logo

ҳуқуқ

БОРИ КАҶ БА МАНЗИЛ НАМЕРАСАД

Замин моликияти давлат аст,
на мояи харидуфурӯш!

Ба ШВКД – и шаҳри Ваҳдат зани 60 – сола, сокини ҳамин шаҳр, оид ба факти қаллобӣ муроҷиат намуд, - хабар додааст маркази матбуоти ВКД. Тавре маълум гардид, сокини шаҳри Ваҳдат – зани 46 – сола бо роҳи найрангбозӣ ба боварии ӯ даромада, моҳи августи соли 2012 барои ҷудо намудани 6 садяки гектар қитъаи замини наздиҳавлигӣ аз ҳудуди ноҳияи Рӯдакӣ 5500 доллари амрикоиашро гирифтааст. Тайи муддати тӯлонӣ қаллоб на ба ваъдааш вафо кардааст, на маблағро баргардондааст, яъне фаромӯш кардааст, ки Тоҷикистон давлати ҳуқуқбунёд асту кирдори ғайриқонунӣ бе ҷазо намемонад. Мутаассифона, баъзе шаҳрвандони кишвар низ то ҳанӯз маърифати пасти ҳуқуқӣ доранд ва гӯё  намедонанд, ки дар Тоҷикистон замин моликияти давлат аст, на мояи харидуфурӯш. Ва замин ба шаҳрвандони ниёзманд мувофиқи қарори мақомоти дахлдор ройгон дода мешавад.
Гумонбари ҷиноят боздошт гардид. Аз рӯи далели мазкур парвандаи ҷиноятӣ боз шуда, тафтишот идома дорад.

* * *
Пиров Абдулмутолиб Мерганович аз 5 майи соли 2007 раиси хоҷагии деҳқонии «Бобои Мерган» - и ноҳияи Абдураҳмони Ҷомӣ шуда кор мекард. Моҳи феврали соли 2015 Пиров А. ҳамроҳ бо бародараш Пиров Мирзомуддин бо роҳи фиреб ба боварии шаҳрванд «А» даромада, ӯро бовар кунондаанд, ки ба ивази 5000 доллари ИМА аз заминҳои хоҷагии деҳқониашон, воқеъ дар деҳаи Файзободи Ҷамоати деҳоти «Иттифоқ», 0,06 гектар қитъаи наздиҳавлигӣ ҷудо ва  ҳуҷҷатгузорӣ карда медиҳанд. Шаҳрванд «А» ба қаллобон бовар намуда, ба онҳо 2000 доллари ИМА ва 20 ҳазор рубли русӣ додааст. Бародарон маблағро гирифта, барои иҷрои ваъдаашон ягон амал накарданд ва пулро низ барнагардонданд.
Нисбат ба Пиров Абдулмутолиб ва Пиров Мирзомуддин бо моддаи 247, қисми 3, банди «а» - и Кодекси ҷиноятии Ҷумҳурии Тоҷикистон парвандаи ҷиноятӣ боз гардида, тафтишоти пешакӣ идома дорад. Дар ин бора маркази матбуоти Агентии назорати давлатии молиявӣ ва мубориза бо коррупсия иттилоъ додааст.
* * *
Ҷинояткори заминфурӯш Нуралиев А. бо ҳукми суди ноҳияи Рӯдакӣ 13 солро дар маҳбас мегузаронад. Тавре маркази матбуоти Прокуратураи генералии Тоҷикистон хабар додааст, Нуралиев А. қаблан барои заминфурӯшӣ аз озодӣ маҳрум шуда буд. Баъди адои ҷазо ба ҷои ислоҳ шудан ва ба роҳи рост даромадан боз ба ҷинояткорӣ даст зада, ҷазои сазовор гирифт. Давоми солҳои 2014 – 2015 ӯ бо ҳаммаслаконаш забон як карда, дар 6 ҳолат  бо ваъдаи додани замин дар ноҳияи Рӯдакӣ аз шаҳрвандон аз 1000 то 7000 доллар – ҷамъ 30 ҳазору 600 доллар гирифтааст ва ба шаҳрвандон дар бораи ҷудо намудани қитъаҳои замини наздиҳавлигӣ ҳуҷҷатҳои қалбакӣ дода, ба ин васила ба онҳо зарари махсусан калони моддӣ расондааст. Прокуратураи генералӣ парвандаи ҷиноятиро нисбат ба Нуралиев А. П. бо гумонбарӣ дар ҷиноятҳои қаллобӣ ба миқдори махсусан калон, такроран ғайриқонунӣ додани қитъаи замин аз ҷониби гурӯҳи шахсон бо маслиҳати пешакӣ, сохтакорӣ намудани ҳуҷҷат ва ба каси дигар додани он ба анҷом расонда, барои муҳокима ба суди ноҳияи Рӯдакӣ ирсол намуд.
 Дар ҳикмати мардумии тоҷикон таъкид шудааст, ки «бори каҷ ба манзил намерасад». Шояд ин дафъа ҷинояткори заминфурӯш аз гузашти рӯзгор панд омӯзаду ислоҳ шавад, вагар на, қонун дар ҳифзи ҳуқуқҳои шаҳрвандон ҳамеша устувор аст.
 А. САЙВАЛӢ, «Ҷумҳурият»


Баёни ақида (0)    Санаи нашр: 15.03.2017    №: 57    Мутолиа карданд: 221

18.03.2017


Шиносоии Сарвазир бо ҷараёни корҳои соҳилмустаҳкамкунӣ

Баррасии ҷалби ширкатҳои Арабистони Саудӣ дар татбиқи лоиҳаҳо

Вохӯрии Сумангул Тағойзода бо Пратибҳа Меҳта

Ҳимояи ҳуқуқи истеъмолкунандагон матраҳ гардид

ЛАХШ. Сар аз як гиребон

16.03.2017


«Тоҷикистон – ташаббускори ҳалли масоили об»

Ҷаласа дар ҳузури Азим Иброҳим

Боздиди сафири Тоҷикистон аз Донишгоҳи Венҷоу

Ҳадаф – муаррифии фарҳангу тамаддуни бойи тоҷикон

Ҷаҳон дар як сатр

Гӯшаи кишоварз

Судяи иёлати Гавайя фармони Трампро аз амал боздошт

Дар Димишқ се маргталаб худро тарконд

Ба 17 миллион яманӣ гуруснагӣ таҳдид мекунад

Озод кардани австрализани рабуда дар Афғонистон

Ҳавопаймои дубаҳраи чинӣ ба парвози нахустин омодагӣ мегирад

15.03.2017


Нақши осори Бедил дар рушди дипломатияи мардумии фарҳангӣ

Тоҷикистону Чин: тақвияти ҳамкориҳои илмӣ

Тантанаҳои наврӯзӣ 21 март оғоз мегарданд

Вусъати корҳои ободонӣ

Қолинбофӣ рушд меёбад

Ҷаҳон дар як сатр

Низомиёни афғон 30 гаравгонро озод карданд

ЮНИСЕФ: порсол дар Сурия 650 кӯдак ҳалок шуд

ИМА нисфи маблағгузории СММ – ро коҳиш медиҳад

Ҳалокат дар садамаҳои ҳавоӣ 2 маротиба афзудааст

Покистон аҳолиашро аз нав ба ҳисоб мегирад

13.03.2017


ҲАМОИШИ МУҲИМ ДАР АКАДЕМИЯИ ВАО

Афзалиятҳои Стратегияи миллии рушд матраҳ гашт

Баррасии таҳкими ҳамкориҳо

Мусобиқаҳо барои дарёфти Ҷоми «Пойтахт – 2017»

Мулоқот бо муовини вазири корҳои хориҷии Туркманистон

Изҳори сипос ба «Ҷумҳурият»

Боб-ус-Сағир ҳадафи ҳамлаи террористӣ гашт


Дар сомонаҳои дигари Тоҷикистон хонед