logo

туризм

САЙЁҲӢ. ЧАНД ПАҲЛУИ ЯК ПРОБЛЕМА

Барои соҳаи туризми кишвар омода намудани кадрҳои баландихтисос яке аз масъалаҳои мубрам ба ҳисоб меравад. Аксари мутахассисону коршиносони соҳа бар он назаранд, ки маҳз кам будани мутахассисони соҳибтаҷриба боиси ба таври зарурӣ рушд наёфтани соҳаи сайёҳӣ гаштааст. 
Даромад аз тиҷорати туристӣ на танҳо иқтисодиёти минтақа, балки дар маҷмӯъ тамоми иқтисодиёти мамлакатро  ривоҷу равнақ хоҳад бахшид . Аз ин хотир, таъмин намудани хоҷагиҳои меҳмондорӣ ва дигар зерсохторҳои соҳаи туризм бо кадрҳои баландихтисос масъалаи муҳим мебошад.
Амриддин Самиев, декани факултети географияи Донишгоҳи давлатии омӯзгории Тоҷикистон ба номи Садриддин Айнӣ, зимни яке аз конфронсҳои хоса доир ба ин мавзӯъ иброз дошт, ки маҳз сифати омода намудани кадрҳо маҳаки асосии рушди соҳаи туризм ба ҳисоб меравад. Муассисаҳои олӣ, ки ба тайёр намудани мутахассисон машғуланд, на дар ҳама ҳолат метавонанд таҷрибаомӯзии донишҷӯёнро дар меҳмонхонаҳо ё ширкатҳои туристӣ таъмин намоянд. Ҳарчанд донишгоҳҳо бо якчанд ширкатҳои сайёҳиву меҳмонхонаҳои ватанӣ шартномаҳои ҳамкорӣ дошта бошанд ҳам, вале дар маҷмӯъ сатҳи ҳамкории онҳо ба таври зарурӣ ба роҳ монда нашудааст. Ҳолати таъмини кадрҳо дар тамоми бахшҳои соҳа ташвишовар аст.
Ба гуфтаи Амриддин Самиев дар макотиби олӣ омӯзгорони баландихтисос намерасанд. Дар баробари ин, барномаҳои таълимӣ ба шароити замони муосир ҷавобгӯ нестанд. Бо вуҷуди ин, шумораи муассисаҳое, ки мутахассиси соҳаро тайёр менамоянд ҳамасола зиёд шуда истодаанд. 
Ҳамчунин, ӯ зикр кард, ки имрӯз беш аз 10 муассисаҳои олӣ мутахассисони соҳаро омода месозанд. Мутаассифона, байни муассисаҳо ва корфармоён ҳамкориҳо барои бо ҷойи кор таъмин намудани мутахассисон ба роҳ монда нашудааст. Муассисаҳо ҷиҳати бо ҷойи кор таъмин намудани хатмкунандагон бепарвоӣ зоҳир менамоянд. Дар натиҷа ба соҳаи сайёҳӣ мутахассисони ғайр ҷалб карда мешаванд, ки  онҳо дар рушди соҳа саҳм гузошта наметавонанд.
Ин дар ҳолест, ки  кормандони  Кумитаи ҷавонон, варзиш ва сайёҳӣ иброз медоранд, ки кумита дар якҷоягӣ бо сохторҳои маҳаллии худ ва ширкатҳои сайёҳӣ барои таҷрибаомӯзии донишҷӯён тамоми шароитҳоро фароҳам овардаанд ва донишҷӯёни риштаи туризм ба таҷрибаомӯзӣ фаро гирифта мешаванд.
Ба андешаи коршиносон воридшавии сайёҳон ба кишвари мо нисбат ба дигар давлатҳои ҳамсоя нисбатан кам аст ва яке аз сабабҳои асосии он нарасидани мутахассисони соҳибкасб ва сатҳи пасти хизматрасонӣ мебошад. Агар мутахассис соҳибкасб бошад, сатҳи хизматрасонӣ низ бамаротиб боло меравад.
Шаҳноз ҚУРБОН, «Ҷумҳурият»


Баёни ақида (0)    Санаи нашр: 10.05.2017    №: 94    Мутолиа карданд: 2241

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед