logo

фарҳанг

ШУКӮҲИ НАВРӮЗ ДАР НИДЕРЛАНД, ЭРОН ВА ПОКИСТОН

Бо ибтикори Сафорати Ҷумҳурии Тоҷикистон дар Белгия, Нидерланд ва Люксембург бо ҳамдастии Конуни тоҷикон ва форсизабонони Рӯдакӣ 8 апрел дар яке аз гӯшаҳои зебоманзари Шоҳигарии Нидерланд маросими бошукӯҳи таҷлили Наврӯзи оламафрӯз бо ширкати теъдоди зиёди тоҷикони бурунмарзии сокини ин кишварҳо ва ҳамзабонон аз Эрону Афғонистон баргузор гашт.

Дар толори бо суннату ойинҳои наврӯзӣ орододашуда зимни нишасту гуфтугӯҳои судманд дар фазои моломол аз назму оҳангҳои волои порсигӯён ҷанбаҳои фарҳангиву тамаддунии Наврӯз, нақши омили ҳамбастагиву ҳамдилиро ифо намудани ин ҷашни куҳанбунёд таъкид гардид. Ба пайравӣ аз анъаноти неки наврӯзӣ дар маросими таҷлил мушоираву байтбарак ва суханрониҳои аҳли қалами порсигӯёни сокини кишварҳои ҳавзаи Наврӯз садо доданд.
Зимни ба ҳозирон ироаи табрикоту шодбошиҳои наврӯзии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сафири фавқулода ва мухтори Ҷумҳурии Тоҷикистон дар кишварҳои Бенилюкс Эркинхон Раҳматуллозода бо ибрози беҳтарин таманниёти солинавии аҷдодӣ ба ҳамагон дар роҳи амалӣ гардидани орзуҳои ормонӣ, ҳамкориву ҳамёрии боровару бештар комёбиву дастовардҳои навин орзу кард.
Маҳфили дилангези Наврӯзро гурӯҳи ҳунармандони шинохта бо сарварии Парвина Юсуфӣ ва Ноҳиди Зайналпур  бо суруду тарона ва рақсҳои зебои тоҷиконаи наврӯзӣ зеб доданд.
Дар Сафорати Ҷумҳурии Тоҷикистон дар Ҷумҳурии Исломии Эрон иди Наврӯз бо иштироки ҳамватанон ва донишҷӯёни тоҷики донишгоҳҳои Теҳрон, Машҳад, Қазвин, Қум ва Табрез ҷашн гирифта шуд. Неъматулло Эмомзода, сафири Тоҷикистон дар Эрон ҳозиронро бо Ҷашни байналмилалии Наврӯз табрик гуфта, перомуни дастовардҳо ва пешрафтҳои иқтисодию иҷтимоии кишвар дар даврони соҳибистиқлолӣ сухан кард. Сафир аз нақши созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар расидан ба Ваҳдати миллӣ, Соли ҷавонон эълон гардидани соли 2017, Даҳсолаи байналмилалии амал «Об барои рушди устувор» ёдовар шуда, ҳамватанонро ба азхуд кардани донишҳои замонавӣ, техникаю технологияи нав ва саҳми фаъол гузоштан дар  пешрафту шукуфоии кишвар даъват намуд.
Аз Вазорати корҳои хориҷӣ хабар доданд, ки чунин як чорабинии сатҳи баланд бо ташаббуси Сафорати Ҷумҳурии Тоҷикистон дар Донишгоҳи Қоиди Аъзами Ҷумҳурии Исломии Покистон низ баргузор гашт. Дар он сафирони як қатор кишварҳо, намояндагони корпуси дипломатии муқими Исломобод, олимон, аҳли ҳунару фарҳанги Покистон, инчунин устодон ва донишҷӯёни донишгоҳи мазкур ширкат варзиданд.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 11.04.2017    №: 74    Мутолиа карданд: 345

19.04.2018


НОБОЛИҒОН. Аз боздошти оворагардон то ҷаримаи волидон

ТОҶИКОБОД. Вусъати корҳои баҳорӣ

Гиромидошти Ашӯр Сафар дар Кӯлоб

Гусели наваскарон дар Фархор

Варзиш

18.04.2018


Вохӯрии Сироҷиддин Аслов ва Рашид Мередов

Сармоягузорӣ ва соҳибкорӣ матраҳ гардиданд

Тақвияти мубориза алайҳи терроризм

Тавсеаи ҳамкориҳои гумрукӣ

Футболи соҳилӣ дар Тоҷикистон

МАЛАЙЗИЯ. Дастоварди навбатии хонандагони тоҷик дар олимпиада

Меркел зарурати вохӯрӣ бо Путинро таъкид намуд

Могерини: «24-25 апрел дар Брюссел қазияи Сурия баррасӣ мегардад»

Аз чор се ҳиссаи аҳолии Яман ниёзманди ёрии башарист

Туркманистон бандари $2 миллиардиро мекушояд

17.04.2018


Омодагӣ ба интихоботи миёнадаврӣ

«Роҳбалади беҳтарин» озмуни КИ ҲХДТ дар шаҳри Кӯлоб

Рӯзи илм таҷлил гардид

Дурахши дзюдогарони кишвар дар ҷомҳои Аврупову Осиё

Вашингтон вақтҳои наздик низомиёнашро аз Сурия мебарорад

Нигаронии президенти Олмон аз дуршавии бештари Русия ва Ғарб

Департаменти ИМА барои идомаи муколама бо Димишқ шарт гузошт

Коршиносон то 100 доллар расидани нархи нафтро пешгӯӣ карданд

16.04.2018


Баргузории ҷаласаи Кумитаи тадорукоти Конференсияи байналмилалии сатҳи баланд

Вохӯрии Сироҷиддин Аслов ва Ли Ён Хо

Иҷлосияи 23-юми Шӯрои вазирони корҳои хориҷии Созмони ҳамкории иқтисодӣ доир мешавад

НОҲИЯИ РӮДАКӢ. Ифтитоҳи ду бинои таълимӣ

13.04.2018


Оғози бунёди «Қасри Бахт»

Густариши ҳамкориҳои байнипарлумонӣ

Мулоқоти Ҳамрохон Зарифӣ ва Кэйҷи Фуруя

Баррасии масъалаи дастрасии хизматрасониҳои молиявӣ ба соҳибкории хурду миёна ва аҳолӣ

«Шоми мақом»

Варзиш

Меркел ба зарбазании Сурия ҳамроҳ шудан нахост


Дар сомонаҳои дигари Тоҷикистон хонед