logo

фарҳанг

АЗ Ӯ ҲАМ СОЗ МЕНОЛАД, ҲАМ ОВОЗ

Ҳанӯз аз овони мактабхонӣ садои дилнишини андалеби шӯридадил Барот Яхшӣ дар хотирам нақш бастааст. Аз карнайи  радио садои гуворову гиро ба атроф  танин меандохт:
Зи ҳиҷронат, азизи ман, ҳамеша чашми тар дорам,
На мактуби ту меояд, на аз ҳолат хабар дорам.
Агар мардум маро пурсад, чаро рангат
хазон гаштаст,
Ҷавобашро ҳамегӯям, азизе дар сафар дорам…


Ӯро ба худ булбул унвон дода будам. Лаҳни шево, садои баланду ширинаш ҳамчун чаҳ – чаҳи булбул хушоҳанг ба гӯш мерасид. Баъди  гузаштани чиҳил сол низ андешаи хешро тағйир надодаам. Ӯ идомабахши мактаби ҳунарии Кангурт, мактаби Карими Шиш ва ҳам булбули воқеии ин чаманистони ҳунар буд, ки то ҳанӯз ҷояш дар замири ҳаводорони санъати баланд холист.
Барот Яхширо  аз овони 15 - солагӣ дар қаламрави ноҳия ҳамчун сарояндаи умедбахш мешинохтанд. Овозаи ҳунараш то ба дуриҳо рафта расида буд.
Шурӯъ аз соли 1953 Барот аллакай дар озмунҳои ноҳиявию вилоятӣ ширкат  меварзид. Соли 1955 котиби райкоми ноҳияи Данғара Аллаёр Тағоев  бо қатъияти том дар назди ҳаваскорон вазифа гузошт, ки дар озмуни вилоятӣ барои баланд бардоштани обрӯи ноҳия ҷойи якумро мегиред. Даста дар шаҳри Кӯлоб мақоми аввалро сазовор гашт. Пас, омодагии ҳамаҷониба ба озмуни ҷумҳуриявӣ оғоз шуд. Ба ҳайати дастаи вилоятӣ аз ноҳияи Данғара Барот Яхшӣ, Карим Раҳим, Таваралӣ Авазов шомил шуданд. Ҳунарнамоии онҳо аз ҷониби доварон баҳои баланд гирифт. Ҳамин хел, баъди фестивали мазкур дар Сталинобод (ҳоло Душанбе) як зумра ҳофизону мутрибони хушсалиқаро пазируфтанд. Барот Яхшӣ ва Карим Раҳим аз зумраи  аввалин писандидагон буданд.
Барот Яхшӣ  аз моҳи сентябри соли 1955, аз  давраи муқими пойтахт гаштанаш, ба сифати солист – вокалисти Филармонияи давлатии Тоҷикистон шаборӯз тамрин карда, ҳамроҳи устодони хеш пайваста ба сафарҳои ҳунарӣ мебаромад.
Лаҳзаи ёдмони зиндагии вай  соли 1957 ба вуқӯъ пайваст. Ҳофизи ҷавон бори нахуст дар фестивали IV байналмилалӣ  (Москва) ширкат варзид. Боздиду иштирок дар ин фестивал барои ҷавони тоҷик такони ҷиддие гардид. Охир на ба ҳар як кас ширкат  дар чунин озмуни байналмилалӣ муяссар мегардад. Ӯ аз шаҳри Москва бо як ҷаҳон таассурот баргашт.
Сипас, аз соли 1962 то соли 1968 дар Театри академии драмавии ба номи Абулқосим Лоҳутӣ ба ҳайси овозхон фаъолият дошт. Ҳамчунин, сафарҳои эшон дар Даҳаи адабиёту санъати тоҷик  (Москва, 1968) ва дар ҷашни миллии давлати Афғонистон (май – июни соли 1968) ба ҳофиз рӯҳу илҳоми тоза бахшид. Дар ҳайати санъаткорони тоҷик қариб  се моҳ дар шаҳру вилоятҳои Қундуз, Кобул, Ҷалолобод, Ғазнӣ, Қандаҳор ва Ҳирот ҳунарнамоӣ намуд. Лаҳзаи аз ҳама хотирмони ин сафари ҳунарӣ, бо роҳбарии муғаннӣ ва оҳангсози маъруфи тоҷик Ҳаким Маҳмудов сабти қариб 50 суруду оҳанг дар радиои Кобул буд.
Аз соли 1968 то соли 1985 ӯ ба сифати овозхони  дастаи ҳунарии шашмақомхонони Кумитаи телевизион ва радиои назди Ҳукумати Ҷумҳурии Тоҷикистон бори  заҳмат бар дӯш дошт. Ширкат дар Симпозиуми байналмилалии  санъат дар шаҳри бостонии Самарқанд (соли 1978)  фатҳи қуллаи навбатиаш гашт.
Вазорати фарҳанги кишвар  ва Кумитаи телевизион ва радиои ҷумҳурӣ дар зарфи 20 сол номзадии Барот Яхширо барои ноил шудан ба унвони фахрии «Ҳофизи халқии Тоҷикистон» борҳо  пешниҳод намуда буданд. Мутаассифона, хизматҳои шоистааш дар зиндагӣ қадр нагаштанд.  Ҳол он ки ҳунару истеъдоди ӯро дар ривоҷу равнақи санъати миллӣ, ба вижа Шашмақом, кулли мухлисону муҳаққиқон эътироф ва  ба  ҳунари волояш қоил буданд. Аз рӯи инсоф мебуд агар муғаннии маҳбубу шоиста ва яке аз сарояндагони номвари дастаи мақомхонони асри XX-и тоҷик Барот Яхширо ба унвони Ҳунарпешаи шоистаи Тоҷикистон (пас аз марг) қадрдонӣ намоем. Ин усули қадрдонӣ дар арсаи ҳунар амалест маъмулӣ ва дар саҳфаи навини Тоҷикистони соҳибистиқлол чунин меҳрубониро нисбати  пешаварони асил -  Кароматулло Қурбонов, Фатҳиддин Тешаев ва ё хайр лоиқ дониста буданд.
Умари  ШЕРХОН, рӯзноманигор


Баёни ақида (0)    Санаи нашр: 15.05.2017    №: 97-98    Мутолиа карданд: 397

22.01.2018


Мулоқоти Сироҷиддин Аслов ва Владимир Воронков

Баргузории ҷаласаи Комиссия оид ба масъалаҳои иқтисодии ИДМ

Боздиди ҳайати кормандони Сафорати Тоҷикистон аз шаҳраки саноатӣ

Ҳамлаи хунин ба меҳмонхонаи Intercontinental дар Кобул

Хазинаи байналмилалии асъор: «Иқтисоди Русия рӯ ба болоравист»

«Ҷабҳат ан – Нусра» дар Идлиб ба муҳосира гирифта шуд

Ба ҳадди рекордӣ расидани пасандози русиягиҳо

Дар Шведсия бокси ҳирфаиро эҳтимол манъ созанд

18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ


Дар сомонаҳои дигари Тоҷикистон хонед