logo

иқтисод

ОБЁРИИ ҚАТРАӢ ВА РУШДИ ОЯНДАИ ПАХТАКОРӢ

Дар рӯзи ҷашни Наврӯзи хуҷастапай Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Регари шаҳри Турсунзода ба нияти гузоштани таҳкурсии мустаҳкам ба ҳосили фаровони имсола ва ғанисозии дастархони аҳолӣ дар маъракаи кишти зери плёнка иштирок доштанд ва ба кишоварзон фотиҳаи нек доданд. Бори нахуст бо ибтикори олимони Академияи илмҳои кишоварзии Тоҷикистон дар 1 гектар замини ҶДММ «Агросаноат» кишти зери плёнка бо усули обмонии қатраӣ анҷом дода шуд.
Пунбаи навъи «Дӯстӣ - ИЗ» - ро аз рӯйи технологияи муосир ва бо истифодаи таҷрибаи пешқадами олимони академия ба кор бурданд. Ин таҷриба бо мақсади 2 – 3 маротиба баланд бардоштани ҳосилнокии зироатҳои кишоварзӣ аз обу замин бо истифодаи технологияи муосир татбиқ карда мешавад.
- Кишти зери плёнка бо истифодаи обёрии қатраӣ технологияи парвариши хоси худро дорад, - мегӯяд сарагрономи раёсати кишоварзии шаҳри Турсунзода Абдукарим Файзуллоев. – Агар бо усули муқаррарӣ дар як гектар  100 – 120 кг тухмӣ сарф гардад, дар кишти дуқатораи зериплёнка масофаи байни ниҳолҳо 20 см ва байни қаторҳо 60 см буда, ҳамагӣ 30 – 35 кг тухмӣ истифода бурда мешавад. Дар усули дуқатора дар як гектар то 240 ҳазор бех ниҳол мондан мумкин аст, ки имкон медиҳад тавассути истифодаи қоидаҳои агротехникӣ аз як гектар  аз 50 сентнер зиёд ҳосил гирифта шавад.
Ба кишти пунбаи зери плёнка бо усули обёрии қатраӣ, ки ояндаи соҳаи пахтакорӣ ба он тавъам аст, аз ҳоло диққати асосӣ дода мешавад. Зеро дар кишти муқаррарӣ ҳам се – чор маротиба зиёд тухмӣ, коркарди байни қаторҳо, ягона, култиватсияю ғизодиҳӣ бамавриду бемаврид гузаронда, маблағи калон, қувваи кории зиёд сарф мешуд.  Акнун обу ғизо ба решаи рустанӣ расида, сарф чанд маротиба коҳиш меёбад.
- Ҳадаф аз роҳандозӣ кардани кишти зери плёнка бо харҷи кам ду – се баробар зиёд гирифтани ҳосил, паст намудани арзиши  аслии маҳсулот, эмин доштани заминҳо аз шӯршавӣ ва дигар омилҳо мебошад, - гуфт зимни суҳбат ноиби президенти АИКТ, доктори илмҳои кишоварзӣ Саидҷамол Саидов. – Зимни зери плёнка анҷом додани кишти пахта дар давраи нашъунамо ҳарорати таъсирбахши гармӣ дар хок иловатан 425 – 500°С меафзояд, ки нашъунамои ниҳолҳоро як ҳафта метезонад.
Хати қатрадиҳак як шабонарӯз метавонад бетаъхир кор карда, нашъунамои хуби ниҳолҳоро  таъмин намояд. Сарфи маблағ барои сохтану насб ва истифодаи шабакаи обёрии қатраӣ аз ҳисоби афзудани истеҳсоли пахта ва кам кардани сарфи об ва ба ҷо наовардани коркарди байни қаторҳо ҷуброн мегардад.
Таъсири камбудиҳое, ки солҳои пешин ҳангоми кишт, обмонӣ, мубориза ба муқобили ҳашароту касалиҳои рустаниҳо роҳ дода мешуданд, то ҳол ба назар мерасанд. Чунончи, танҳо дар вилояти Хатлон аз ҳисоби аз меъёр зиёд об мондан бештар аз 6 ҳазор гектар замини кишт аз гардиши кишоварзӣ берун мондааст, ки дар шароити ҷумҳурии мо чашмрас аст.
Пойгоҳи обтозасозанда яке аз қисмҳои асосии шабакаи обёрии қатраӣ буда, самаранокии усули нав ба он вобастагии калон дорад. Дар пойгоҳ об аз ҳар гуна омехтаҳо тоза шуда, бо меъёри муайян ба решаи рустанӣ мерасад. Дар сурати бештар фоида дидан кишоварзон аз ҳисоби ин пойгоҳ метавонанд, 30 гектарро бо усули қатраӣ обёрӣ намоянд.
Чигити киштаҳои зери плёнка неш зада, қаторҳои сабзро ба миён овардаанд. Таҷриба ба кишоварзон умеду боварӣ ба усули навро афзуда, хоҳишмандони кишти зери плёнкаро зиёд карда истодааст.
Боиси зикр аст, ки кишоварзони шаҳри Турсунзода дар бобати истифодаи пурсамари обу замин таҷрибаи ғанӣ доранд. Имсол кишти зери плёнка 340 ва гармхонаҳои доимӣ 14 гектарро ташкил медиҳад. Аллакай баъзе соҳибкорон сабзавоти барвақтии худро ба бозори шаҳр ва пойтахт бароварданд. Рӯзҳои наздик бодирингу помидор, қаланфур ва дигар сабзавоти барвақтӣ дар ҳаҷми зиёд ба бозорҳо бароварда мешавад.
Мирзои ФИРӮЗ, “Ҷумҳурият”


Баёни ақида (0)    Санаи нашр: 11.04.2017    №: 74    Мутолиа карданд: 218

19.10.2017


Баррасии тадбирҳои дастгирии рушди соҳибкории ҷавонон

РАШТ. ЯК ВОХӮРИИ МУҲИМ

ҚОЧОҚ - ЗИЁНИ ҶИДДӢ БА БУҶЕТ ВА ИҚТИСОДИЁТ

Ҷаҳон дар як сатр

Боздиди нозирони Олмон аз пойгоҳи низомии Русия дар Тоҷикистон

Силсилаи амалиёти террористӣ дар Афғонистон боиси марги беш аз 70 нафар шуд

Истеҳсолотро зеҳни сунъӣ ба даст мегирад

Ҳизби коммунисти Чин ислоҳоти густурдаи сиёсиро омода месозад

Ҷорҷ Сорос ба рушди ҷомеаи шаҳрвандӣ 18 миллиард доллар медиҳад

Ба миқдори рекордӣ расидани муҳоҷирон дар ИМА

Варзиш

16.10.2017


Ҳамоиши навбатии Шӯрои тиҷоратии ИМА-Тоҷикистон

Низомиддин Зоҳидӣ Абделҷалил Сабуриро ба ҳузур пазируфт

Мубодилаи таҷрибаҳо байни Тоҷикистон ва Фаронса

Ҳамкориҳо дар соҳаи маориф бо Озарбойҷон густариш меёбанд

Истиқрори дипломатӣ бо Гренада ба роҳ монда шуд

Ҷаҳон дар як сатр

Дар амали террористии Сомалӣ 276 нафар қурбон гашт

Раққа аз ҷангиёни «ДИ» озод карда шуд

Пешгирии амали террористӣ дар Афғонистон

Дар Қирғизистон президенти навро интихоб карданд

Боздошти омӯзгори террорист дар Ҷалолобод

13.10.2017


Баррасии масоили мубрами тақвияти ҳамкориҳо

Мулоқоти Рамазон Раҳимзода бо донишҷӯёни ДМТ

Густариши муносибатҳои фарҳангии Тоҷикистону Ӯзбекистон

Вохӯрӣ бо вазири иқтисоди Озарбойҷон

12.10.2017


Баррасии масоили муҳими ҳамкорӣ

Муаррифии имкониятҳои сармоягузории Фонди сабзи иқлимӣ

Аббосалӣ Гасанов: «Тоҷикистон фарҳанги бою ғании худро ба дигар миллатҳо тарғиб кунад»

Вохӯрии Рустам Солӣ бо Азад Рагимов

МАВОДИ НАШЪАОВАР. Боз 311 килограмм ба коми оташ рафт

11.10.2017


Интиқоди Азим Иброҳим аз сатҳи омодагӣ ба давраи зимистон дар вилояти Хатлон

Баргузории ҷаласаи Шӯрои вазирони корҳои хориҷии ИДМ

Масъалаҳои таъмини амнияти иттилоотию озуқаворӣ матраҳ мегарданд


Дар сомонаҳои дигари Тоҷикистон хонед