logo

фарҳанг

БАЛҶУВОН - ЗОДГОҲИ СЕ ҚАҲРАМОН

Солҳо мегузаранд, аммо номи неки онҳое, ки барои ҳимояи Ватан ва ба ин рӯзи босаодат расидани халқ аз худ шуҷоату қаҳрамонӣ нишон додаанд, ҳеҷ гоҳ аз ёдҳо нахоҳад рафт.

Ҷанги Бузурги Ватании солҳои 1941-1945 дар таърихи инсоният даҳшатбортарин маҳсуб мешуд. Ин ҷанги хонумонсӯз ягон фарди бошуури Ватани паҳноварро бетараф нагузошт. Чун сафарбари ба ҷанг оғоз шуд, бархе ҷавонони ноҳияи Балҷувон бо шунидани ин хабари шум ихтиёрӣ ба комиссариати ҳарбӣ ҳозир мешуданд. Танҳо дар моҳи июли соли 1941 аз ноҳия 172 нафар ба ҷабҳа фиристода шуд. Дар солҳои баъдӣ аз 260 деҳаи ноҳия 7696 нафар ба ҷанг сафарбар гашт.
Ҷавонмардони балҷувонӣ дар озод намудани шаҳру деҳаҳои Украина, Белоруссия, Молдова, кишварҳои Назди Балтика ва дигар мамлакатҳои Аврупои Шарқӣ қаҳрамонона ҷангида, дар Ғалаба бар фашизм саҳми худро гузоштанд. Дар солҳои ҷанг аз вилояти Хатлон ҳашт нафар барои корнамоиҳои бемисл дар набардҳои шадид сазовори унвони олии Қаҳрамони Иттиҳоди Шӯравӣ гаштанд, ки се нафараш - Саидқул Турдиев, Исмат Шарифов ва Сафар Амиршоев аз ноҳияи Балҷувон мебошанд.
Саидқул Турдиев cоли 1912 дар деҳаи Хонаободи ноҳияи Балҷувон ба дунё омадааст. Соли 1942 аз шаҳри Сталинобод (ҳозира Душанбе) ба сафи Армияи Сурх даъват шуда, дар ҳайати полки 342 - уми тирандозии дивизияи 136 - уми армияи 38-уми ҷабҳаи Воронеж бар зидди фашистон ҷангидааст. Шаби 2 октябри соли 1943 яке аз аввалинҳо шуда дарёи Днепрро дар назди деҳаи Казачийи вилояти Киев убур кард. Дар ин ҷанги шадид, ки барои ба даст овардани мавқеъ мубориза мерафт, 3 октябр қаҳрамонона ҳалок гардид. Ҷасади ӯро дар шаҳри Киев ба хок супурданд. Бо фармони Раёсати Шӯрои Олии ИҶШС, аз 10 январи соли 1944, барои далерӣ ва шуҷоат ба ӯ унвони олии Қаҳрамонони Иттиҳоди Шӯравӣ дода шуд.
Сафар Амиршоев 15 декабри соли 1912 дар деҳаи Заргари Ҷамоати деҳоти Садайбардайи ноҳияи Балҷувон чашм ба олами ҳастӣ кушодааст. Моҳи декабри соли 1941 ба ҷанг рафта, дар ҳайати батареяи  5 - уми дивизиони  2 - юми полки  206 - уми артиллерии дивизияи  8 - уми артиллерии захираҳои Сарфармондеҳи олии ҷабҳаҳои Ҷанубу Ғарбӣ ва Воронеж ба сифати сардори дастаи тӯпчиён бо душман ҷангидааст.
16 июли соли 1944 душман бо 17 танк ба муқобили батареяи 5 - ум ҳуҷум кард. Сафар Амиршоев дар муҳорибаи мазкур ярадор шуда бошад ҳам, аз майдони ҳарб берун нашуд. Охирин бор ресмони тирандозии тӯпро ба шаст кашид ва худ ба рӯи пояи тӯп афтод. Тӯп сахт такон хӯрду танки душман оташ гирифт. Бо фармони Раёсати Шӯрои Олии ИҶШС, аз 25 сентябри соли 1944, ба ӯ унвони олии Қаҳрамони Иттиҳоди Шӯравӣ дода шуд.
Исмат Шарифов соли 1915 дар деҳаи Ғурунги ноҳияи Балҷувон таваллуд шуда, соли 1942 аз ноҳияи Данғара ба сафи Армияи Сурх пайваст. Дар ҳайати полки 861-уми тирандозии дивизияи 294 - уми армияи 52 - юми ҷабҳаи 2 - юми Украина ҷангида, 9 марти соли 1944 дар назди деҳаи Дмитрушкии ноҳияи Умани вилояти Чернигов ду пулемёти душманро аз кор баровард. Ҳамон рӯз дар озодсозии шаҳри Уман фаъолона иштирок карда, се мошини душманро бо аслиаҳааш тарконда, даҳҳо гитлерчиро нест кард ва худаш қаҳрамонона ҳалок шуд. Ҷасади ӯро дар қабристони бародарии шаҳри Обелеи Латвия ба хок супурданд. Бо фармони Раёсати Шӯрои Олии ИҶШС, аз 13 сентябри соли 1944, ба Исмат Шарифов унвони олии Қаҳрамони Иттиҳоди Шӯравӣ дода шуд.  
Мо - насли имрӯз бояд аз корнамоиҳои иштирокчиёни Ҷанги Бузурги Ватанӣ ибрат гирем, таърихи халқамонро пайваста омӯзем, дастовардҳои даврони соҳибистиқлолии кишварро ҳифз намуда, ҳамеша барои ҳимояи марзу буми Тоҷикистони азизамон омода бошем. 
Эмомалӣ НАБИЕВ,
Самандари РАҶАБАЛӢ,
донишҷӯёни Донишгоҳи давлатии Қӯрғонтеппа
ба номи Носири Хусрав


Баёни ақида (0)    Санаи нашр: 08.05.2017    №: 93    Мутолиа карданд: 214

23.05.2017


Ҳифзи амнияти шаҳрвандон яке аз вазифаҳои асосии кормандони милитсия аст

Машварати сиёсии Тоҷикистону Австралия

27 май – оғози моҳи шарифи Рамазон

Шаҳри Душанбе ва вилояти Хатлон нақшаро иҷро карданд

Ифтитоҳи маркази иттилоотӣ дар Дарвоз

ДАНҒАРА. Афзалияти боғҳои интенсивӣ

«Бозори ҳунар» дар боғи «Ирам»

Ҷаҳон дар як сатр

Таркондани ситоди «Аҳрор аш - Шам” дар Сурия

Эммануэл Макрон Владимир Путинро дар қасри Версал мепазирад

Назарбоев бо Трампу Тиллерсон мулоқот кард

Туркманистон ба Молдова кӯдакистон туҳфа намуд

Варзиш

22.05.2017


Ярмаркаҳои ҷойҳои кор дар доираи Соли ҷавонон

ХОРУҒ. Авҷи созандагиҳо ба истиқболи ҷашни бузурги миллӣ

ТАНЗИМ. Баррасии амали қонун дар ноҳияи Бохтар

Ҷаҳон дар як сатр

Риёз қароргоҳи маркази мубориза бо ғояи экстремистӣ

Ҷангиён аз шаҳри Хомс пурра бароварда шуданд

Ташкили боз як воситаи алоқаи низомии ИМА ва Русия дар Сурия

Эҳтимоли аз музокирот оид ба «Брексит» даст кашидани Лондон

Парвоз дар «аэромобил» аз таксӣ қимат нахоҳад шуд

20.05.2017


Мулоқоти Сироҷиддин Аслов ва Жан Асселборн

Густариши ҳамкориҳо бо Конфедератсияи Швейтсария

Фестивали расму оин ва таомҳои миллии кишварҳои хориҷӣ дар Душанбе

Яъқуби Ҳикматулло – барандаи ҷоизаи адабии ба номи Ашӯр Сафар

ҚАДРДОНИИ ҶАВОНОН ДАР ХУҶАНД

Ҷаҳон дар як сатр

Трамп: «Дар таърих ноодилонатарин муносибат бо ман шуда истодааст»

Боздошти гумонбарҳо дар омодасозии кирдори террористӣ дар Лондон

Муборизаи муштараки роҳҳои оҳани кишварҳои ИДМ бо киберҳамлаҳо

Роҳандозии истифодаи бехатари интернет дар макотиби Русия

Чоряк миллиард сокини Замин маводи мухаддир истеъмол мекунад

Гӯшаи кишоварз


Дар сомонаҳои дигари Тоҷикистон хонед