logo

фарҳанг

"ПАРАСТУ – 2017". "ДИРАФШИ КОВИЁНӢ" СОҲИБИ "ШОҲҶОИЗА"

Шоми 24 апрел дар Театри давлатии академии опера ва балети ба номи Садриддин Айнӣ маросими ботантанаи ҷамъбасти Фестивал – озмуни ҷумҳуриявии театрҳои касбӣ «Парасту – 2017» баргузор гардид. Ибодулло Машраб, муовини аввали вазири фарҳанг, зимни суханронии хеш иброз дошт, ки дар озмун тамоми 17 театри касбии ҷумҳурӣ ширкат варзида, 20 асари саҳнавиро манзури тамошогарон гардонданд. Аз он 17 намоиш барои ширкат дар озмун ва 3 – тои дигар ғайриозмунӣ пешниҳод гардиданд.
Аз рӯйи натиҷагирии ҳайати ҳакамон, ки ба он ҳунармандони саршинос ва коршиносони соҳа шомил буданд, «Шоҳҷоиза» - и озмун барои асари «Дирафши ковиёнӣ» (аз рӯйи асари безаволи «Шоҳнома» - и Абулқосим Фирдавсӣ дар таҳияи Нозим Меликов) насиби Театри давлатии ҷавонони Тоҷикистон ба номи Маҳмудҷон Воҳидов гардид. Ҷойи  1 - умро барои таҳияи асари Жан Батист Молйер «Пизишки паррон» Театри давлатии академии драмавии ба номи Абулқосим Лоҳутӣ (таҳиягар Қурбони Собир), ҷойи – 2 – юмро Театри давлатии драмаи русии ба номи Владимир Маяковский (намоиши «Хонума» - и А. Тсагарели, коргардон Хуршед Мустафоев) ва ҷойи 3 – юмро Театри мусиқӣ – мазҳакавии ба номи Камоли Хуҷандӣ (намоиши «Қалби зан» - и Эркин Хушвахтов, коргардон Қурбонҷон Бобоҷонов) сазовор гардиданд.
Намоиши Театри ба номи Лоҳутӣ - «Хирс» (аз рӯйи асари ҳамноми Антон Павлович Чехов дар таҳияи Аъзами Розиқ) - беҳтарин асари хурди саҳнавӣ, намоишномаи Нарзулло Шарифов «Доғ» - беҳтарин асари драмавӣ ва балети Шуҳрат Ашӯров «Зол ва Рӯдоба» - беҳтарин асари мусиқӣ шинохта шуданд.
Ҷоизаҳои «Беҳтарин нақши занона» - ро барои офаридани образи Муҳаббат дар намоиши «Қалби зан» ҳунарпешаи театри Хуҷанд Сурайё Хуҷамова ва «Беҳтарин нақши мардона» - ро ҳунарпешаҳои театри Лоҳутӣ Шуҷоат Ҷалолиддинов, барои иҷрои нақши Пизишк аз намоиши «Пизишки паррон» ва театри Данғара Маҳмадсаид Махсумов барои иҷрои нақши вазир дар намоиши «Шикасти аввал. Қаромита» соҳиб шуданд.
Беҳтарин иҷрокунандагони партияҳои балет солистони Театри давлатии академии опера ва балети ба номи С. Айнӣ Фарангис Қосимова  (Рӯдоба) ва Муҳаммад Азимзода (Зол) муайян гардиданд. Беҳтарин бозигарони нақшҳои лаҳзавӣ (эпизодӣ) Надима Юсуфова (театри Хоруғ) ва Мирзо Раҳмонов (театри Кӯлоб) шинохта шуданд. Зебунисо Муродова (Театри давлатии лӯхтаки шаҳри Душанбе) ва Насиба  Акрамова (театри шаҳри Бӯстон) ҳамчун беҳтарин лӯхтакбозон муаррифӣ гардиданд.
Ҷоизаи «Беҳтарин дебют» барои таҳияи асари Фазлиддин Муҳаммадиев «Вопасин арӯси амиралмуъминин» насиби Театри давлатии драмаи мусиқии ба номи Маҳмудҷон Воҳидови ноҳияи Ашт гардид. «Барои тарғиби ҳаёти солим» ном ҷоизаи махсуси таъсисдодаи ҳайати ҳакамон бошад, ба ҳайати эҷодии Театри мусиқии тамошобини ҷавони шаҳри Хуҷанд супорида шуд.
Ҷоизаҳои «Барои садоқат ба касб» ба Суҳроб Шехов ва Бахтиёр Бобохоҷаев (театри драмаи русии Бӯстон), Шаҳзод Ниёзов (театри Лоҳутӣ), Музаффар Шарифов (театри тамошобини ҷавони Душанбе), Фирдавси Турдиалӣ (театри Қӯрғонтеппа) супорида шуданд. 
Дар доираи ҷашнвора ду мизи мудаввар оид ба ҳаёт ва фаъолияти эҷодии Артисти халқии СССР, барандаи Ҷоизаи давлатии Ҷумҳурии Тоҷикистон ба номи Абуабдуллоҳи Рӯдакӣ Туҳфа Фозилова ва доир ба масъалаҳои муҳиму ҳалталаби театри муосир ва дурнамои он доир гардиданд. Ҳамчунин, профессори Донишгоҳи давлатии фарҳанг ва ҳунари шаҳри Санкт – Петербурги Федератсияи Русия Николай Филиппович Шербина бо донишҷӯёни Донишкадаи давлатии фарҳанг ва санъати Тоҷикистон ба номи Мирзо Турсунзода ва коргардонҳои тоҷик машғулияти устод – шогирд (мастер – класс) гузаронд.
Яке аз мақсадҳои асосии ҷашнвора дарёфти истеъдодҳои нав мебошад. Хусусияти фарқсозандаи ҷашнвораи имсола дар он буд, ки бартарии ҷавонон дар таҳияи асарҳо баръало мушоҳида мегардид. Аз 20 асари намоишдода 14 – тоашро ҷавонон рӯйи саҳна оварданд.
М. ТАБАРӢ, «Ҷумҳурият»


Баёни ақида (0)    Санаи нашр: 25.04.2017    №: 84    Мутолиа карданд: 897

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед