logo

иқтисод

MADE IN TAJIKISTAN. ШУҲРАТИ ОНРО АФЗУДАН МУМКИН АСТ, АГАР…

Дар маркази савдои «Ашан» - и пойтахт миёни маҳсулоти воридотӣ фурӯши маҳсулоти истеҳсоли ватанӣ – либосҳои мардонаю занона бо тамғаи «Ниҳод» ва зерсухани он – «Мade in Tajikistan» ба роҳ монда шудааст.

Ширкати «Ниҳод» - и Истаравшан истеҳсолкунандаи маҳсулот аст. Аз роҳбари ширкат Расул Фозилов доир ба имконияти рақобатпазир гардондани маҳсулоти тавлидотиаш ва ба ин васила шуҳратманд сохтани он дар дохил ва хориҷи кишвар суол кардам. Вай гуфт, ки ширкати «Ниҳид» ба истеҳсол ва фурӯши маҳсулоти трикотажӣ – либосҳои тагпӯши пахтагии мардонаю занона ва ҳамчунин, кӯдакона машғул мебошад. Ширкат дорои сехҳои махсуси бофандагию дӯзандагӣ, рангомезӣ ва таҷҳизоти банду баст буда, бо бренди худ маҳсулотро дар мағозаҳои шаҳрҳои Душанбе, Хуҷанд, Қӯрғонтеппа ва Турсунзода интиқол медиҳад. Ба Федератсияи Русия, Беларус ва дигар кишварҳо низ маҳсулот содир мешавад. 
Албатта, маҳсулоти ватанӣ дар он вақт рақобатпазир буда метавонад, ки ба талаботи стандартҳои байналмилалии сифат ҷавобгӯ бошад. Ҳамин тавр ҳам ҳаст. Маҳсулоти пахтагии “Ниҳод” сифати хуб ва нархи дастрас ҳам дорад, ба ин хотир, ба бародаронам 4 ҷуфт майкаи пахтагӣ бо арзиши 13 сомонӣ  (дар бозорҳои пойтахт ин навъи маҳсулоти воридотӣ аз 10 то 15 сомонӣ нарх дорад) харид кардам. Ширкати мазкур имкони истеҳсоли ҳаҷми зиёди маҳсулоти воридотивазкунандаро дорад. Нақшаи ширкат ин аст, ки бо зиёд кардани ҷойҳои корӣ ва ҳаҷми истеҳсолоти ватанӣ маҳсулотро ба ҳамаи минтақаҳои ҷумҳурӣ ва ҷаҳон интиқол бидиҳад.
- Аммо барои амалисозии ин нақша монеа вуҷуд дорад, - гуфт Расул Фозилов. - Вобастагӣ аз  молҳои воридотӣ ба истеҳсолгари ватанӣ таъсири манфӣ расонда, ба пастравии сатҳи афзоиши  маҳсулот оварда мерасонад. Бинобар ин, бо назардошти шароити истеҳсолии ҷумҳурӣ воридоти маҳсулоте, ки истеҳсоли он дар дохили кишвар имконпазир мебошад, бояд марҳила ба марҳила коҳиш дода шавад. Бо кам гардидани ҳаҷми маҳсулоти беруна суръати рушди истеҳсолоти ватанӣ меафзояд ва вобастагӣ  аз ширкату соҳибкорони хориҷӣ ҷиҳати воридоти номгӯйи бисёри маҳсулот аз байн хоҳад рафт.
Барои афзоиши ҳаҷми истеҳсоли маҳсулоти воридотивазкунанда аз ҳисоби маҳсули дастии ҳунармандони тоҷик, ки дар нуқтаи дигари маркази савдои “Ашан” ба фурӯш бароварда шудаанд, зиёд гардондани қувваи кории ҳунармандон ва баланд бардоштани касбияти онҳо ҷиҳати тавлиди маҳсулоти ҷавобгӯ ба талаботи ҷаҳонӣ зарур мебошад. Тавре директори иҷроияи Иттифоқи ҳунармандон Нигина Икромова иброз дошт, маҳсулоти тавлидотии ҳунармандони тоҷик бо инъикоси фарҳанги миллӣ на танҳо дар дохил, балки дар хориҷи кишвар мақоми баландро касб карда, харидори зиёд дорад. Масалан, амрикоиҳо бо таваҷҷуҳи хос ба маҳсули дастӣ дархости маҳсулоти Тоҷикистонро кардаанд. Агар маҳсулоти ҳунармандон ба Амрико содир шаваду дар ин миён дархости дигар кишварҳо ба амал ояд, қувваи кории ҳунармандон барои истеҳсоли ҳаҷми зиёди маҳсулот камӣ мекунад. Вазъ дар дохили кишвар бо қабули маҳсулоти дастии ҳунармандоне ҳам, ки аъзои иттифоқ нестанд, нисбатан беҳтар аст. Маҳсули дасти ҳунармандон тамоми минтақаҳои ҷумҳуриро фаро гирифтааст. Дар маркази савдои “Ашан” тоқиҳои хоси минтақаҳои кишвар, бо ҷӯробҳои бофта ва  сачоқу дастархон ба фурӯш бароварда шудаанд. Қариб як сол мешавад, ки марказ бо ҳунармандони иттифоқ ҳамкориро тариқи шартнома ба роҳ мондааст. Харидуфурӯши маҳсулот дар марказ бо назардошти талаботи мизоҷон ба маҳсулоти аз ҷиҳати экологӣ тозаю бехатар ҷараён мегирад. Аз ин лиҳоз, кормандони маркази савдо баъди ҳар семоҳа барои истеҳсоли номгӯйи нави маҳсулот дар асоси талаботи мизоҷон ба ҳунармандон дархост пешниҳод мекунанд.
- Марҳила ба марҳила номгӯйи маҳсулоти дастиро барои ивази маҳсулоти воридотӣ зиёд карда истодаем. Номгӯйи маҳсулоти истеҳсолии ҳунармандон аз 30 ба 35 адад расид. Ҳоло барои тавлиди ашёи зарурии дар рӯзгор – қуттӣ барои гузоштани собун, ки дар ҷаҳон харидори зиёд дорад, намунаашро аз шаҳри Бишкеки Қирғизистон оварда, барои тавлид кардан ба кулолгарони тоҷик пешниҳод кардем. Рӯзҳои наздик дар пойтахти кишвар барои пешниҳоди маҳсули дастранҷи ҳунармандон “Ҳафтаи ҳунармандони тоҷик” баргузор мегардад ва мо ба он омодагӣ дида истодаем, - иброз дошт Нигина Икромова.
О. ВАФОБЕКЗОДА, “Ҷумҳурият”


Баёни ақида (0)    Санаи нашр: 21.04.2017    №: 82    Мутолиа карданд: 317
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед