logo

фарҳанг

ТАНТАНАҲОИ НАВРӮЗӢ ДАР МАСКАВ, БЕРЛИН ВА ПАРИЖ

Наврӯз аз муборактарин ҷашнҳои миллии мо - тоҷикон имсол ҳам мисли солҳои пешин чи дар ватани Наврӯз - Тоҷикистон ва чи берун аз он бо шукӯҳу шаҳомати хос таҷлил гардид ва чорабиниҳои идона ҳамоно идома доранд.

Ахиран, бо ташаббуси сафоратхонаҳои кишварҳои ҳавзаи Наврӯз Ҷашни байналмилалии Наврӯз - 2017 дар Осорхонаи этнологии шаҳри Берлин баргузор гашт. Дар ин чорабинӣ бо ибтикори Сафорати Ҷумҳурии Тоҷикистон гӯшаи таҷассумгари фарҳанг ва таърихи миллӣ, маводи зиёди таблиғотӣ оид ба Ватани аҷдодӣ ва мавзеъҳои сайёҳии он ба маърази тамошо гузошта шуд. Кормандони сафорат барои меҳмонон суфраи наврӯзӣ бо ғизоҳои миллӣ оростанд.
Сафорати Ҷумҳурии Тоҷикистон дар Федератсияи Русия дар толори яке аз меҳмонхонаҳои маъруфи шаҳри Маскав - «The Ritz Carlton» ба муносибати фарорасии ҷашни эҳёи табиат - Иди байналмилалии Наврӯз маросими тантанавӣ барпо намуд. Дар он намояндагони Ҳукумат ва Думаи давлатии Федератсияи Русия,  корпусҳои дипломатӣ, сафирони кишварҳои ҳавзаи Наврӯз, доираҳои илму фарҳанги Русия, тоҷикони муқими шаҳри Маскав ва васоити ахбори омма  иштирок доштанд. Дар ҷашн, инчунин, намояндагони беш аз 70 кишвари ҷаҳон ширкат варзида, бо таомҳои миллии тоҷикӣ, анъанаву русуми аҷдодии тоҷикон ва суннатҳои марбут ба ҷашнгирии Наврӯзи фархундапай шинос шуданд.
Дар ифтитоҳи чорабинии наврӯзӣ сафири фавқулода ва мухтори Ҷумҳурии Тоҷикистон дар Федератсияи Русия Имомуддин Сатторов ҳозиринро ба муносибати Ҷашни Наврӯзи оламафрӯз табрик намуда, таъкид кард, ки Наврӯз чун ҷашни талқингари дӯстию бародарӣ, ҳамдилию ҳамбастагӣ, сулҳу оштӣ, бахшиши гуноҳҳо, поксозии қалбҳо аз кинаю кудурат ва оғози фасли баҳору шукуфоӣ, киштукори зироатҳо ва ҳамчунин, оғози соли нави офтобӣ шинохта шудааст. Ҷашни ҷаҳонӣ эълон шудани Наврӯзи дилафрӯз аз ҷониби Созмони Милали Муттаҳид маҳз нишонаи эътибори ҳамин арзишҳои воло ва натиҷаи ҷаҳду талошҳои зиёди Тоҷикистон ва дигар кишварҳои таҷлилкунандаи ин иди фаррухпай дар арсаи байналмилалӣ арзёбӣ гардид.  Гуфта шуд, ки Наврӯз яке аз идҳои писандидатарини мардуми Машриқзамин ба шумор меравад ва бо фалсафаи башардӯстонаву созандаи хеш дар ҷаҳон машҳур аст.
Дар Маркази фарҳангии Русия дар Париж бошад, бо ташаббуси Сафорати Тоҷикистон дар Ҷумҳурии Фаронса ва ҳамкории ҷамъияти тоҷикони ин кишвар - «Равзана» консерти идона бахшида ба 25 - солагии истиқрори муносибатҳои дипломатӣ байни Тоҷикистону Фаронса ва истиқболи Наврӯзи байналмилалӣ баргузор гардид. Сафири фавқулода ва мухтори Ҷумҳурии Тоҷикистон дар Фаронса Ҳомидҷон Назаров перомуни суннатҳои волои ин ҷашни бостонӣ, ки бархе аз онҳо бар асари ҳаводиси таърихӣ ба гӯшаи фаромӯшӣ рафтаанд, маълумот ироа дошт. Зикр сохт, ки ин ҷашни куҳану ҳамешаҷавон ва зебои табиат бо азму талош ва пайгириҳои чандинсолаи Тоҷикистон ва як қатор кишварҳои ҳавзаи Наврӯз аз тарафи Созмони Милали Муттаҳид ҳамчун Ҷашни байналмилалӣ эълон шуд.
Санъаткорони тоҷик - директори Академияи мақоми Тоҷикистон Абдувалӣ Абдурашидов, овозхони шинохтаи тоҷики муқими Швейтсария Заррина Тоҷибоева, ғижжакнавоз Шафақ Қосимова, пианинонавоз Заррина Собирова ва дигар гурӯҳҳои ҳунарӣ  бо барномаҳои ҷолиби консертӣ хотири иштирокдорони чорабиниро шод гардонданд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 30.03.2017    №: 67    Мутолиа карданд: 480

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед