logo

фарҳанг

ТАНТАНАҲОИ НАВРӮЗӢ ДАР ТОҶИКОБОД

Новобаста аз сардии ҳавои имсола Ҷашни байналмилалии Наврӯз дар ноҳияи Тоҷикобод бо шукӯҳу шаҳомати хоса таҷлил гардид. Субҳи 2 – юми апрел  пиру барнои ноҳия ба варзишгоҳи марказии ноҳия бо рӯҳи болида ва хушнудӣ ҷамъ омаданд.
Дар шафати ҷашнгоҳ намоиши дастовардҳои аҳли заҳмат ва ҳунармандони ноҳия баргузор гардид. Дар он маҳсулоти ташкилоту корхонаҳо ва дастранҷи кишоварзону ҳунармандони мардумӣ ба маърази тамошо гузошта шуданд. Дар намоиш тибқи таомули мардуми маҳаллӣ дастархонҳои идонаи бо ҳафт сину ҳафт шин орододашуда ва таому шириниҳои  наврӯзӣ низ пешкаш гардиданд.
Чорабинии асосии идона бо намоиши театрикунонидашудаи аҳли ҳунар оғоз гардид. Дар назди ҳозирин арӯси сол - маликаи Наврӯз дар ҳалқаи гулдухтарони атласпӯш гаштугузор намуда, аз омадани фасли зебои сол башорат медод.
Раиси ноҳия Нодираи Маҳмадисо ва раиси Кумитаи оид ба корҳои дин ва танзими анъана ва ҷашну маросимҳои миллии назди Ҳукумати Ҷумҳурии Тоҷикистон Сулаймон Давлатзода ҷамъомадагонро бо фарорасии Наврӯзи байналмилалӣ табрик намуданд. Зикр  гардид, ки бо дастгирии Ҳукумати ҷумҳурӣ ноҳияи Тоҷикобод сол то сол ободу зебо мегардад. Бунёди чандин иншооти бузург, ба монанди пули азими Ваҳдат, шоҳроҳи байналмилалии аз масири ноҳия гузаранда, сохтмони варзишгоҳи дорои беш аз 6 ҳазор ҷойи нишаст ва меҳмонхонаи сеошёнаи замонавӣ симои ноҳияро ба куллӣ дигаргун намудаанд. 
Бояд зикр намуд, ки мардуми заҳматқарини ноҳия Наврӯзи имсоларо бо иҷрои як қатор корҳои наҷиб пешвоз гирифтанд. Дар арафаи ҷашн ҳамарӯза аҳолии деҳот ба ҳашари умумӣ баромада, баҳри ободии диёрашон заҳмат кашиданд. Соҳибкорони маҳаллӣ низ аз ин амали хайр дар канор намонда, барои корҳои ободонӣ қариб 50 ҳазор сомонӣ ҷамъ намуданд. Аз ин ҳисоб як қатор корҳо иҷро карда шуд. Аз ҷумла, қисмати ғарбии варзишгоҳи марказии ноҳия низ аз ҳамин ҳисоб пӯшонда шуд. Дар кӯчаҳои марказии ноҳия дарахтони арчаву сарв ва гулу буттаҳои ороишӣ шинонда шуданд. То ҷашн дар шафати шоҳроҳи байналмилалӣ лавҳаҳои калонҳаҷми таблиғгари дастовардҳои замони истиқлолият, тараннумгари сулҳу ваҳдати миллӣ ва Ҷашни Наврӯз насб гардиданд.
Дар чорабинии идона, ҳамчунин ҳунармандони Ансамбли эстрадии эҷодии Вазорати фарҳанги ҷумҳурӣ таҳти сарварии Исматулло Холов, ҳунарманди ҷавон Шаҳзоди Даврон ва гулдухтарони ансамбли рақсии «Ҷаҳоноро», бо роҳбарии Ҳунарпешаи шоистаи Тоҷикистон Дилором Сатторова ҳунарнамоӣ намуда, ҷашни наврӯзиро рангину хотирмон намуданд.
Дар доираи чорабиниҳои тантанавӣ дар толори меҳмонхонаи тозабунёди ноҳия хатнасури 35 нафар писарбачаҳо аз оилаҳои ниёзманд ва ҷашни арӯсии панҷ ҷуфти навхонадорон баргузор гардид. 
Дилшод АМИРОВ, «Ҷумҳурият»


Баёни ақида (0)    Санаи нашр: 06.04.2017    №: 71    Мутолиа карданд: 552

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед