logo

сиёсат

САЗОВОРИ БОВАРӢ БОШЕМ

Дар тақвими кишвари мо 20 март – Рӯзи зиёиён сабт гардидааст. Чунин як рӯзро, ки пеш аз Наврӯзи оламафрӯз мебошад, Пешвои миллат, Президенти мамлакат муҳтарам Эмомалӣ Раҳмон барои ин қишри ҷомеа муносиб донистааст. Ба чунин иқдоми шоиста дар таърихи мамлакат ҳеҷ сарваре пеш аз ӯ рӯ наоварда буд.
Агар ба хотир биёрем, пеши назар меояд, ки пештар, хоса то замони соҳибистиқлолии кишвар танҳо бархе аз зиёиён ҷасорат пайдо мекарданду дар назди сарварони вақт масъалаҳои муҳими ҳалталабро ба мушкилоти зиёд ба миён мегузоштанд. Дар натиҷа ин масъалаҳо на танҳо ҳал намегардиданд, балки бо роҳҳои гуногун ин зиёиён мавриди фишорҳои махсус қарор мегирифтанд. Мақсад аз ин фишорҳо он буд, ки дигар  зиёиён муҳри хамӯшӣ бар лаб бизананду дар пешниҳодҳо, агар ҳам судбахшанд, ҷасорат пайдо накунанд. Ҳолиё Сарвари давлат ин гуна масъалаҳоро  худ дар назди зиёиён мегузорад ва ҳалли онҳоро дастаҷамъона тақозо мекунад. Бо ин роҳ, албатта, ин қишри ҷомеаро водор месозад, ки дар шинохти мушкилот, махсусан мушкилоти ҷаҳони муосир пешгом, масъул ва ҳамеша огоҳ бошанд. Сарвари давлат дар ин маврид ба таърихи гузаштаи кишвар рӯ меорад ва нақши зиёиёнро дар он рӯзгори басо мураккаб, ки асолати миллӣ ва фарҳангиро шинохтаву ҳифз намудаанд, ёдовар мешавад. Омӯзишу донистани таърихи миллат ба таъкидҳои пайвастаи Сарвари давлат ба он хотир аст, ки бидонем он абармардони саҳнаи пайкори сиёсату фарҳанги миллӣ чӣ гуна ҷасурона муборизаҳо бурдаанд.
Дуруст аст, ки «Миллати тоҷик, ки дар тӯли асрҳо аз омӯзиши таъриху фарҳанги бостонии хеш дар канор монда буд, баъди истиқлолият ба омӯзиши давраҳои давлатдории қадим ва наваш ниёзи бештар пайдо кард. Зеро баррасиву таҳқиқи сарнавишти ибратомӯзи ниёгон ва донистани таърихи Меҳан, бигзор талху пурфоҷиа ҳам бошад, инчунин сабақ гирифтан аз иштибоҳоти гузашта миллати моро бедору огоҳ, зираку ватандӯст ва пухтаву дурандеш месозад.»
Пешвои миллат худ  чун зиёии асил на танҳо масъалаҳои муҳимтаринро ба миён мегузорад, балки барои ҳалли онҳо пешниҳодҳои дурусту муфид низ менамояд. Мебинем, мушоҳида мекунем ва хулоса мебарорем, ки дар мавриди иҷрои онҳо аз беҳтарин усулҳо истифода мекунад. Чунин усулҳо, бояд иқрор шавем, ки дар хотири ҳеҷ зиёие ҷуз ӯ роҳ наёфта буд. Пешвои миллат таҷлили ҷашнҳои шаҳрҳои бостонии кишварро ба миён гузошт. Дар натиҷа мардум ба тадриҷ ба омӯзиши таърихи онҳо бе мушкилӣ  даст ёфтанд. Ба ин васила гӯшаҳои ватанамон бо навбат обод ва дорои биноҳои маъмурӣ, фарҳангию тиҷоратӣ гардиданд. Ба ҷуз ин, бо осори беназири фарҳангу таърихи миллат, ки гувоҳи раднопазири тамаддуни миллати куҳанбунёди мо маҳсуб мешаванд, беш аз ҳама ифтихор менамояд. Ба хотири он, ки миллат дар ҳамин рӯҳия тарбия биёбад, моҳияти онро бисёр дақиқу дуруст ва зебову фаҳмо баён медорад: «Осори куҳан ва ёдгориҳои таърихӣ забони гӯёи фарҳанги миллат мебошад. Қарзи мову шумост, ки ин гуна осори нодири фарҳангиро ҷустуҷӯву пайдо намоем, онҳоро ҳифз намоем, омӯзем, омӯзонем ва барои болоравии сатҳи умумии маърифату эҳсоси худшиносии миллӣ истифода барем.»
Ба ғайр аз ин ҳама, бо ташаббусу иқдоми бевоситаи ӯ ҳамасола ҷашнҳои шахсиятҳои барӯманди миллат, ки дар рушди илму фарҳанги он саҳми чашмрас гирифтаанд, доир мегарданд. Албатта, ба ин ҳама хидматҳои арзандаву мондагор иктифо намекунад ва рисолати худро чун зиёии асил дар таълифи асарҳои пурарзиши таърихӣ, илмӣ, фарҳангӣ медонад. Ин асарҳо на танҳо моро ба гузаштаи худ бештару беҳтар ошно сохт, балки чун беҳтарин дастурҳову раҳнамоҳо хидмат карданд ва дар худшиносии ҷомеа саҳми асосиро гирифтанд.
Боиси ифтихори мо – омӯзгорон аст, ки Сарвари давлат ҷиҳати рушди кишвар, пойдории сиёсӣ, таҳкими рукнҳои давлатдорӣ ва таблиғи ғояҳои миллӣ ба таъкид изҳор медорад, ки пеш аз ҳама, ба мо такя мекунад. Инчунин, дар ин маврид моро равшанфикрони пешқадам медонаду мехонад.
Пас, мо бояд рисолати хешро бисёр хуб дарёбем ва дар иҷрои вазифаҳоямон масъулияти бештару беҳтар эҳсос бинамоем. Воқеан, маҳз омӯзгорони соҳибмаърифату бофарҳанг ва устодони донишманду ватанпараст аз иҷрои вазифаҳои муайянгардида баромада метавонанд. Аз ин рӯ, моро зарур аст, ки чунин омӯзгоронро тайёр бинамоем ва ҳам савияи донишу таҷрибаи худро бо талаботи ҷаҳони муосир баланд бибардорем, аз беҳтарин усулҳои таълим истифода бикунем.
Барои ин бояд бо садоқату дили пок ҳама неру, донишу таҷрибаамонро ҷиҳати рушду ободонии Тоҷикистони азиз ва таъриху фарҳанги миллӣ равона бисозем.  
Маҳмадулло РАҶАБЗОДА,
ректори Донишкадаи давлатии забонҳои Тоҷикистон ба номи С.Улуғзода


Баёни ақида (0)    Санаи нашр: 13.03.2017    №: 55    Мутолиа карданд: 902

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед