logo

сиёсат

САРНАВИШТ

«Тоҷикон дар зиндагии рӯзмарраи худ таҳти роҳбарии  Эмомалӣ Раҳмон ба натиҷае расиданд, ки дар дунёи имрӯз беназир аст. Мамлакате, ки ҷанг фаро гирифта будаш, ба як машъали сулҳ, пирӯзӣ ва осоиш табдил шудааст. Дар ҳеҷ ҷойи дунё ва ҳеҷ касе то кунун натавонистааст чунин коре бикунад. Шумо худро хурд напиндоред ва Раиси ҷумҳури худро шахсияти ҷаҳонӣ бидонед, чаро ки таҳти роҳбарии эшон ин матлаб дуруст шудааст».
Саид Ҷалоли БАДАХШӢ, раиси Созмони тоҷикони Британияи Кабир, соли 2002 
Бист сол аст, ки дар сарзамини биҳиштосои мо сулҳу ваҳдат, оромӣ, осудагиву ободӣ, бунёдкориву созандагӣ пойдор аст. Аммо эъмори ин бино кори саҳлу осон набуд, мисли борони самаровар аз осмон ба замин наборид ё монанди гиёҳи худрӯи дармонбахш аз замин сар накашид ва ягон давлати  «дӯсту ғамхор» ин неъматро туҳфа накард.  Биёед, дафтари хотиротамонро варақгардон намоем ва таҳлил кунему хулоса барорем. Ин қасри рамзиро, ки номаш «ВАҲДАТ» аст, бо чӣ мушкилоте  бунёд карданд? Тарроҳу меъмори ин кохи олиҷаноби беназир кист? Ваҳдатсозу ваҳдатовар, ваҳдатсарову ваҳдатбахш, ваҳдатпарасту  ваҳдатофаринаш кӣ буд?
Андеша мекунаму пеши назарам манзараи ҷонфидоиву азхудгузаштанҳо, бағалбозкардану дастфишурданҳо, ризоият додану табассумкарданҳо, гоҳи дигар по фишурдану истодагарӣ намуданҳо ва дар ниҳоят, ба хотири абадияти кишвари азиз сарҷамъ кардани мардуми парешон, барқарор сохтани сулҳу ваҳдати миллӣ ва ба Созишномаи умумии истиқрори сулҳ ва ризоияти миллӣ имзо гузоштани Президенти Ҷумҳурии Тоҷикистон намудор мегардад. Касоне, ки талхии заҳри ҷанги таҳмилии солҳои 1992 - 97-ро чашидаанд ва ё мушоҳида кардаанд, медонанд, ки он солҳо вазъи ҷамъиятию сиёсии кишвар хеле  ноором буд. Миллат дар вартаи парокандагӣ, давлат дар вазъи нобудӣ қарор дошт.
Дар ниҳояти кор, ба бахти ин давлату ин миллат дар Иҷлосияи 16 - уми Шӯрои Олии Ҷумҳурии Тоҷикистон дар ин сарзамини муқаддас ҷавонмарде сари қудрат омад ва сарнавишти таърихии давлату миллати тоҷикро ба дасти худ гирифт. Ҳанӯз ҳам аз ҷой хестану ба назди Парчами давлатӣ омадану онро ба дидаву рӯй молидан, сидқан ашк рехтану бо як меҳру муҳаббати фарзандӣ бӯсидани Парчамро аз ҷониби Раиси тозаинтихоби Шӯрои Олии Ҷумҳурии Тоҷикистон муҳтарам Эмомалӣ Раҳмон хуб дар хотир дорам ва аксари мардуми шарифи кишвар низ онро фаромӯш накардаанд.
Аҳли толор аз ҷой хеставу каф мекӯфтанд, аммо баъзеҳо ба ин андеша буданд, ки муҳлати зимомдории ин роҳбару ин ҳукумат он қадар тӯлонӣ нест ва ҳафтае ё моҳе баъд аз он нишоне нахоҳад монд. Бо ҳамин далел иддае аз гирифтани ин ё он вазифаи давлатӣ даст мекашиду писханд ва кинояи бехигӯшӣ зада, интизори супоришу дастурҳои хоҷагони хориҷиашон буданд. Дар ҳамин лаҳзаи барои миллати тоҷик ниҳоят ҳассос ин ҷавонмарди ватандӯсту меҳанпараст бо қадамҳои устувор ба минбар баромад, ба аҳли нишаст чун уқоби баландпарвоз назаре афканд ва пас аз изҳори сипосу арзи ташаккур қотеона гуфт: «Ман барои шумо сулҳ меорам!».
Ин нукоти ҷонпарвар дар вуҷуди мардуми хешу ақрабо ва пайвандонашонро гумкарда шуълаи умед бахшид.  Ӯ алорағми баъзе қумандонҳои камандеш, пеш аз ҳама, дарк кард, ки ҷанг бо мухолифин роҳи ҳалли масъала буда наметавонад. Роҳи асосӣ ин сулҳ асту оштист, сари мизи музокирот нишастану гузашт кардан ва бахшидан аст. Ҳанӯз ҳазор сол муқаддам фарзонаи хирадварз Абушакури Балхӣ навишта буд:
Чун аз оштӣ шодӣ ояд ба чанг,
Хирадманд ҳаргиз накӯшад ба ҷанг.
Оре, гузашти таърих  бори дигар ҷангҷӯву ҷангхоҳ, пархошгару пархошҷӯ, кинавару кинапарвар набудани миллати соҳибфарҳанги моро собит сохт. Аз рӯзҳои нахустини роҳбарӣ ҳангоми вохӯрию мулоқот ва суҳбатҳои Эмомалӣ Раҳмон бо қишрҳои гуногуни ҷомеа аён буд, ки ӯ шахсияти хирадманд, боандеша, таҳаммулпазиру пухта буда, дорои хиради табиист.
Унсурулмаолии Кайковус вобаста ба ҳамин мавзӯъ дар «Қобуснома»-аш менависад, ки: «Худои таоло кам касеро додааст ва ҳар касро, ки ин се чиз ҳаст, ӯ аз ҷумлаи хосагони Худост. Аз ин сегона яке хирад аст, дувум ростӣ ва савум мардумӣ». Дар ҳақиқат ҳам,  Худованд ин се эъҷозро пурра ба ин роҳбари тозаинтихобу сиёсатмадори варзидаи оянда арзонӣ дошта буд. Дар ҳамон солҳои ниҳоят сангину душвор ӯ бо як мардонагиву ҷасорат, бо вуҷуди монеаҳои асливу сунъӣ, ба хотири тамомияти арзии кишвар, пойдории давлат, ҳифзи нангу номуси миллат, хайрияту осудагии мардум ба гузоштани аввалин хиштҳои қасре бо номи «ВАҲДАТ» шурӯъ намуд. Раиси тозаинтихоби дурандеш роҳи ростиро интихоб карду мардумӣ буданашро исбот намуд. Нӯшервони одил  дар яке аз пандномаҳои худ фармуда: «Агар хоҳӣ, ки ҷавонмардтарини мардумон бошӣ, вафодор бош!». Эмомалӣ Раҳмон аз лаҳзаҳои аввали оғози вазифа ба суханҳои гуфтааш вафодор монд ва баъдан амалҳои анҷомдодааш  садҳо маротиби дигар онро тасдиқ карданд.
Хуб дар хотир дорам, ки дар ҳамон шабу рӯзҳои барои мардуми мо тақдирсоз дар яке аз муроҷиатномаҳои ба мардуми шарифи Тоҷикистон изҳордоштаи худ Эмомалӣ Раҳмон қотеона ва бо як ҷасорати бесобиқа гуфта буданд: «…Ман қасам ёд мекунам, ки тамоми донишу таҷрибаамро барои дар ҳар хона ва ҳар оила барқарор шудани сулҳ равона карда, барои гулгулшукуфии Ватани азизам садоқатмандона меҳнат мекунам. Барои ноил шудан ба ин нияти муқаддас агар лозим шавад, ҷон нисор мекунам, чунки ман ба ояндаи неки Ватанам ва ҳаёти хушбахтонаи халқи азияткашидаам бовар дорам».
Ниҳоят, бо ибтикору ташаббуси басо судманди Президенти кишвар муҳтарам Эмомалӣ Раҳмон 27 июни соли 1997 дар шаҳри Маскави Федератсияи Русия Созишномаи умумии истиқрори сулҳ ва ризоияти миллӣ ба имзо расид, ки он дар таърихи давлатдории мо ҳамчун Рӯзи Ваҳдати миллӣ боқӣ хоҳад монд. Ва мо дар ниҳояти кор бо ташаббусу талошҳои пайгиронаи Эмомалӣ Раҳмон - ин ҷавонмарди қаҳрамон ба муроду мақсади худ расидем. Ба фармудаи Лоиқи зиндаёд: «Ҷанги девонавори мо бигзашт, Сулҳи деринтизори мо омад».
Дар ҳамон лаҳзаи имзои созишномаи сулҳ дастфишурданҳову муборакбодгуфтанҳо ва табрикшуниданҳову ба бағалкашиданҳо бори дигар ба ҳиммати мардонаи Сарвари давлат аҳсант гуфтаму ин байти Соиби Табрезиро ба хотир овардам:
Як ҷиҳат шав дар тариқи ҳақ, ки натвонад гирифт,
Ҳар ду олам пеши пойи ҳиммати мардонаро.
Бале, ин ҷавонмарди хирадманди арсаи сиёсат, бо вуҷуди тамоми душвориҳо, ҳатто суиқасдҳои хеле зиёди ба ҷонаш анҷомёфта, тавонист дар давоми беш аз 4 сол ваҳдат офарад, мардумро аз вазъияти ногувори он солҳо раҳонад, обрӯ, эҳтиром ва мақоми давлати моро дар арсаи байналмилалӣ баланд бардорад.
Ва имрӯз, ҳар вақте ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаҳои сатҳи баланд, минҷумла Созмони Милали Муттаҳид баромад менамояд ва бо забони ноби модарӣ ҳамчун як наттоқи варзида суханронӣ мекунад, аз симои ориёиву виқори тоҷиконааш меболаму ифтихор мекунам ва чаро ҳам наболам, ки ӯ Пешвои миллати ману Сарвари давлати ман аст.
Қиёмуддин АБДУЛЛОЗОДА,
шаҳри Ваҳдат


Баёни ақида (0)    Санаи нашр: 18.04.2017    №: 79    Мутолиа карданд: 301

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид

Пазироии Бангкок аз намояндагони СҲШ ва ЭСКАТО

Норасидтарин кӯдаки дунё дусола шуд

11.11.2017


Баррасии масъалаи истифодаи технологияҳои инноватсионӣ дар соҳаи роҳсозӣ

Тасвиби Ёддошти тафоҳум байни Вазорати мудофиа ва САҲА

Вохӯрӣ бо Мирча Чиопрага

Ҷарроҳии ройгони кӯдакон ва наврасон

ФУТБОЛ. Тими ҷавонони кишвар ба Чемпионати Осиё роҳхат гирифт

09.11.2017


Мулоқоти Сироҷиддин Аслов ва Муҳаммад Ҷавод Зариф

Баррасии масоили ҳамкории минтақавӣ дар соҳаи назорати маводи нашъаовар

Таҷлили Рӯзи милитсия дар Тоҷикобод

Роҳсозони ИДМ дар Душанбе ҷамъ омаданд

ФУТБОЛ. Ин бор миёни бонувон

Ҷаҳон дар як сатр

Путин ва Трамп дар ҳамоиши АТЭС қазияи ҶХДК - ро баррасӣ мекунанд

Артиши Сурия охирин истеҳкоми «Давлати исломӣ»-ро ба муҳосира гирифт

СММ давлатҳои арабро ба лағви муҳосираи Яман даъват намуд

Столтенберг: «Пас аз торумори «ДИ» амалҳои террористӣ дар Аврупо ва ИМА эҳтимол доранд»

Маҳви 54 ҳазор ҷангӣ дар Сурия

Дар Арабистони Саудӣ 800 миллиард долларро мусодира мекунанд

06.11.2017


Шукурҷон Зуҳуров ҳайати Парлумони Аврупоро ба ҳузур пазируфт

Тақвияти ҳамкориҳо бо Япония


Дар сомонаҳои дигари Тоҷикистон хонед