logo

иқтисод

ПИЛДОН. ГУФТАНИҲОИ НОГУФТА

Ҷамоати деҳоти Пилдони ноҳияи Лахш дорои имкониятҳои васеи кишоварзӣ, аз қабили картошкапарварию боғдорӣ ва чорводорӣ буда, заминҳои  киштбобу боғҳои серҳосил ва кӯҳҳои сарбарфалаккашидаи он дили ҳар бинандаро мафтун месозад. Дар он соҳаҳои гуногуни хоҷагии халқ бо суръат рушд меёбанд. Биноҳои наву замонавии маъмурии ҷамоати деҳот ва марказҳои савдою хизматрасонӣ ба ҳусни маркази ҷамоати деҳот зебогии хос бахшидаанд. Шуғли асосии сокинони он чун дигар мардуми кӯҳистони навоҳии Рашт кишоварзист.

Ба гуфтаи Аюбҷон Шехов, раиси деҳот, дар ҳудуди ҷамоати деҳот 1 корхонаи воҳиди давлатии ниҳолпарварӣ, иборат аз 5 бригадаи саҳроӣ фаъолият дорад. Чорводорӣ ва картошкапарварӣ аз соҳаҳои асосии рушди ҷамоати деҳот маҳсуб меёбанд.
Ҳамкории дастгоҳи ҷамоати деҳот бо аҳолӣ ҷиҳати бартараф намудани камбудиҳою мушкилоти соҳаҳои гуногун ва корҳои ободонию созандагӣ зич ба роҳ монда шудааст. Сокинони ҷамоати деҳот ният доранд, ки ба муносибати Ҷашни 20 - солагии Ваҳдати миллӣ тариқи ҳашар болопӯши бинои беморхонаи маркази ҷамоати деҳотро, ки соли 1968 сохта шудааст ва боми бинои таълимии муассисаи таҳсилоти умумии деҳаи Чубайро иваз намуда, дар деҳаи Сайрон як китобхонаи замонавӣ бунёд намоянд. Аз тарафи соҳибкорон дар маркази ҷамоати деҳот дар арафаи ин ҷашн бинои дуошёнаи маркази савдо мавриди истифодабарӣ қарор мегирад. Роҳҳои деҳаҳои Пилдони Боло, Пилдони Миёна, Пилдони Чунгак ва Сайрон,  ки дар натиҷаи боришоти зиёд ва тӯлонӣ омадани фасли зимистони имсола вайрон шуда буданд, бо саҳми соҳибкорон ва аҳолӣ тариқи ҳашар дар муҳлати кӯтоҳ таъмир гардида, мавриди истифодабарӣ қарор гирифтанд.
Дастгирии оилаҳои ниёзманд ва фарзандони ятиму бепарастор дар меҳвари таваҷҷуҳи дастгоҳи ҷамоати деҳот ва соҳибкорону шахсони саховатпеша қарор гирифтааст. Дар арафаи иди Наврӯзи байналмилалӣ тӯйи домодию арӯсии як ҷуфт навхонадорон ва хатнасури 8 нафар кӯдакони оилаҳои камбизоату бепарастор гузаронда шуд.     
Рафти иҷрои қонунҳои Ҷумҳурии Тоҷикистон «Дар бораи танзими анъана ва ҷашну маросимҳои дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» зери назорати доимӣ қарор дорад. Оид ба иҷрои талаботи қонунҳои мазкур дар назди ҷамоати деҳот комиссияҳои доимӣ ва дар маҳалҳои аҳолинишин комиссияҳои ҷамъиятӣ таъсис ёфтаанд.
- Мушкили асосие, ки дар соҳаҳои иқтисодӣ мавҷуд аст, ин набудани роҳ ба чарогоҳҳои тобистона мебошад.  Чорвопарварон тариқи ҳашар роҳи пиёдагузар сохтанд, аммо то моҳҳои май ва июн имконияти пурра ба чарогоҳҳо бурдани чорворо надорем. Хатҳои барқи баландшиддат низ аз кӯҳҳо мегузаранд. Бештари вақт дар натиҷаи боришоти зиёд ва тӯфон хати барқ канда мешавад. Ният дорем, ки бо дастгирии масъулони мақомоти болоӣ хатҳои барқи баландшиддатро дар шафати шоҳроҳ пайваст намоем.
Касалиҳои чорво ва касалиҳои дарахтон вақтҳои охир зиёд гардида истодаанд.  Дар ин ҷода мутахассисон хеле каманд. Бовар дорем, ки бо дастгирии Ҳукумати кишвар, мақомоти иҷроияи маҳаллии ҳокимияти давлатии ноҳия ва азму талоши сокинони меҳнатқарини ҷамоати деҳот мушкилоти соҳаҳои иқтисодии заҳматкашони мо бартараф мешаванду  дастовардҳо боз ҳам назаррас мегарданд, - гуфт дар хотимаи суҳбат мусоҳиби мо.
З. ХУДОДОД, «Ҷумҳурият»


Баёни ақида (0)    Санаи нашр: 15.05.2017    №: 97-98    Мутолиа карданд: 397

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё

Касби мақоми дувуми Разавӣ дар Чемпионати Осиё

Баргузории «Дави миллӣ»

15.05.2018


Оғози ҷаласаи дуюми Кумитаи байналмилалии роҳбарикунанда

Баргузории мизи мудаввар дар Суди Олии иқтисодӣ

«Оила ва нақши он дар рушди шахсияти инсон»

Ҷаҳон дар як сатр

Дар Остона музокироти сулҳи Сурия оғоз ёфт

Мулоқоти Путин ва Жээнбеков дар Сочи

Назарбоев байни баҳрҳои Сиёҳ ва Хазар сохтани канали киштигардро мехоҳад


Дар сомонаҳои дигари Тоҷикистон хонед