logo

фарҳанг

М. МУЗАФФАР: “МУАРРИФИИ МИЛЛАТ МОЯИ ИФТИХОРУ САОДАТ АСТ”

- Навор…Ҳаст! Садо… Ҳаст!  Рааафтееем…
Ин ҳарфҳо аз маҳбубтарин муколамаи бачаҳои деҳаи Амондараи Панҷакент ҳангоми бозии филмбардории кӯдакон буд, ки тирамоҳи соли 2016 аз гӯшаву канори ин деҳаи зебоманзар ба гӯш мерасид.
- Нигоҳ кунед апа, камера ҳам сохтаанд, - бо шавқ хандида мегӯяд Муҳиддини Музаффар. - Медонед маро аз ин тақлидҳои кӯдакон чӣ хушҳол мекунад? Давоми се моҳи филмбардории мо дар ин деҳа чи қадар дунёи орзуҳои кӯдакон тағйир ёфт. Ба шумори бозиҳои ин наврасон филмбардорӣ ҳам дохил шуд.  Бовар дорам, ки ин муҳаббат аз миёни онҳо барои синамои тоҷик беҳтарин актёр, коргардон ва наворбардорҳои хуберо ба воя мерасонад.
Муҳиддини Музаффар коргардони ҷавону умедбахш, директори Муассисаи давлатии «Суғдсинамо» ба номи Комил Ёрматов мебошад. Хатмкардаи шуъбаи актёри драма ва кинои Донишкадаи давлатии санъати Тоҷикистон ба номи Мирзо Турсунзода буда, соли 2008 мактаби «Синамо» - и назди Иттифоқи синамогарони Тоҷикистонро ба ҳайси сенариянавис - коргардон ба итмом расондааст.
Барои Муҳиддини Музаффар муаррифии Тоҷикистону тоҷикон ба оламиён тавассути ҳунару истеъдод мояи ифтихору саодат аст. Сарфароз аст, ки бо гурӯҳи ҳунармандони Театри давлатии драмаи мусиқии ба номи Туҳфа Фозиловаи Конибодом бо намоишномаи “Суди девонагон” дар фестивали байналмилалии “Театри эксперименталии академияи Шанхай” ва Осиёи Марказии боз дар Лондон (соли 2016) ва бузургтарин ҷашнвораи театрии Осиё  “Маҳотсав ранг Бҳарат”, ки дар шаҳрҳои Деҳлӣ ва Ҳайдарободи Ҳиндустон баргузор гардид, ҳунарнамоӣ намудааст. Дар фестивали театрии Лондон барои иҷрои нақши Лир аз намоиши “Суди девонагон” ба гирифтани ҷоизаи “Беҳтарин нақши мардона” мушарраф гашт.
Муҳиддини Музаффар ба синамо шавқу рағбати беандоза дорад. Маҳз бо ташаббуси ӯ соли 2015 киностудияи “Суғдсинамо” таъсис ёфт ва алъон роҳбарии онро бар дӯш дорад. Ин нахустин киностудияи давлатӣ дар даврони соҳибистиқлолии кишвар аст. Дар фурсати кӯтоҳ филмҳои банаворгирифтаи ӯ дар як қатор фестивалҳои байналмилалӣ соҳиби ҷоизаҳои махсус гардиданд. Аз ҷумла, филми ҳунарии “Коса” дар Фестивали Осиёи Марказии боз дар номинатсияи “Беҳтарин коргардон” ғолиб омада, дар фестивали байналмилалии “Навсоз”, ки дар шаҳри Душанбе баргузор шуд, соҳиби ҷоизаи “Беҳтарин филм”  гашт.
- Баъд аз нақш офаридан дар саҳнаҳои ҷаҳонӣ ман эҳсос кардам, ки ҳунармандони тоҷик аз бозигарони ҷаҳонӣ ҳеҷ камие надоранд. Баръакс он шӯридагиву ҳассосияте, ки дар актёрони тоҷик дида мешавад,  нотакрор аст, - мегӯяд Муҳиддин.
Театру синамо метавонанд ба ҷомеа таъсир гузоранд. Кафка Франс низ гуфта, ки «барои он ки театр ба зиндагӣ такон диҳад, бояд нерумандтар ва пурмаҳсултар аз зиндагии ҳаррӯза бошад». Ин маъниро дар ҷустуҷӯҳо талошҳо ва ковишҳои ин ҷавони ҳунарманд, ки дар ин ҷода оромӣ надорад, бармало эҳсос кардем.
Алҳол Муҳиддини Музаффар ба нахустнамоиши филми нави «Тангно» омодагӣ мебинад. Дар нишасти матбуотии бахшида ба дусолагии таъсиси «Суғдсинамо» офарандаи нақши асосии филми «Тангно» Муҳаммадшариф Раҳматуллоев ба суоли рӯзноманигор, чӣ тавр ба ӯ муяссар шуд, ки бо ин хурдсолӣ аз офариниши нақши марказӣ барояд, посухе дод, ки ҳозиринро мутаассир ва водори кафкӯбиҳо кард:
- Душвор буд, аммо ман дар паҳлуям акои Муҳиддинро доштам. Агар он кас ва «Суғдсинамо» намешуд, ман ҳоло ин ҷо нанишаста будам.
Бале, Муҳиддин мехоҳад муҳаббати синамову театрро дар дили наврасони кишвар ҷой кунад. Бовар дорад, ки театр ва синаморо танҳо бо садоқату ишқи хунар метавон ба қуллаҳои баланд бурд.
- Мо шароиту имконият дорем. Фақат талош кунем ва муваффақ шавем, - мегӯяд ӯ. - Барои ин, мо аз ҳама шароиту имкониятҳои мавҷуда бояд пурсамар истифода барем ва пеш равем.
Навор… Ҳаст! Садо… Ҳаст! Муҳаббат… Ҳаст! Ободиву озодӣ… Ҳаст!  Рафтеееем !!!
Сурайё ҲАКИМОВА


Баёни ақида (0)    Санаи нашр: 27.04.2017    №: 86    Мутолиа карданд: 643

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед