logo

сиёсат

ВОИЗОН К-ИН ҶИЛВА ДАР МЕҲРОБУ МИНБАР МЕКУНАНД...

Расонаи моҷароангезе ахиран аз ширкат ва суханронии раиси фирории созмони террористии ҲНИТ Муҳиддин Кабирӣ дар ҳамоише, ки 10 апрели соли ҷорӣ дар мавзӯи «Падидаи ҳиҷрати рӯзафзуни тоҷикон ба Аврупо: авомил ва мудирияти он» дар шаҳри Варшаваи Лаҳистон доир гардидааст, хабар дод.

Дар нишаст масоили марбут ба муҳоҷирати тоҷикистониён ба Лаҳистон баррасӣ гардида, гузоришгар ба ин нукта ишора намудааст, ки ҳиҷрати онҳо баъд аз манъи ҲНИТ ва зиндонӣ кардани наҳзатиён афзудааст. Биёед, аз рӯйи инсоф ба ин масъала таваҷҷуҳ кунем. Чанд соли ахир баъзе созмонҳои бонуфузи байналмилалӣ, ки зоҳиран худро ҳомии ҳуқуқи башар ва таблиғгару созмондиҳандаи лоиҳаҳои демократӣ дар манотиқи гуногуни ҷаҳон вонамуд мекунанд, дар асл ҳаракату созмонҳои террористӣ ва экстремистиро ҷонибдорӣ намуда (албатта, бо назардошти манфиатҳои сиёсӣ, геосиёсӣ ва иқтисодию молиявӣ), барои намояндагони фирории онҳо дар хориҷ аз кишвар минбар ва паноҳгоҳи сиёсӣ медиҳанд. Суол ба миён меояд, бо кадом масъулияти шаҳрвандӣ ҷомеаи мадании Лаҳистон, ки имрӯзҳо паноҳҷо ва минбаргоҳи фирориён ва муҷримони наҳзатӣ гаштааст, дар мавриди муҳоҷирони тоҷик ва мушкилоти марбут ба онҳо ҳамоиш ташкил мекунад? Ҳол он ки худи давлат ва ҷомеаи Лаҳистон мушкилоти зиёди иҷтимоӣ доранд ва машғули баррасию бозбинии онҳо мебошанд. Ин як. Дувум, Лаҳистон ва ҷомеаи шаҳрвандии он вақти зиёдатии расидагӣ ба мушкилоти муҳоҷирони тоҷикро, ки дар муҳити лаҳистонӣ ночиз ва беарзиш аст, надоранд. Савум ин ки на пеш ва на баъд аз манъи ҲНИТ тоҷикистониён майли ба Лаҳистон ҳиҷрат карданро надоштанд ва имрӯз ҳам гумон аст, ки дошта бошанд. Мушкил инҷост, ки ҳамон Аврупои пешрафта ва демократӣ Кабирӣ ва ҳайати ҷиноятпешаи наҳзатиро паноҳгоҳи сиёсӣ медиҳад, шароити мусоидро барои мубориза ва таҳрики мардум алайҳи ҳукумати қонунӣ фароҳам меорад, иғвоангезӣ менамояд. Ин аст моҳияти «демократия» ва «озодӣ».
Гузоришгари наҳзатӣ масъалаи ҳизби муътадил дар шӯравии собиқ донистани ҲНИТ-ро пеш оварда, таҷрибаҳои «давлатдорӣ ва мудириятшиносии» наҳзатиро ёдовар мешавад, ки дар ҳамоиш бозгӯ шудаанд. Аз ҳама муҳим, муборизаи «озодихоҳонаи» наҳзатӣ таъкид мешавад. Аҷаб, кадом озодихоҳӣ? Наҳзат, аз замони зуҳур (соли 1973) вазифа ва «рисолат»-и салтанатхоҳӣ ва исломикунонии давлат ва ҷомеаи моро меъёри кор қарор дода, дар самти қадам ба қадам (таркиби истеъмолнамудаи М. Кабирӣ дар замони нуфуз доштани наҳзат дар миёни баъзе гурӯҳҳои иҷтимоӣ) ғасб кардани ҳукумати ҷумҳурӣ ва ба мусибат гирифтор кардани аҳли ҷомеа кӯшишҳои зиёд ба харҷ дод. Ҳизбро ба унвони созмони адолатхоҳ ва сулҳпарвар хондан айб аст. Ҳизби вопасгарои наҳзатӣ ҳеҷ гоҳ пешрафта, пешқадам ва озодихоҳ набуд. Он озодиро барои худ ва ҳайати ҷинояткораш мехосту бас ва имрӯз низ ба ҳамин ният дар Аврупо ҷор зада, даъвоҳои беасос пеш меорад.
Ба сухани Кабирӣ таваҷҷуҳ мекунем, ки гуноҳи ба муҳоҷират рафтан, ба гурӯҳҳои экстремистӣ пайвастан ва ниҳоят ба мушкилоти гуногун мувоҷеҳ шудани ҷомеаи тоҷикро ба бастани ҲНИТ ва саркӯбии он марбут медонад. Ин меъёри гуфтугӯҳои доимии Кабирӣ дар хориҷ аст. Дигар чӣ коре ҳам бикунад? Маҷбур аст, ки худро сафед намояду ҳукуматро сиёҳ, то маблағ ба даст орад, аз бовари аврупоиён набарояд, ба рифоҳи молию пулӣ бирасад ва нуфузи худро миёни худбохтагон ва раҳгумзадагони муҳоҷир нигоҳ дорад. Аз ноумедии мардуми тоҷик сухан гуфтан ва ба ин восита гӯл задани бечорагон дар суҳбатҳои ҳамешагии Кабирӣ садо медиҳанд.
Ҳадафи сиёсии Кабирӣ аз иштирок дар чунин ҳамоишҳо бо муҳоҷирони тоҷик наздик шудан ва фирефта кардани онҳо мебошад. Бар ин асос, ӯ меъёри интихоби кишвар - паноҳгоҳашро наздикӣ ҷустан бо муҳоҷирони тоҷик гуфтааст. Манзури Кабирӣ ин аст, ки  неруи онҳоро дарёфт ва ҳадафмандона суистифода кунад.
Акнун Кабирӣ насли ҷавони моро насиҳат мекунад, ки ба гурӯҳҳои ифротӣ шомил нашаванд, дар ҳоле ки маҳз бо «ибтикори» ӯ ва наҳзатиёни хирадситезаш ин насл тавассути хурофоти динӣ - мазҳабӣ мағзшӯӣ шуд. Кор то ба ҷое расид, ки дигар як сели насли ҷавон алайҳи озод гаштану озодона суҳбат кардан дар атрофи масоили дунявиро куфр ҳукм карда, муборизаи лафзиро бар муқобили озодандешӣ шадид намуданд. Хайрият, ки мақомоти масъулу салоҳиятдор пеши роҳи ин раванди хатарнокро гирифта, «мӯйро аз хамир ҷудо карданд».
Бо лафзпардозӣ ва фазлфурӯшиҳои Кабирӣ фирефта шудан маънои ба чоҳи дурӯғу фиреб афтиданро дорад, чунки худи ӯ шахсияти беҳувият аст ва ҳамчун актёр нақш мебозад. Аз ин рӯ, фирефтаи ин «актёр» ва нақшҳои нави ӯ набояд шуд.         
Зеро, тавре Ҳофиз мефармояд:
Воизон, к-ин ҷилва дар меҳробу минбар мекунанд,
Чун ба хилват мераванд, он кори дигар мекунанд.
Фаромарзи РАҲМАТУЛЛО, пажӯҳишгар


Баёни ақида (0)    Санаи нашр: 19.04.2017    №: 80    Мутолиа карданд: 518
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед