logo

муҳоҷират

МУҲОҶИРАТ. ЧАНД ИМТИЁЗИ РУСИЯ БА ШАҲРВАНДОНИ ТОҶИКИСТОН

Аз 25 март то 24 апрели соли равон муҳоҷирони кории тоҷик имкон доранд дар ҳудуди  Федератсияи Русия барои қонунӣ гардондани будубош, тамдид ва сабти расмӣ дар мақомоти марбутаи ин кишвар ҳозир шаванд. Дар ин муддат шаҳрвандони Тоҷикистон барои қоидавайронкунии будубош ва фаъолияти меҳнатӣ ба ҷавобгарии маъмурӣ кашида намешаванд. Инчунин, шахсоне, ки дар ин кишвар муҳлати будубошашон гузаштааст, метавонанд дар муддати як моҳ ба мақомоти дахлдор муроҷиат намоянд. Ба онҳо барои қонунӣ гардондани будубош корти муҳоҷиратии нав, бо нишон додани мақсади вуруд, дода мешавад.

Агар шаҳрванд ба қоидавайронкунии маъмурӣ, ки сабаби ихроҷ шуданаш гардидааст, роҳ дода бошад, метавонад ба мақомоти  муҳоҷиратӣ  муроҷиат намояд. Дар ин сурат нисбат ба ӯ чораи маъмурӣ андешида намешавад. Ҳамчунин, дар ин муҳлат нисбат ба ягон шаҳрванди Ҷумҳурии Тоҷикистон, ки дар ҳудуди Русия қарор дорад, чораи маъмурӣ оид ба қонунҳои муҳоҷиратӣ татбиқ намегардад. Ҳангоми муроҷиати шаҳрванд ба ӯ корти муҳоҷиратӣ ва қайди муҳоҷиратӣ ба муҳлати 90 рӯз дода мешавад ва шахс имкон дорад дар ин муддат будубоши худро қонунӣ гардонад. Дар ҳолати гум кардан ва ё надоштани корти муҳоҷиратӣ ба шаҳрванд корти муҳоҷиратии нав, бо ҳуқуқи будубошаш дар муҳлати 90 рӯз дода мешавад. Ҳоло намояндагии Вазорати меҳнат, муҳоҷират ва шуғли аҳолӣ дар ҳамкорӣ бо сафорат ва консулгариҳои Ҷумҳурии Тоҷикистон дар манотиқи гуногуни Федератсияи Русия, бо мақсади татбиқи ин чорабинӣ, бо муҳоҷирон вохӯриҳо доир менамоянд.
Тавре Моёншо Маҳмадбеков, сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон, ба мо иттилоъ дод, чунин имтиёз бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар асоси Созишнома миёни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати меҳнат ва ҳифзи иҷтимоии Федератсияи Русия ба даст омадааст. Созишнома дар ин бора 27 феврали соли 2017 дар ҳузури Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия Владимир Путин дар Душанбе ба имзо расид.
Мунаввари САФАР, «Ҷумҳурият»


Баёни ақида (0)    Санаи нашр: 05.04.2017    №: 70    Мутолиа карданд: 4945

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед