logo

иҷтимоиёт

КҲФ: ЭҲТИМОЛИЯТИ ХАТАР ЧАНД РӮЗИ ДИГАР БОҚӢ МЕМОНАД

Бо гузаштани 2 - 3 рӯз аз ҷашни Наврӯз дар ҷумҳурӣ вазъи обу ҳаво якбора бад шуда, ба хоҷагии халқ хатари ҷиддӣ пеш овард. Боридани  боронҳои пуршиддати паёпай ва барфи тар боиси фаромадани селу ярч ва баланд шудани сатҳи оби дарёҳо гардид.
Тавре «Ҷумҳурият» аз маркази матбуоти Кумитаи ҳолатҳои фавқулода ва мудофиаи шаҳрвандӣ ва сардорони  ситодҳои ҳолатҳои фавқулодаи шаҳру навоҳии кишвар иттилоъ гирифт, охири моҳи март ва аввали моҳи апрел ярчу сел ва лағжиши кӯҳпора ба хоҷагии халқи ВМКБ хисороти ҷиддӣ расонд. Лағжиши кӯҳпора дар Тем, Бизмич ва маҳаллаҳои дигари шаҳри Хоруғ чанд хонаи истиқоматӣ, мошинсаройи хоҷагии ҷангал ва коргоҳи дуредгариро қисман хароб кард. Беш аз 40  оила муваққатан ба ҷойҳои бехавф кӯчонда шуд. Бо сабаби сари вақт ба ҷойҳои бехавф кӯчондани сокинони маҳалҳои эҳтимолии хатар касе  аз аҳолӣ осеб надидааст. Бар асари фаромадани сел мавзеъҳои алоҳидаи роҳҳои Душанбе - Дарвоз - Кӯлоб - Хоруғ - Мурғоб - Қароқум, Хоруғ - Ишкошим, Хоруғ - Роштқалъа ба муддати кӯтоҳ баста шуданд. Бо дастури Сарвари давлат мақомоти иҷроияи давлатии ВМКБ барои рафъи  фаврии оқибатҳои офати табиӣ тадбирҳои саривақтӣ андешид. Ба мавзеъҳои зарардида техникаи кофии роҳнигоҳдорӣ сафарбар гардид. Хонаҳои сокинони зарардида дастӣ тоза карда шуданд. Бо дастгирии Ҳукумати ҷумҳурӣ, сокинони водии Бартанги ноҳияи Рӯшон ва деҳоти дурдасти ноҳияи Шуғнон бо маводи озуқаворӣ ва дигар маводи зарурӣ таъмин гардиданд. Бо ибтикори муовини Сарвазири мамлакат Маҳмадтоҳир Зокирзода ва раиси вилояти Хатлон Давлатшоҳ Гулмаҳмадзода ҷиҳати пешгирии талафёбии чорво барои сокинони деҳоти дурдасти Шуғнон, ки аз тӯлонӣ омадани зимистони имсола захираи хӯроки чорворо ба охир расонданд, аз ноҳияҳои Ёвону Мир Сайид Алии Ҳамадонӣ ему алаф фиристода шуд.
 Дар натиҷаи баланд шудани сатҳи об 3 апрел рӯди Оқтоқ дар мавзеи Ҷамоати деҳоти Қиблаии ноҳияи Рӯдакӣ аз соҳил сар зада, ба баъзе қитъаҳои наздиҳавлигии сокинон осеб расонд. Ҳамин рӯз, тибқи иттилои маркази матбуоти кумита, иншооти ёрирасони сокини деҳаи  Шӯли Ҷамоати деҳоти Нусратулло Махсуми ноҳияи Рашт ва се иншооти ёрирасони сокинон дар шаҳраки  Оби Гарм аз фаромадани ярч зиён диданд. Дар ноҳияи Темурмалики вилояти Хатлон  дар натиҷаи баланд шудани сатҳи оби дарёи Сурхоб  қитъаҳои наздиҳавлигии 3 хоҷагии хусусӣ зери об монданд.
Тибқи маълумоти Агентии обуҳавошиносии Тоҷикистон, вазъи номусоиди боду ҳаво, аз ҷумла боридани борони сел, барфи тар ва шиддати суръати шамол, дар кишвар то охири  ҳафта идома меёбад. Дар робита Кумитаи ҳолатҳои фавқулода ва мудофиаи  шаҳрвандии Тоҷикистон аз хавфи  болоравии сатҳи об дар дарёҳои Сурхоб, Яхсу, Хингоб, рӯдҳои водию доманакӯҳҳои Ҳисор, эҳтимолияти фаромадани сел, ярч ва резиши санг хабар дода, аз сокинони мамлакат хоҳиш кардааст, ки то ҳадди имкон аз сафар ба ҷойҳои хатарзо, омодасозии ҳезум, шикор ва корҳои саҳроӣ дар манотиқи хавфноки кӯҳистон худдорӣ кунанд, ҳангоми зарурати сафар бо роҳҳои кӯҳӣ нақлиёти худро бо воситаҳои зарурӣ муҷаҳҳаз созанд.
С. АЗИЗӢ, «Ҷумҳурият»


Баёни ақида (0)    Санаи нашр: 07.04.2017    №: 72    Мутолиа карданд: 301

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ


Дар сомонаҳои дигари Тоҷикистон хонед