logo

иқтисод

ИСТИХРОҶИ МАЪДАН. МАРҲИЛАИ НАВИ РУШД

Истифодаи самараноки таҷҳизоти муосир ва насби технологияи нави инноватсионӣ ба Ҷамъияти дорои масъулияти маҳдуди «Ширкати кӯҳӣ-саноатии Тоҷикистону Хитой», воқеъ дар шаҳраки Зарнисори шаҳри Гулистон барои вусъат бахшидани истеҳсолот шароити мусоид фароҳам оварда истодааст. Корхона дар соли сипаришуда бори нахуст истихроҷи маъданро ба зиёда аз 2 миллион тонна расонд, ки нисбат ба соли пешӣ 800 ҳазор тонна зиёд мебошад. Ин нишондиҳанда дар таърихи мавҷудияти конҳои Зарнисор баландтарин ба ҳисоб меравад.
Ҳоло корхона бо мутахассисони сатҳи баланд ва таҷҳизоти муосири санҷишии маъдан, тамғаи HPD 610, истеҳсоли кишвари Малайзия имкони истеҳсоли аз ин ҳам бештари маҳсулотро пайдо кардааст. Усули нави истихроҷи маъдан бе талаф сурат мегирад. Қаблан бо истифода аз усули кандани зинавӣ  тақрибан 16 - 20 дарсади маъдан талаф меёфт. Интиқоли маъдани истихроҷшуда низ ба корхона дар масофаи то 7 километр тавассути қатора бе хароҷот ҷараён дорад.
Ба андешаи муовини директори генералии ширкат Мирзафар Зарифов, «Ширкати кӯҳӣ – саноатии Тоҷикистону Хитой» бо назардошти вусъат додани кор дар самти коркарди ашёи хом ва истеҳсоли маҳсулоти содиротӣ ояндаи дурахшон дорад. Соли равон дар заминаи коркарди ашёи хоми ширкати мо, дар шаҳри Истиқлол бузургтарин комбинати металлургӣ дар минтақа бо иқтидори истеҳсолии 50 ҳазор тонна руҳ ва 50 ҳазор тонна сурб ба истифода дода мешавад, ки ин иқдом низ дар ҳаллу фасли даҳҳо масъалаи иқтисодию иҷтимоӣ мусоидат хоҳад кард.
Саҳми ширкати мазкур дар ғанӣ гардидани буҷети мамлакат басо назаррас аст. Маблағи андозе, ки корхона соли 2016 супоридааст, беш аз 300 миллион сомониро ташкил медиҳад.
- Албатта, ин нишондиҳанда худ аз худ ба даст намеояд, ин ҷо заҳмат ва талоши садҳо нафар мутахассисон, ҳайати калони муҳандисон ва коргарони қаторӣ хеле назаррас мебошад, - иброз дошт, профессор Ван Ши Бин, муовини президенти ҶДММ «Ширкати кӯҳӣ – саноатии Тоҷикистону Хитой». Ба гуфтаи ӯ, феълан аз 3000 нафар коргарони ширкат беш аз 70 дарсадашон мутахассисони маҳаллианд. Ҳамасола аз 50 то 100 нафар кормандон бо ҷойи кори доимӣ фаро гирифта мешаванд. Маврид ба зикр аст, ки солҳои охир ҳайати муҳандисии ширкат низ бо мутахассисони маҳаллӣ пурра мегардад. Дар ин самт ҳамкорӣ бо Донишкадаи кӯҳӣ - металлургии Тоҷикистон, воқеъ дар шаҳри Бӯстон самар мебахшад. Зиёда аз 300 нафар ҷавонони шаҳраки Зарнисор дар қисми таълимии ширкат касбҳои гуногуни соҳаи кӯҳкорӣ ва коркарди маъданро омӯхта, соҳиби ҷойи кори доимӣ шуданд.
- Расидан ба нишондиҳандаи истихроҷи  маъдан то 3 миллион тонна аз ҳадафҳои наздиктарини «Ширкати кӯҳӣ - саноатии Тоҷикистону Хитой» ба ҳисоб рафта, ба ин васила иқтидори иқтисодии корхона меафзояд ва сатҳи зиндагии кормандони ширкат ва сокинони шаҳрак боз ҳам беҳтар мегардад, - гуфт ҷаноби Ван Ши Бин. – Мехоҳем соли 2018 - ро ки бо фарорасии он аз оғози фаъолияти ширкат 10 сол сипарӣ мешавад, бо натиҷаҳои фараҳбахш истиқбол гирем.
Ҷовиди АШТӢ, «Ҷумҳурият»


Баёни ақида (0)    Санаи нашр: 29.03.2017    №: 66    Мутолиа карданд: 327

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ


Дар сомонаҳои дигари Тоҷикистон хонед