби убури роҳ борҳо ҳодисаи нохуши нақлиётӣ рух додааст. Ҳангоми рух додани чунин ҳодисаҳо волидони дигар чанд муддат фарзандонашонро аз таҳсил боз медоранд. Ин амалҳо боиси барномаи таълимиро пурра азхуд накардани бачаҳо низ мегардад. 
Дурии муассисаи таълимӣ баҳонаи он гардидааст, ки духтаронро пас аз гирифтани маълумоти асосӣ (синфи 9) аз таҳсил дур мекунанд. Бе маълумоти пурраи умумӣ (синфи 11) мондани духтарони деҳа ба онҳо имкон намедиҳад, ки ба макотиби олӣ дохил шуда, соҳиби маълумот ва касби дилхоҳи худ гарданд.
Сафармо Шодиева аз ҷумлаи занонест, ки  бо ин сабаб нагузоштааст духтаронаш маълумоти умумӣ бигиранд. «Ҳарчанд хоҳиши идомаи таҳсилро доштанд, аммо ман ба ин иҷозат надодам. Зеро ҳамеша дар ташвиши онам, ки духтаронам чи гуна ба мактаб рафта меоянд», - мегӯяд ӯ. 
Бешкаппа ягона деҳае нест, ки хонандагони он дар мактаби № 32 таълим мегиранд. Дар он ҳоло хонандагон аз деҳаи Файзобод низ таҳсил мекунанд. Яъне, айни замон, муассисаи таълимӣ хонандагони се деҳаро ба таълим фаро гирифтааст.
То соли 2015 дар он хонандагони деҳаҳои Тоқакаппа, Обшорон, Дамариқ низ таълим мегирифтанд. Ба хотири рафъи ин мушкилӣ дар Тоқакаппа бинои нави муассисаи таълимӣ сохта мавриди истифода қарор доданд. Ба истифода додани бинои нав мушкилии мавҷударо  қисман ҳал карда бошад ҳам, онро пурра аз байн набурд. Акнун мутаълимини деҳаҳои Обшорону Дамариқ на дар муассисаи таълимии № 32, балки дар мактаби деҳаи Тоқакаппа таълим мегиранд, яъне боз ҳам роҳи дарозеро тай намуда, ба мактаб мераванд. Бо вуҷуди ин, мушкили асосӣ, яъне ба хотири таълим аз як  деҳа ба деҳаи дигар рафтан, ҳанӯз ҳам боқӣ мондааст.
Раҷабалӣ Мирзоев, директори муассисаи таълимии № 32, аз мушкилоти мавҷуда изҳори нигаронӣ карда, мегӯяд: «Хонандагон, хусусан духтарон, ба илм омӯхтан завқи зиёд доранд. Аммо мушкилоти мавҷуда боиси нагирифтани маълумоти пурраи миёнаи умумӣ мегардад. Дар ҳоле, ки танҳо илму дониш, худшиносиву худогоҳӣ метавонад касро аз ҳама гуна хатарҳо эмин нигоҳ дошта, ба роҳи рост ҳидоят намояд». Хуб мешуд, ки деҳаи Бешкаппа ҳам соҳиби бинои муассисаи таълимии хеш бошад.
Тавре аз таҳлили масъалаи мавриди назар бармеояд, Бешкаппа ягона деҳае нест, ки мушкили бемактабӣ дорад. Пас, бо боварӣ метавон гуфт, ки қабули «Барномаи давлатии рушди муассисаҳои соҳаи маорифи вилояти Хатлон барои солҳои 2017-2021» беҳтарин имконият барои рафъи ин ва мушкилоти дигари вобаста ба мактабдорӣ дар ноҳияҳои дурдасти Тоҷикистони азиз мебошад. Бо назардошти он ки 70 дарсади аҳолии мамлакат дар деҳот ба сар мебаранд, ба мақсад мувофиқ аст, ки масъулони соҳа дар доираи татбиқи ин барномаи муҳими давлатӣ ба деҳаҳои дурдасти вилоят амсоли Бешкаппа авлавият қоил бошанд.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 01.03.2017    №: 46-47    Мутолиа карданд: 1766
08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ


Дар сомонаҳои дигари Тоҷикистон хонед