logo

туризм

АСЭФП: БА ТАРБИЯИ КАДРҲО АВЛАВИЯТ ДОДА МЕШАВАД

Бадахшон як гӯшаи зебои Тоҷикистон буда, ҷаҳониён бештар онро бо унвони Помир мешиносанд ва ба гуфтаи Сарвари маҳбубамон Эмомалӣ Раҳмон (зимни мулоқот бо роҳбарону фаъолони Вилояти Мухтори Кӯҳистони Бадахшон, 26 июни соли 2013, шаҳри Хоруғ) «Бо назардошти табиати нотакрор, кӯҳу қуллаҳои осмонбӯс ва мазеъҳои таърихиву фарҳангӣ таваҷҷуҳи ҳазорон сайёҳон ва ҷаҳонгардонро ба худ ҷалб кардааст... Тараққӣ додани сайёҳӣ яке аз самтҳои афзалиятноки рушди иқтисодиёти вилоят ба ҳисоб меравад».
26 июни соли 2016 Пешвои миллат бинои нави замонавии Маркази эҳёи  ҳунарҳои мардумӣ ва рушди туризми вилоятро расман ифтитоҳ бахшида, таъкид доштанд, ки тарбияи кадрҳои соҳаи сайёҳӣ дар марҳилаи  ҳозира муҳим мебошад, зеро он яке аз самтҳои асосӣ ва стратегии иқтисодиёти кишвар ба ҳисоб меравад. Бинобар ин, соҳаи мазкур ба кадрҳои замонавӣ, донишманд ва қобил ниёз дорад.
Вобаста ба ин ва дигар масъалаҳо бо раиси иҷроияи Ассотсиатсияи сайёҳии экологӣ ва фарҳангии Помир (АСЭФП ) Асадшо Зоолшоев ҳамсуҳбат шудем. - Ассотсиатсияи сайёҳию экологӣ ва фарҳангии Помир дар ҳамкорӣ бо Донишгоҳи давлатии Хоруғ мутахассисони соҳаи сайёҳиро  омода месозад.
Мегуфтед, ки дар ин самт чӣ корҳо ба сомон расидаанд?
- Мо бо Донишгоҳи давлатии Хоруғ панҷ сол боз ҳамкорӣ дорем ва тайи ин солҳо мутахассисони зиёди соҳаҳои гуногуни туризм омода гаштанд. Имсол бошад,  10 донишҷӯи факултаи туризм ва хизматрасонӣ дар АСФЭП таҷриба меандӯзанд.
Ҳамчунин, аз соли 2013 то 2016 аз донишгоҳ ризокорон (волонтёрҳо) – донандагони  забони англисӣ фаъолият мекарданд. Соли гузашта ду нафарашон бо ҷои кори мавсимӣ ва як нафар бо ҷои кори доимӣ таъмин шуданд. Ҳамчунин, дар  АСФЭП роҳбаладҳо (гидҳо) низ омода  мегарданд. Дар ин самт моро Барномаи ҷонибдории инкишофи манотиқи кӯҳистони Хазинаи Оғохон ва GIZ (Ҳамкории Олмон) дастгирӣ мекунанд. Бахусус, мушовири соҳаи сайёҳии ташкилоти GIZ Матиас Пойшиел барои ба бозори ҷаҳонӣ пайваст намудани ширкатҳои маҳаллӣ ба мақсади муаррифии Тоҷикистон ҳамчун макони сайёҳӣ ёрӣ мерасонад.

- Барои ташкили бозори туристии муосиру тараққиёфта ва рақобатпазир дар Помир чӣ корҳо анҷом дода мешаванд?
- Бо мақсади омӯхтани таҷрибаи пешрафтаи кишварҳои ҷаҳон дар соҳаи туризм, ба наздикӣ сафари кормандони АСЭФП ва намояндагони ширкатҳои ВМКБ-ро ба Олмон ва Швейтсария ташкил  намудем.
Зимни сафар  онҳо  аз шаҳрҳои Вернигероде, Берлин, Дрезден, Ҳамбург, Сюрих, Штутгарт ва Женева боздид намуда, бо кормандони ширкатҳои ҷаҳонии «Диамир», «Глоба Тротэ» ва BMZ як қатор вохӯриҳо анҷом доданд.
Бояд гуфт, ки ҷаҳонгардӣ дар ин ду кишвар хеле ривоҷу равнақ ёфтааст ва ҳар сол онҳо аз туризми хориҷӣ ва дохилӣ фоидаи зиёд ба даст меоваранд. Рушди сайёҳӣ дар ин кишварҳо зери назари мақомоти давлатӣ қарор дошта, ҳукумат ширкатҳоеро, ки дар ин самт фаъолият мебаранд,  ҳамаҷониба дастгирӣ менамояд. Таҷрибаи дигари хуби ин кишварҳо фаъолияти шӯроҳои сайёҳӣ дар минтақаҳо мебошад, ки аз ҷумлаи кормандони ширкатҳои туристӣ, иқтисоддонҳо, олимон ва рӯзноманигорон таъсис шудаанд. Ин шӯроҳо мунтазам вохӯриҳо гузаронда, пешравию норасоиҳои соҳаи туристӣ дар маҳалро мавриди таҳлилу баррасии амиқ қарор  медиҳанд.
Намояндагони тоҷик дар шаҳрҳои Берлин, Дрезден, Мюнхен, Ҳамбург ва Ашерслебен иқтидори сайёҳии Тоҷикистонро рӯнамоӣ карданд. Эҳсос мегардид, ки шавқмандони дидани кишвари мо дар ин ҷо зиёд аст. Ва зимни сафар ба мо муяссар гашт, ки бо якчанд ширкати туристӣ барои омадани сайёҳон ба Тоҷикистон шартнома бандем.

- Рушди кадом навъҳои сайёҳӣ дар Бадахшон афзалият доранд ва барои он аз ҷониби ассотсиатсия чӣ тадбирҳо андешида мешаванд?
- Дар  Бадахшон иқтидори туризмҳои кӯҳнавардӣ, пиёдагардӣ, фарҳангӣ ва сайёҳати байнисарҳадӣ бузург аст. Ба манзури ин, мо бояд сатҳу сифати хизматрасониро баланд бардошта, доир ба  тараққӣ додани инфрасохтор чораҳои муассир андешем. Ҷиҳати ташкил ва рушди кӯҳнавардӣ, пиёдагардӣ ва самтҳои дигари зикршуда дар шаҳру деҳоти вилоят корҳои зиёде роҳандозӣ гардиданд. Масалан, ба наздикӣ дар водии Аличури ноҳияи Мурғоб як самти нави фаъолият – қутоссаворӣ ба роҳ монда шуд. Вале  ин дар ҷодаи эҳё, ташкил ва рушди самтҳои гуногуни сайёҳӣ охирин нест ва дар оянда нақшаҳои дигар низ амалӣ хоҳанд гашт.

- Баҳри пешрафти бештари соҳа ва шинохти Тоҷикистон ҳамчун кишвари сайёҳӣ чӣ нақшаҳо дар назаранд?
- Беҳтар кардани сифати хизматрасонӣ, ҷалби ҷавонон ба соҳаи сайёҳӣ, вусъат додани рушди туризми дохилӣ, муаррифии имкониятҳои соҳаи сайёҳии ВМКБ ва умуман Тоҷикистон дар дохили кишвар ва берун аз он  ҳадафҳои асосии ассотсиатсия мебошанд. Вале  ин  ҳама, тавре Президенти кишвар муҳтарам Эмомалӣ Раҳмон таъкид  намуданд, ба дараҷаи омодагии кадрҳои соҳа бештар иртибот дорад. Бинобар  ин, мо ба  тарбияи кадрҳои баландихтисос диққати ҷиддӣ  медиҳем. Ва, албатта, агар имконияти молиявӣ даст диҳад, ба хотири  омӯзиши таҷрибаи мамолики пешрафта сафари гурӯҳҳои дигарро ташкил хоҳем кард.
Раҳмон ГУЛЗОР,
Шаҳноз ҚУРБОН, «Ҷумҳурият»


Баёни ақида (0)    Санаи нашр: 22.03.2017    №: 62    Мутолиа карданд: 2383

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед