logo

иҷтимоиёт

ТЕРРОРИЗМ ВА СУИСТИФОДА АЗ ДИН

Амалҳои террористие, ки моҳи апрели соли равон дар шаҳри Санкт - Петербурги Федератсияи Русия, Миср, Сомалӣ, Англия, Туркия, Афғонистон, Сурия рух доданд, амалҳои ваҳшиёнае мебошанд, ки аз тарафи гурӯҳҳои террористӣ бо ҷон бохтани даҳҳо нафар инсонҳои бегуноҳ ва ҷароҳат бардоштани шумораи зиёди мардуми осоишта, ба анҷом расонда шуд.

Заифии террористон дар он аст, ки мардуми осоиштаро ҳамеша барои расидан ба ҳадафҳои касифи худ истифода мебаранд ва одамони бегуноҳро аз ҳаёт маҳрум мекунанд. Магар дини Ислом тарафдори зулм аст? Албатта, не.
Худованд (ҷ) дар сураи «Мумтаҳина», ояти 8-ум мефармояд: «Худо шуморо аз некӣ кардан ва риояти адолат нисбат ба касоне, ки дар амри дин бо шумо пайкор накарданд ва аз хона ва диёратон берун наронданд, наҳӣ намекунад, чаро ки Худованд адолатпешагонро дӯст дорад».
Мардумоне, ки худ мусулмон нестанду бо  мусулмонон ҷангу ҷидол намекунанд, дини Ислом раво медорад бо онҳо новобаста аз дин, нажод, миллат ва расму оин, ба некуӣ ва хушхулқӣ муомила кунанд. Тақозои инсоф аст, ба онҳо рафтори нек кардан ва ба дунё нишон додан, ки меъёри ахлоқи исломӣ чӣ қадар баланд аст, на ин ки куштан ва аз ҳаёт маҳрум кардани мардуми сайёра, ки дар сафи онҳо занону кӯдакон шомиланд. Пас, террористон чӣ гуна худро мусулмон меҳисобанд, дар ҳоле ки мардумро бераҳмона мекушанд ва ҳар гуна аъзиятҳоеро раво медоранд, ки ашхоси солимақл онҳоро дар зеҳни худ ҳатто ҷой дода наметавонад?
Аз ин рӯ, мубориза бурдан бо ин вабои аср, аз байн бурдани амалҳои террористӣ, ки ин амалҳо барои халалдор сохтани амнияти ҷамъиятӣ ва суст намудани пояҳои ҳокимияти давлатӣ равона гардидаанд, вазифаи аввалиндараҷаи мост. Дигар ин, ки ин ҳаракатҳо дар аҳолӣ ҳиссиёти тарсу оҷизиро ба вуҷуд меоваранд. Танҳо бо роҳи муттаҳид шудани аҳолии кишварҳо ва ҳамкории бевосита байни халқу давлат, боварӣ байни онҳо нисбати якдигар метавон ин падидаи номатлубро аз миён бурд. Чуноне ки Сарвари давлат зимни ироаи Паём таъкид намуданд: «Мубориза бо терроризм ва экстремизм фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани ҳамаи кишварҳои дунёро дар пешорӯи ин хатари умумӣ тақозо менамояд. Истифодаи «сиёсати дугона» нисбат ба терроризм ва экстремизм самаранокии кӯшишҳои ҷомеаи ҷаҳониро дар муборизаи муштарак бо ин зуҳурот ҷиддан коҳиш дода, баръакс, мухолифатҳои наверо байни эътилофҳои ҳарбиву сиёсӣ эҷод мекунад ва авзои ҷаҳонро боз ҳам ноором месозад». 
Эҳтиром гузоштан ба арзишҳои миллии кишвари худ ва тамоми кишварҳои ҷаҳон, ки мардуми он мехоҳанд дар муҳити оромиву осудагӣ ва дур аз истисмору шиканҷа умр ба сар баранд, вазифаи ҳар инсон мебошад.
Зебо РАҲМАТОВА,
мутахассиси шуъбаи илми Донишкадаи исломии Тоҷикистон ба номи Имоми Аъзам-Абуҳанифа


Баёни ақида (0)    Санаи нашр: 15.05.2017    №: 97-98    Мутолиа карданд: 230
26.07.2017


ДУШАНБЕ. Афзалият ба саноат

Буриши ғайриқонунии дарахтон кам гардид

Мақсад - боло бурдани сатҳи зиндагӣ

Маҳсули гармхонаҳо афзуд

25.07.2017


Тасдиқи нақшаи чорабиниҳои Ҷашни 26-солагии Истиқлолияти давлатӣ

Мулоқоти Низомиддин Зоҳидӣ ва Квон Ён У

Густариши ҳамкориҳои гуногунҷанба матраҳ гашт

Роҳи Кӯлоб – Қалъаи Хумб – Мурғоб – Қароқум боз шуд

ВАЗОРАТИ КОРҲОИ ДОХИЛӢ. Наздики 900 ҷиноят ошкор шуд

Қарзи истифодабарандагони об ба 95,5 миллион сомонӣ расид

ИСТАРАВШАН. Саноат рӯ ба беҳбудӣ

РОҒУН. Афзалият ба маориф

Қарзи бонкҳо 34 дарсад коҳиш ёфт

24.07.2017


Ҷоришавии низоми пардохти электронӣ

Иштироки Неъматулло Ҳикматуллозода дар чорабинии махсуси СММ

Баррасии сатҳи хизматрасонӣ

Таъсиси Шабакаи ягонаи иттилоотии ҷумҳуриявии БДА

Парвандаҳои иқтисодӣ нисбат ба соли гузашта зиёд шудаанд

Ш. Орумбекзода: "Дар соҳаи фарҳанг ҳанӯз мушкилот зиёданд"

Нақшаи андоз 102,1 дарсад таъмин гардид

ДМИТ. Теъдоди аълохонон меафзояд

ДОНИШКАДАИ ИСЛОМӢ. Бурдҳо ва бохтҳо

10 медали тиллои дастпарварони ДТҶТ

22.07.2017


Густариши ҳамкориҳо бо Олмон

Содироти маҳсулот ба маблағи беш аз 230 миллион доллар

Таҷдиди НБО Қайроққум моҳи сентябр оғоз мегардад

ЛАХШ. Беш аз 750 ҳазор сомонӣ барои зарардидагон

20.07.2017


Ширкати Неъматулло Ҳикматуллозода дар Форуми сиёсии сатҳи баланд

Мулоқоти Шерхон Салимзода ва Александр Конюк

Намоишгоҳи «Тоҷикистон – 2017» баргузор мешавад

«Лола» ва «Садо» ба Чин мераванд

Картошка арзон мешавад?

ҚАДРИ МЕҲНАТ. Маоши миёна беш аз 1200 сомонӣ

ВАҲДАТ. Саноат рӯ ба беҳбудӣ

ДДЗТ. Аз озмунҳои байналмилалӣ то ҳамкориҳои хориҷӣ


Дар сомонаҳои дигари Тоҷикистон хонед