logo

иқтисод

ШИКОРИ ҒАЙРИҚОНУНӢ. АЗ НОБУДИИ ШАРОИТ ТО НОБУДШАВИИ НАВЪҲОИ МОҲӢ

Шикори ғайриқонунии моҳӣ бо тӯр, маводи кимиёӣ ва шастҳои барқӣ дар дарёи Вахш боиси камшавии аксар навъҳои моҳӣ гардидааст.

Умархон Муродов, сокини Ҷамоати деҳоти Бохтариёни ноҳияи Бохтар мегӯяд, ки тақрибан ҳар рӯз се-чор гурӯҳ бо дастгоҳи баландкунандаи шиддат, ки 12 волт неруи аккумуляторро ба 380 табдил медиҳад, моҳӣ шикор мекунанд. Ин дастгоҳ мавҷудоти зиндаи обро дар доираи 3 метр  кушта, боиси гум шудани насли онҳо мегардад.
- Мувофиқи қонунгузории Ҷумҳурии Тоҷикистон тавассути тӯр моҳӣ гирифтан ҳам маҳдудият дорад, - иброз дошт Қурбонназар Одинаев, раиси ҷамъияти шикорчиёни шаҳри Қӯрғонтеппа. - Дар гузашта тӯр фақат дар мағозаҳои варзишӣ ба намояндагони хоҷагиҳои моҳипарварӣ баъд аз пешниҳоди иҷозатнома фурӯхта мешуд. Ҳоло дар ҳар куҷо, ки хоҳанд, мефурӯшанд. Барои мубориза бо ин тамоюли номатлуб бояд мақомоти дахлдор ва шаҳрвандон дар ҳамдастӣ чораандешӣ кунанд.
Дар дарёи Вахш, ки 786 километр дарозӣ ва 39,1 ҳазор километри мукааб паҳноии ҳавзаи обхез дорад, зиёда аз 12 навъи моҳӣ мавҷуд аст. Вале, мутаассифона, шумори ҳамаи онҳо, бинобар ҷой доштани шикори бераҳмона ва ҳам наовардану сар надодани моҳию моҳичаҳо, рӯ ба нестӣ овардааст.    
- Солҳои пеш дар як-ду соат хеле моҳӣ медоштем, - мегӯяд сокини калонсоли ноҳияи Бохтар Тоҷиддин Шарифов. - Ҳоло рӯзи дароз шинед ҳам, як моҳӣ гирифта наметавонед. Ёд надорам, ки “карп”- ро кадом сол дар ин дарё дидаам. Ҳатто моҳии миёнаҳаҷмро ҳам на ҳамеша вохӯрдан мумкин аст.
Ҳарчанд тибқи фармоиши сардори Раёсати ҳифзи муҳити зисти вилоят аз 10-уми март то 15 - уми июн, ки мавсими тухмгузории моҳӣ мебошад, шикори он бо ҳама усул комилан манъ аст, лекин 12-уми март мо нафаронеро вохӯрдем, ки машғули моҳидорӣ буданд. Аз суҳбат бо онҳо, ки ҳамроҳи худ аз ду то чор шасти моҳидорӣ ва хамиру моддаҳои ҷалбу мадҳушкунандаи моҳӣ доштанд, маълум шуд, ки сокинони навоҳии Хуросону Бохтар будаанд.
Ба андешаи Саъдулло Бобоҷон, сардори шуъбаи ҳифзи наботот, ҳайвонот ва захираҳои моҳии Раёсати ҳифзи муҳити зисти вилояти Хатлон, шикори ғайриқонунии моҳӣ омилҳои молиявӣ дорад. Шахсони дастгиршуда мегӯянд, ки аз пеш бурда натавонистани рӯзгор ба шикори ғайриқонунӣ даст задаанд. Ба гуфтаи ӯ, ҳарчанд онҳо дар ҳамдастӣ бо милитсияи экологӣ соли гузашта чор ва имсол як ҳолати моҳигирии ғайриқонуниро ошкор карданд, вале аз сабаби надоштани мошину қаиқҳои махсус ва дурбину милтиқ барои муборизаи густурда бо браконерҳо имкон надоранд.
- Солҳои шӯравӣ ба нозирони ҳифзи муҳити зист мошинҳои махсус, либосҳои низомӣ, қаиқу дурбин ва яроқ дода мешуд, - изҳор кард Ёқубалӣ Қурбонов, собиқадори соҳаи экология. - Бояд барои он шуъбаҳое, ки бар зидди шикори ғайриқонунӣ мубориза мебаранд, шароити мусоиди кору фаъолият фароҳам оварда шавад. Масалан, дар обанборҳои Норак, Сарбанд ва Сангтӯда бе таҷҳизоти муосир бар зидди шикорчиёни ғайриқонунӣ ё браконерҳо мубориза бурдан ғайриимкон аст. Ҳамчунин, дар он минтақаҳое, ки браконерҳо вориди дарё ва обанборҳо мешаванд, дидбонгоҳҳо ташкил кардан салоҳи кор аст.
Дар тақвияти ин гуфтаҳо бояд бигӯем, ки агар Кумитаи ҳифзи муҳити зист ва дигар ниҳодҳои дахлдор барои пешгирии шикори ғайриқонунии моҳӣ чораҳои муассир наандешанд, аз байн рафтани моҳиҳои нодири белбинии калони сирдарёӣ, мӯйлабмоҳии туркистонӣ, хормоҳӣ, шӯртан ва ғайра, ки шомили Китоби сурхи Тоҷикистон ҳастанд, ногузир хоҳад буд.
Зокир ҲАСАН, “Ҷумҳурият”


Баёни ақида (0)    Санаи нашр: 29.03.2017    №: 66    Мутолиа карданд: 550
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед