logo

иҷтимоиёт

ИСТГОҲҲОИ ПУЛАКӢ. КӢ МАСЪУЛИЯТРО БАР ДӮШ МЕГИРАД?

Дар шаҳри бостонии Кӯлоб кам ҷоеро меёбӣ, ки ба истгоҳи пулакӣ мубаддал нашуда бошад. Кор то ҷое расидааст, ки дар канори роҳҳои шафати бозор ва ҷойҳои дигари серодам, хусусан роҳҳои назди вокзалу беморхонаҳо, навбатдорони махсус «худам шоҳу табъам вазир» - гӯён аз ҳар як мошин 1-2 сомонӣ меситонанд.

Мусаллам аст, ки роҳ бевосита ба идораҳои роҳсозӣ марбут буда, дар мувозинати давлат қарор дорад. Аммо аз беназоратӣ ва хунукназарии роҳбарони масъул истифода намуда, афроди номаълум «хӯҷаин» - и роҳ шудаанд ва худсарона аз ҳар мошин истгоҳпулӣ талаб менамоянд. Мардум ҳам гӯё бетафовут шудаанд. Баъзеҳо даъво мекунанд, аммо бисёриҳо бо чунин афрод сарбасар шуданро ба худ раво намебинанд: суоле ҳам намедиҳанду гӯё назарашон 1- 2 сомониро намегирад, пардохт карда рафтан мегиранд.
Аз як мард, ки дар канори роҳи наздик ба бозори «Саховат» ва меҳмонхонаи «Хатлон» аз соҳибони мошинҳо пул мегирифт, пурсидам:
- Чаро мардум бояд барои роҳи давлатӣ пул диҳанд?
Ӯ бе дудилагӣ ва мулоҳиза ҷавоб дод:
- Ин ҳудуди роҳ шахсӣ аст.
Ахиран он мард иқрор намуд, ки кӣ будани «хӯҷаин» - и роҳро  ҳатто намедонад.
Як нафар корманди мақомоти андоз бо шарти набурдани номаш гуфт, ки гӯё чунин афроди соҳиби истгоҳҳои сарироҳӣ маблағи патент месупоридаанд.
- Мо фақат ҳаққи патентро аз онҳо тақозо мекунем, аммо намедонем, ки кӣ ба онҳо барои чунин пулситонӣ иҷозат додааст, - гуфт ӯ.
Аҷабо, магар роҳро харидаю фурӯхта мешавад? Мақомоти иҷроияи маҳаллии ҳокимияти давлатии шаҳр ба чунин ҳол аз паси панҷа назар мекунанд. Касе намепурсад, ки ин «соҳибкорони навбаромад» аз кӣ иҷозат гирифтаанд ва оё додани иҷозат барои пулҷамъкунии сарироҳӣ қонунист?
Чунин вазъ дар истгоҳҳои назди фурудгоҳ, вокзали роҳи оҳан, бемористонҳо низ ба мушоҳида мерасад.  Воқеан, дар назди фурудгоҳ истгоҳ вуҷуд дорад ва дар даромадгоҳаш навишта шудааст: «Истгоҳи пулакӣ». Дар назди вокзали роҳи оҳан низ ҳамин манзараро мушоҳида мекунем. Аммо дар бемористони вилоятии № 2, беморхонаҳои шаҳриву ноҳиявӣ, бозорҳо ин манзараро наметавон дид. Акнун суоле ба миён меояд, ки фурудгоҳ ба хотири кӣ ва ё чӣ фаъолият мекунад?  Дар вокзали роҳи оҳан низ ҳамин ҳол аст. Пас, мантиқан роҳбарони ин муассисаҳо бояд истгоҳҳои бепул ташкил намоянд. Ин обрӯи муассисаро зиёд мекунад. Ин мисол ба бозорҳо низ мутааллиқ аст, ки дар як рӯз садҳо, ҳазорҳо нафар шаҳрванд хариду фурӯш мекунанд.
Ҳотамшо Сафаров, сармутахассиси шуъбаи ҳифзи муҳити зисти шаҳри Кӯлоб, гуфт, ки ягон истгоҳи пулакии мошинҳо хулосаи экспертизаи давлатии экологӣ надорад ва ҳамаи онҳо ғайриқонунӣ фаъолият бурда истодаанд, аз ҷумла аксари онҳо барои қонунан фаъолият кардан қарор ё иҷозатномаи расмӣ надоранд.
Дар ҳамин ҳол нуқтаҳои шустушӯйи пулакии мошинҳо, ки дар шаҳру ноҳияҳои минтақаи Кӯлоб аз ҳад зиёд гардидаанд,  обҳои истифодашудаи олуда бо моддаҳои кимиёиро рост ба ҷӯйбору иншооти обӣ партофта истодаанд, ки ин мавзӯи дигар аст…
Шарифхон ТИЛЛОЕВ, рӯзноманигор


Баёни ақида (0)    Санаи нашр: 15.05.2017    №: 97-98    Мутолиа карданд: 221

22.09.2017


Мулоқоти Сироҷиддин Аслов бо Кай Микканен

Баррасии татбиқи қонун «Дар бораи таҳсилоти калонсолон»

Масоили густариши ҳамкориҳо дар соҳаи маориф матраҳ гаштанд

Ҷаласаи XVI Кумитаи ҳамкории гумрукӣ

10 комбайни нав дар шолизор

21.09.2017


Вохӯрии Сироҷиддин Аслов ва Хосе Гратсиано да Силва

Баргузории конференсияи илмӣ-назариявӣ

Баррасии тавсеаи ҳамкориҳо дар соҳаи таҳсилоти олӣ

Дар Хуросон ҳосили хуб ба даст оварданд

Теъдоди қурбониёни заминларзаи Мексика ба 230 нафар расид

Дар Арабистони Саудӣ ба иди миллӣ бори нахуст занонро даъват намуданд

Насли нави рақамӣ иқтисоди Чинро дигар мекунад

20 миллиони фонди Ди Каприо ба ҳимояи муҳити зист

Дар дунё 40 миллион дар ғуломӣ қарор дорад

20.09.2017


Мулоқоти Сироҷиддин Аслов ва Петер Сиярто

Абдулхалил Бахтиёр: «Мардуми Афғонистон аз кумакҳои халқи тоҷик сипосгузоранд»

Таҷлили 26 - солагии Истиқлолияти давлатӣ дар Япония

Дар Тошканд Рӯзҳои фарҳанги Тоҷикистон баргузор мешавад

5 – УМИН БОЗИҲОИ ОСИЁ. 14 медал дар чаҳор рӯз

«Истиқлол» боз қаҳрамони мусобиқоти футболи кишвар

Истеҳсоли асал меафзояд

ҚАЛЛОБӢ кам, вале худсарона ишғол намудани замин зиёд шудааст

Ҷаҳон дар як сатр

Дар Мексика заминларзаи мудҳиш боиси ҳалокати 139 нафар гашт

Гутерреш ҳафт хатари ҷиддӣ ба инсониятро ном бурд

ИМА дар Сурия бо Русия сабқат намекунад

Макрон: «Созишномаи Париж оид ба иқлим таҷдиди назар нахоҳад шуд»

Минагузории сарҳад бо Бангладеш

Чин ҳуқуқи моликияти зеҳнии ширкатҳои хориҷиро ҳифз мекунад

19.09.2017


Мулоқоти Сарвазир бо намояндагони ширкати «Grupo АСS»

Густариши ҳамкориҳо бо Арабистони Саудӣ

Аввалин воситаи таълимӣ оид ба сиёсати хориҷии Тоҷикистон

Баргузории Форуми байналмилалии «Помир Инвест»

Як нишасти муҳим


Дар сомонаҳои дигари Тоҷикистон хонед