logo

иқтисод

КАРТОШКА. АЗ БЕПАРВОИИ МАҚОМОТИ МАҲАЛЛӢ ТО ҲИСОБОТИ БАРДУРӮҒИ ОМОРӢ

Картошкапарварӣ дар Ҷумҳурии Тоҷикистон ҷиҳати таъмини амнияти озуқавории мамлакат мавқеи муҳим дорад. Гарчанде ин маҳсулот дар ҳамаи ноҳияҳои ҷумҳурӣ парвариш меёбад, барои таъминоти дохилӣ асосан дар ноҳияҳои Лахш, Муъминобод, Рашт, Деваштич, Кӯҳистони Мастчоҳ, Истаравшану Шаҳристон истеҳсол мешавад. Шароити ноҳияи Лахш  барои парвариши картошка аз ҳама хубтар буда, аз рӯи ҳисоботи оморӣ,  кишоварзони ин ноҳия ҳар сол бештар аз сад ҳазор тонна ҳосил мерӯёнанд. Ноҳияи Деваштич бошад, ҳамчун мактаби таҷрибаи хуби картошкапарварӣ ном баровардааст.
Аз рӯи ҳисоботи оморӣ, кишоварзони ноҳия соли 2015 дар 3433 ва соли 2016 дар 3662 гектар картошка кошта, мутаносибан 93 ҳазору 800 ва 98 ҳазор тонна ҳосил гирифтанд. Хусусан сокинони деҳаҳои Овчӣ, Басманда, Янгиариқ, Қалъаи Ҳоҷӣ, Хоҷаҳо ва Чӯянгӣ дар картошкапарварӣ устод шудаанд. Аз пайи меҳнати ҳалол симои деҳаҳо зебову марғуб гардида, мардум зиндагии серу пур доранд.
Бо вуҷуди ин, имрӯзҳо дар бозорҳои ҷумҳурӣ камчинии картошка  ва болоравии нархи он ҷиддан эҳсос мешавад. Ба андешаи мо, дар рух додани ин ҳол  якчанд омилҳои объективию субъективӣ нақш доранд. Якум, воридоти он аз Покистон. Тирамоҳи соли 2015 ва аввали соли 2016 ба андозае воридот зиёд гардид, ки нархи ҳар килограмм картошкаи ватанӣ то 70 - 80 дирам поин фаромад. Дар деҳа ба он харидор набуд. Чун парвариши картошка сахт заҳматталаб аст, кишоварзон ба ҳам суол карда мегуфтанд: 
- Покистон аз мо дур аст, соҳибкор ҳаққи нақлиёт ва ҳангоми воридот боҷи гумрукӣ месупорад. Пас, чӣ тавр нархи картошкаи покистонӣ бо маҳсулоти мо  рақобатпазир мемонад? Магар дар ин кишвар картошка худрӯй  аст?
 Бесобиқа паст фаромадани нарх ва хароҷотро напӯшондани даромади соф боиси як андоза дилсардии деҳқонон аз шуғли дӯстдошта ва кам гаштани майдони кишти он гардид. Ҳамчунин, гарон будани нархи сӯзишворию қисмҳои эҳтиётӣ, баланд шудани арзиши нуриҳои кимиёӣ, аз будаш зиёд нишон додани ҳосил дар ҳисоботҳои оморӣ, бо тухмии аълосифат таъмин накардани деҳқонон ва бепарвоии масъулони мақомоти иҷроияи маҳаллии ҳокимияти давлатӣ нисбат ба мушкилоти кишоварзон низ ба кам шудани истеҳсоли картошка ва болоравии нархи он сабаб гардиданд. Аз ин лиҳоз, пешниҳод дорам, ки дар ҳайати олимон, намояндагони Вазорати кишоварзӣ,  мақомоти иҷроияи маҳаллии ҳокимияти давлатӣ ва роҳбарони хоҷагиҳои деҳқонӣ як шӯрои махсус созмон дода шавад ва онҳо ақаллан моҳе як маротиба аз мушкилоти деҳқонон огоҳ шаванду дар ҳалли онҳо ёрии амалии худро расонанд.
Ҷумъабой ЯҲЁЕВ, ноҳияи Деваштич


Баёни ақида (0)    Санаи нашр: 19.04.2017    №: 80    Мутолиа карданд: 278

22.08.2017


Таъсиси шӯрои машваратии назди раиси шаҳри Душанбе

Ҷаласаи селекторӣ дар назди вазири корҳои дохилӣ

Оид ба ҷалби сармояи Чин шартномаи ҳамкорӣ ба имзо расид

Дар вилояти Суғд Ҳафтаи фарҳанги ВМКБ оғоз гардид

Доналд Трамп аз сиёсати нави ИМА дар Афғонистон сухан кард

Амалиёти озодсозии шаҳри Тал- Афар аз ҷангиён оғоз ёфт

Дар Лубнон амали террористӣ дар ҳавопаймо пешгирӣ гардид

Манъи “тамоилҳои тахрибии идеологӣ” дар Қазоқистон

Дар ИМА “хусуфи бузурги офтоб” - ро мушоҳида карданд

Дар Чин бори аввал “кибер-суд” барпо гашт

21.08.2017


Ассотсиатсияи нархгузорӣ таъсис ёфт

Ҷаҳон дар як сатр

Полиси Барселона гумонбари асосии амали террористиро ҷустуҷӯ дорад

Русия дар кори расондани ёрии башарӣ аз ҷумлаи пешсафони дунёст

Қирғизистон метавонад худро бо шакар таъмин созад

Инқилоби гази тахтасангӣ дар Чин

ИМА баъди торумори «ДИ» дар Сурия монданӣ нест

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад


Дар сомонаҳои дигари Тоҷикистон хонед