logo

иҷтимоиёт

НАВОРИ ХОТИРОТ. АЗ НАВБАТИ НОН ТО ФАЙЗИ ДАСТАРХОН

Соли 1992 ба ҳайси мудири шуъбаи сабти асноди ҳолати шаҳрвандии вилояти Кӯлоб, ки дар бинои ҳукумат воқеъ буд, кор мекардам. Дар ҳамон шабу рӯз бисёриҳо дар фикри ёфтани як бурда нон ва ҳимояи оилаву фарзандон аз дасти гурӯҳҳои силоҳбадаст буданд. Вилояти Кӯлоб дар муҳосираи иқтисодӣ қарор дошт. Ба арзу шикояти мардум муовини раиси  вилоят, зани ҷасуру ҷонфидо Қиммат Рустамова  гӯш медоду бо ҳар роҳу восита ба онҳо ёрии моддию  маънавӣ мерасонд.

Як саҳар, вақти аз назди манзили истиқоматие гузаштан, фиғони ҷонсӯзи зане ба гӯшам расид. Барои тасаллият ба хонааш даромада, ҳуш аз сарам парид. Ҷавони 22 - солаеро бо бераҳмии гӯшношунид ба қатл расондаанд. Бо дидани ин ҳолати даҳшатовар худро дошта натавониста, аз ҳуш рафтам. Баъдан, дар робита ба ин манзараи дарднок таҳти унвони «Бачамой, оҳ бачамой» мақола навишта, моҳи сентябри соли 1992 дар рӯзномаи вилоятии «Роҳи Ленинӣ» ба чоп расондам.
Дар он рӯзҳои мудҳиш раиси «Бунёди забони тоҷикӣ», Шоири халқии Тоҷикистон, устоди зиндаёд Лоиқ Шералӣ ба шаҳри Кӯлоб омада, бо шавҳарам Қурбоналӣ Атозода, раиси «Бунёди забони тоҷикӣ» дар  вилояти Кӯлоб, барои гузарондани ҷаласаи навбатӣ суҳбат мекарданд. Ба чеҳраи устод нигариста, ҳис мекардам, ки рӯҳу ҷисмашон моломоли дарду ғам аст. Субҳи барвақт ба Душанбе баргашта, рӯзи ҷаласаро аниқ нагуфтанд. Баъди ҳафтае шавҳарамро ба ҷаласа даъват карданд. Аммо рӯзи 12 октябри соли 1992 котиби масъули «Бунёди забони тоҷикӣ» Оишабону занг зада, вазъияти шаҳри Душанберо ба мо фаҳмонд ва хоҳиш кард, ки бо ҳавопаймо ба пойтахт оем. Бо маслиҳати пешакӣ субҳи 14 октябр ба фурудгоҳи  шаҳри Кӯлоб рафта дидем, ки он пур аз гурезагон аст…
Он рӯз ҳаво ниҳоят  хунук буду борон беист меборид. Гурезагони шаҳри Қӯрғонтеппа бо рангу рӯи парида, сару пойи луч гирд омада буданд. Кӯдакон «нон» гуфта, дили моро ба дард меоварданд. На ҳар кас маҷоли ин ҳолатро дидан дошт. Атозода, ки марди ниҳоят ғамхору меҳрубон буданд, ба назди яке аз ин оилаҳо рафта, ба куҷо рафтанашонро пурсон шуданд. Сардори оила - апаи Муҳаббат бо дидаи гирён гуфт, ки аз «Ургутмаҳалла»-и Ҷамоати деҳоти Заргар мебошаду чизу чораашро гурӯҳҳои ҷиноятпеша ғорат намуда, хонаашро оташ задаанд. Зани бечора бо 7 нафар фарзандаш намедонист чӣ кор кунаду ба куҷо равад. Атозода кӯдакони ташнаю гушнаро дида, ба хонаи дуҳуҷрагиамон, ки дар кӯчаи собиқ Ленин 27 воқеъ буд, оварданд. Мо онҳоро қариб як моҳ  нигоҳубин карда, баъд бо роҳи Хуҷанд ба шаҳри Самарқанди Ҷумҳурии Ӯзбекистон, ба хонаи хешу таборашон гусел намудем.
Рӯзҳое, ки ин гурезагон дар хонаи мо зиндагӣ доштанд, то поси шаб назди заводи нони шаҳри Кӯлоб дар навбати хлеб истода, ба ҳар нафар 100 граммӣ мегирифтем.
Худованд он рӯзҳоро дигар ҳеҷ гоҳ нишон надиҳад. Ҳазорҳо бор шукр, ки ба бахти халқи ранҷдидаи тоҷик Пешвои маҳбуби кишварамон сари қудрат омаданду чун офтоби дурахшон роҳи моро равшан карданд. Бояд ба қадри ваҳдати миллӣ ва Истиқлолияти давлатӣ, ки бо амри тақдир баъди чандин аср соҳиб шудаем, расем ва нагузорем, ки ҷанги бародаркуше, ки солҳои 90 - ум бо таъсири омилҳои дохилию берунӣ ба сари мардуми тоҷик даҳшату бесарусомониҳо оварда, боиси марги ҳазорҳо нафари бегуноҳ гашта буд, такрор ёбад.
Бо назардошти вазъи имрӯзаи ҷаҳони муосир, ҳифзи амнияти давлату миллат, устувор намудани пояҳои давлату давлатдории миллӣ, баланд бардоштани сатҳи зиндагӣ ва обод гардондани ин сарзамини биҳиштосои аҷдодӣ аз худи мо вобастагӣ дорад. Бояд мо насли калонсол саҳифаҳои мудҳиши солҳои ҷанги шаҳрвандиро ба манзури ибрат ва ташаккул додан тафаккури солими насли ҷавон ёдовар шавем. Шукрона бояд кард, ки бо талошҳои хастанопазири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишвари ҷангзадаи мо аз ҳолати парешонӣ наҷот ёфт ва имрӯз дар фазои беғубору осуда ба сар мебарем. Агар замоне соатҳо дар навбати нон будем, имрӯз аз файзи ваҳдати миллӣ дастархони мо пурнозу неъмат аст. Дар хонадони тоҷик суруру шодмонӣ ҳукмфармост. Дар партави сиёсати хирадмандонаи Сарвари муаззами давлат мамлакати мо на танҳо аз доми даргириҳо берун омад, балки дар ҷаҳон ҳамчун кишвари сулҳпарвару ташаббускор дар ҳали масоили глобалии ҷаҳонӣ шинохта шуд. Аз ин рӯ, бояд ҳар фарди худогоҳ дар ҳифзи сулҳу ваҳдат ва якпорчагии ин сарзамин талош варзад. Ва бо иттиҳоду ҳамбастагӣ ваҳдати миллиро чун гавҳараки чашм ҳифз намояд.
Зебунисо САЪДУЛЛОЕВА, омӯзгор


Баёни ақида (0)    Санаи нашр: 31.03.2017    №: 68    Мутолиа карданд: 220
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед