logo

иҷтимоиёт

ТЕМУРМАЛИК. ОФАТИ ТАБИАТ МАСЪУЛОНРО ҲУШДОР ДОД

Аз аввали апрел сатҳи оби дарёи Сурхоб баланд шуда, ба баъзе деҳаҳо, киштзорҳо, роҳҳо ва саддҳои муҳофизатии соҳилҳо хисорот ворид сохта истодааст.  Дар суҳбат бо хабарнигори рӯзнома муовини аввали раиси ноҳияи Темурмалик Шарофиддинзода Неъматулло вобаста ба масъалаи мавриди назар чунин гуфт:

- Шаби 2 – юм ба 3 – юми апрел дар натиҷаи боришҳои бардавом оби дарёи Сурхоб баланд гашта,  дар деҳаи Шибанайи Ҷамоати деҳоти Бобоюнус Худойдодзода 12 гектар замини кишт ва 2 км роҳи мошингардро пурра хароб намуд. Рӯзи 4  – ум ҳам сели калон омада, садди муҳофизатии қисмати шимолии маркази ноҳияро вайрон сохта, ҳамзамон  ба 4 хонаи истиқоматӣ даромада, иншооти ёрирасонро қисман вайрон ва дар назди варзишгоҳи марказии ноҳия 3 қитъаи наздиҳавлигиро аз лойқа пур кард. Ҳоло корҳои соҳилмустаҳкамсозӣ вусъат ёфта, техникаҳои Агентии беҳдошти замин ва обёрии ҷумҳурӣ ва муассисаи назорати роҳҳои автомобилгарди ноҳия ба бардоштани садд ва кашондани тахтасангҳо машғуланд.
Як мавзеи дигари хатар назди пули овезони 150 – метра, ки шаҳракро бо Ҷамоати деҳоти Лақай Қармишев мепайвандад,  маҳсуб меёбад. Сели калон садди муҳофизатии назди ин пулро шуста, ҳаракати нақлиёт ва одамонро мушкил гардондааст.
Бо назардошти муҳимияти масъала дар ноҳия ситоди шабонарӯзӣ ташкил карда, навбатдорҳо гузошта шудаанд, ки вазъи дарёро омӯхта, маълумот медиҳанд. Зарари расонда муқаррар карда мешавад.
Вобаста ба барқарор намудани хисороти офати табиат дар ноҳияи Темурмалик муовини аввали раиси  Кумитаи ҳолатҳои фавқулода ва мудофиаи граждании ҷумҳурӣ Шоҳиён Рустам мегӯяд:
- Мо бисёр минтақаҳои хатарзоро дида баромадем. Дар ноҳияи Темурмалик низ чанд мавзеи хатари эҳтимолиро ба қайд гирифта, барои мустаҳкам кардани соҳилҳо тадбирҳо андешидем. Аз ҷумла аз шаҳри Кӯлобу ноҳияи Восеъ 72 тахтасанг ва аз ноҳияи Мир Саид Алии Ҳамадонӣ 50 тахтасанги 2,5 - тоннаӣ кашонда, саддҳо барқарор карда мешаванд.  Дар натиҷаи солҳои тӯлонӣ баланд шудани сатҳи оби дарё ва ба қадри даркорӣ роҳандозӣ накардани тадбирҳо оид ба пешгирӣ аз селоб ҳоло душвориҳо ба амал омадааст. Мутахассисони кумита вазъро омӯхта, ба Ҳукумати кишвар пешниҳод ирсол менамоянд.
Соли 2016 корҳои соҳилмустаҳкамсозӣ поёнтар аз маркази ноҳия анҷом дода шуда буданд. Тавассути он ҳоло ин мавзеъ аз хавфи обхезӣ эмин буда, қариб 200 гектар ҳифз  шудааст. Агар масъулони ноҳия каме пештар оид ба мустаҳкам кардани қисмати шимолии шаҳрак чораҳо меандешиданд, ҳоло оби дарё то ба назди варзишгоҳи ноҳия намеомад.
Мирзои ФИРӮЗ, “Ҷумҳурият”


Баёни ақида (0)    Санаи нашр: 10.04.2017    №: 73    Мутолиа карданд: 161

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд

Куҳантарин кӯдакистони Хоруғ навсозӣ мешавад

Боз як имкони донишҷӯ шудани довталабон

ХАТЛОН. Комёбиҳо назаррасанд

26500 ҷойи нави кор таъсис ёфт

Ҷаҳон дар як сатр

Оташфишонӣ ва як кушта дар сарҳади ҷанубии Қазоқистон

Дар Афғонистон чор қумондони «ДИ» маҳв карда шуд

Шойгу: «Дар Сурия ҳудуди нуфузи ҷангиён ду ним маротиба коҳиш ёфт»

Ҳамкории калонтарин шабакаҳои иҷтимоии Чин бо ҳукумат

Зери таҳримот ҳам иқтисоди Русия рушд мекунад

12.08.2017


Сафири Тоҷикистон дар Эфиопия эътиборнома супурд

Бунёди корхонаи истеҳсолӣ дар ноҳияи Данғара

Душанбе. Анъанаи пардохти иловапулии якдафъаина идома хоҳад ёфт

Ноҳияи Рӯдакӣ. Талабот ба либосҳои мактабии истеҳсоли ватанӣ меафзояд

Хатлон. 15 корхона кор накард

Ҷаҳон дар як сатр

Аксари террорист – маргталабҳои «Боко Ҳарам» занону кӯдаконанд


Дар сомонаҳои дигари Тоҷикистон хонед