logo

иҷтимоиёт

НОҲИЯИ БОБОҶОН ҒАФУРОВ. 1 МИЛЛИОНУ 200 ҲАЗОР СОМОНӢ БА НИЁЗМАНДОН

Дар рӯзи қабули шаҳрвандон чанде пеш Зариф Вализода, раиси ноҳияи Бобоҷон Ғафуров, беш аз 100 нафар сокини ҷамоатҳои шаҳраку деҳотро ба ҳузур пазируфта, арзашонро шунид. Миёни кулли масъалаҳое, ки дар рӯзи қабули шаҳрвандон мавриди баррасии ҷиддӣ қарор гирифт,  чун ҳамеша ҷудо кардани қитъаи замини наздиҳавлигӣ дар сархат қарор дошт.

Дастрасии сертификати ҳуқуқи истифодаи замин, ҷудо кардани қитъаи замин барои бунёди манзил, боғ, иваз кардани қитъаи замин, бинобар дар селроҳа ва ё дар масоҳати дур қарор доштанаш, аз ҷумлаи он муроҷиатҳое буданд, ки ба раиси ноҳия пешниҳод гаштанд. Масалан, Набиҷон Раҳматҷонов аз Ҷамоати деҳоти Унҷӣ  аз қитъаи замини дар мавзеи Ҳамробод ҷудошуда, барои аз манзили истиқоматиаш дур будан, даст кашида, мехоҳад аз мавзеи Сайҳун соҳиби замин шавад. Сокини Ҷамоати деҳоти Ёва Манзура Абдуғаффорова бошад, дар муроҷиати худ аз ҷумла навиштааст: “Вазъияти оилавӣ имкон намедиҳад, ки дар қитъаи замини дар мавзеи Учбоғ ҷудошуда манзил бунёд кунам”. Номбурда аз раиси ноҳия хоҳиш кардааст, ки барои ба ӯ аз мавзеи Сайҳун ҷудо кардани қитъаи замин мусоидат намояд. Раиси ноҳия шахсони масъули идораи замин ва ҷамоатҳоро вазифадор кард, ки масъалаи мазкурро ҳаматарафа омӯхта, баъдан бо риояи талаботи қонунгузории ҷорӣ хулоса бароранд.
Шаҳрвандон Комилҷон Зоиров, Мавзуна Сулаймонова аз шаҳраки Ғафуров,  Абдуллоҷон Мирбобоев, Манзура Абдуғаффорова, Моҳӣ Ҳасанова аз Ҷамоати деҳоти Ёва, Волида Набиева аз Ҷамоати деҳоти Унҷӣ, Дилором Юсуфова аз Ҷамоати деҳоти Хистеварз дар баробари ҳалли як қатор мушкилоти мардум ва сабзу хуррамгардонии кӯчаву маҳаллаҳо, аз раиси ноҳия хоҳиш намуданд, ки ба беҳтар кардани шароити манзили зист, дастрасии масолеҳи сохтмонӣ ва дастгирии молиявӣ мусоидат намояд.
Дар суҳбат Зариф Вализода иброз дошт, ки ҳар як муроҷиати шаҳрвандон мавриди омӯзиш ва таҳлили гурӯҳи корӣ қарор гирифта, хулосаи он ба мақомоти иҷроияи маҳаллии ҳокимияти давлатӣ пешниҳод мегардад. Дар асоси ҳамин хулоса ба шахсони эҳтиёҷманд ёрии амалӣ расонда мешавад. Ба гуфтаи  раиси ноҳия, бо беҳтар шудани вазъи молиявӣ, барзиёд иҷро гаштани нақшаи андоз танҳо дар соли 2016 ба шахсони камбизоат, маъюб, оилаҳои серфарзанд зиёда аз 1 миллиону 200 ҳазор сомонӣ кумакпулӣ дода  шудааст ва ин раванд минбаъд низ идома хоҳад ёфт.
Ҷовиди АШТӢ, «Ҷумҳурият»


Баёни ақида (0)    Санаи нашр: 17.03.2017    №: 59    Мутолиа карданд: 425

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ


Дар сомонаҳои дигари Тоҷикистон хонед