logo

иҷтимоиёт

ВМКБ. Беш аз 64 килограмм маводи мухаддир ба коми оташ рафт

Кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар  Вилояти  Мухтори  Кӯҳистони  Бадахшон 30 март дар ҳузури намояндагони прокуратура, суд ва воситаҳои ахбори омма  64  килограмму  763  грамм  маводи мухаддирро  дар  бухории  махсуси  раёсати  агентӣ сӯзонданд.
Дар ин бора Гев  Ошурмамадов, нозири  калони   ситоди  Раёсати  Агентии   назорати  маводи нашъаовари назди  Президенти Ҷумҳурии Тоҷикистон дар  вилоят, ба мо хабар дод. Мавсуф зикр кард,  ки аз ин 22 килограмму 259 грамм ҳашиш, 39  килограмму  271  грамм афюн ва 3  килограмму  233 грамм героин буда, соли гузашта аз 15 шаҳрванд мусодира гардидааст. Нисбат ба шахсони қонуншикан парвандаҳои ҷиноятӣ оғоз  ва баъди анҷоми тафтишот ба суд фиристода шуданд. Нашъаҷаллобон бо ҳукми суд ба муҳлатҳои гуногун аз озодӣ маҳрум гаштанд.
Гев  Ошурмамадов  иброз дошт, ки кормандони   раёсати  агентӣ   қарори Ҳукумати мамлакатро “Дар бораи тартиби баҳисобгирӣ, нигаҳдорӣ, мусодира  ва  нобуд  кардани  воситаҳои  нашъаовар, моддаҳои  психотропӣ  ва  прекурсорҳое, ки  аз  муомилоти  ғайриқонунӣ гирифта  шудаанд” дар меҳвари фаъолият қарор дода, баҳри  пешгирии  ҷиноятҳои мухаддиротӣ ва ба  ҷавобгарии  қонунӣ  кашидани   шахсони  ба  ин  кор  дастдошта  корҳои таблиғотию ташвиқотиро васеъ ба роҳ мондаанд. Онҳо бо сокинони шаҳру ноҳияҳо вохӯрию мулоқот доир намуда, оқибатҳои ҳалокатбори нашъамандию нашъаҷаллобиро мефаҳмонанд. Бо вуҷуди ин, ҳанӯз ҳам шахсоне ёфт мешаванд, ки аз доираи қонун берун баромада, даст ба амалҳои ношоиста мезананд, ҳаёти худ ва дигаронро зери хатар мегузоранд.
Нозири  калони   ситоди  Раёсати  Агентии   назорати  маводи нашъаовари назди  Президенти Ҷумҳурии Тоҷикистон дар  ВМКБ, иттилоъ дод, ки танҳо дар семоҳаи аввали соли равон  аз тарафи ниҳодҳои марзбонию қудратӣ 23 ҳодисаи марбут ба муомилоти ғайрқонунии маводи нашъаовар ошкор ва зиёда аз 103 килограмм мухаддирот мусодира гардидааст. Нисбат ба ин ҳодисаҳо низ парвандаҳои ҷиноятӣ оғоз  шуда, тафтишот идома дорад.
Сафаргул АЛИМОВА, “Ҷумҳурият”


Баёни ақида (0)    Санаи нашр: 05.04.2017    №: 70    Мутолиа карданд: 181

14.12.2017


Мулоқоти Қоҳир Расулзода ва Биналӣ Йилдирим

Рушду равнақи ҳамкориҳои Тоҷикистону Туркманистон

Ибодулло Машраб – барандаи Ҷоизаи «Ситораи Иттиҳод»

Дар Ёвон коргоҳи меваю сабзавот ба истифода дода шуд

Бунёди боғи интенсивӣ дар Тоҷикобод

Ҷаҳон дар як сатр

Зангҳои бардурӯғ

ИМА маблағгузории СММ – ро 250 миллион доллар кам карданист

Фаронса истифодаи телефонҳои мобилиро дар мактабҳо манъ менамояд

Бори нахуст дар эстафетаи олимпӣ робот иштирок намуд

Варзиш

11.12.2017


Баррасии масоили ҳифзи амнияти иттилоотӣ

Вохӯрии Музаффар Ҳусейнзода ва Дан Некулаеску

Инноватсия ва шарикӣ барои ноил гаштан ба Ҳадафҳои рушди устувор

Баргузории форуми «Роҳ ба сӯи иқтисодиёти ғайринақдӣ»

Ҷаҳон дар як сатр

«Сафирони забони русӣ» ба Тоҷикистон омаданд

Дар Осло Ҷоизаи сулҳи Нобел супурда шуд

Сарвазири Ироқ: «Ҷанг алайҳи «ДИ» анҷом ёфт»

СММ: «Ҳаҷми ҷаҳонии порагирӣ 1 триллион долларро ташкил медиҳад»

Фарбеҳтарин зани дунё 400 кило вазн партофт

08.12.2017


Ҷаҳон дар як сатр

Дар Швейтсария президенти нав интихоб намуданд

Ҷангиёни «Давлати исломӣ» ба киберфазо мегузаранд

Хисорот аз сӯхтори ҷангали Калифорния аз 9 миллиард доллар гузашт

Шикояти соҳибкорон аз мақомоти Қазоқистон кам мешавад

«Наҷотбахши дунё»-ро дар Абу - Дабӣ намоиш медиҳанд

Даҳ кишваре, ки арзонтарин қарзи манзил доранд

07.12.2017


Вохӯрии Шамсиддин Орумбекзода ва Криста Пиккат

Масоили густариши ҳамкориҳо дар соҳаи тиб матраҳ гардид

Маросими супурдани эътимоднома

Баррасии таҳкими равобити соҳибкорони Тоҷикистону Қатар

Бунёди қасри фарҳанг дар ноҳияи Шамсиддин Шоҳин

Ҷаҳон дар як сатр


Дар сомонаҳои дигари Тоҷикистон хонед