logo

сиёсат

НӮШДОРУ

Мо достони машҳуру беназири «Рустам ва Суҳроб» - и Ҳаким Фирдавсиро аз «Шоҳнома» хуб дар ёд дорем. Ҳатто аксари мардум ин шоҳасарро дар мисоли ҳамин достон мешиносанд ва воқеан ҳам Рустаму Суҳроб рамзу намоди асосии «Шоҳнома» - анд. Ҷанги шаҳрвандие, ки солҳои навадуми асри ХХ ба сари миллати мо омад, ҳамин разму пархоши падару писарро мемонд. Ин ду саргузашти таърихи бостон ва муосир ба ҳам сахт монанданд, ба ҷуз аз як лаҳза. Он лаҳза кадом аст?
Қиссаи ҳузнангези Рустаму Суҳроб ва дили реши Таҳминаро сабаб низ ғафлату нодонӣ ва қаҳру манмании ноҷо буд. Атрофиён, махсусан ҳасудону нотавонбинон хостанд, ки падар аз дасти писар ва ё баръакс кушта шаваду яке аз шоҳсутунҳои кохи Эронзамин сарбазер афтад. Ҳарчанд Суҳроб ному нишони падар мепурсид, наздиктарин шахсони Суҳроб, ки модараш – Таҳмина ба онҳо бовар дошт, аз муаррифии Рустам худдорӣ карданд. Иғво ангехтанд, ки паҳлавоне даъвои зеру забар кардани туро дорад.
Ҳамин тариқ, падару писар дастбагиребони ҳам шуданд. Чун меҳру хуни гарми пайвандӣ ба машомашон расид, нахуст Суҳроб пурсид, ки ту Рустамӣ? Ин ҷо аллакай бозии сарнавишт буд. Рустамро қувваҳои аҳриманӣ нагузоштанд, ки бигӯяд: бале, Рустамам! Ӯ гуфт: ҳаргиз, ман Рустам нестам, аммо ӯро дидаам. Ҳамин як ҷавоби дурӯғ, ки аз забони Рустам, вале аз дили Аҳриман садо дод, тақдири ин пайвандро ҳал кард...
Моро низ солҳои навадум ҳамин қувваи аҳриманӣ ҷоду карда буд гӯё. Чашмони сурату сиратамонро пардаи ҷаҳли мураккаб пӯшонда буд. Тир мекушодему тир мехӯрдем. Хонаи падарамонро ғорат мекардем, писарамонро намешинохтему мекуштем… Он замон Аҳримани манҳус чӣ қадар шод шуда бошад?!
Албатта, атрофиён, бавижа душманони қадимии ин халқу миллат, медонистанд, ки тоҷик тоҷикро мекушад, аммо ба даҳон об гирифта буданд, медонистанд, ки хомӯшии онҳо боиси азбайнравии миллату давлат шуда, бо ин «баҳона» соҳиби як порча замин мегаштанд.
Вақте дили тоҷик ба бародари тоҷикаш намесӯхт, чӣ гуна дили бегона бисӯзад?
…Инак, Рустам аз ҷигарбанди худ мағлуб шудаву рӯи хок мехуфт. Ё ҳарфи таслим мегуфт, ё маргаш ногузир буд. Аммо содагиву бетаҷрибагии Суҳроб боз ҳам «кор дод». Рустам бо фиреб ӯро водор сохт, ки расми паҳлавонони асил ин нест ва шермардони майдон ба рақибашон имкони дубора медиҳанд. Суҳроб пештар аз бонуи шуҷову далер – Гурдофарид гӯл хӯрда бошад ҳам, боз ин бор бовар карду имкони дубора хестани Рустамро муҳайё сохт. Вале ин содагиву хушбоварӣ оқибати нангине дошт. Рустам, ки дигар тобу тавони идомаи ҷангро надошт, ханҷари хурде аз миён гирифту ҷигари писарашро шикофт.
Бале, ин оғози рехтани хуни тоҷик аз дасти тоҷик буд. Аҳриман ба ҳадаф расиду аз фаввораи хун морҳои заҳҳокӣ нӯши ҷон карданд. Дар ин байн Рустам аз аслу насаби Суҳроб огаҳ шуд, вале чӣ дер. Замину осмон дар назараш торик буд, ханҷар, хун ва писари дар дасташ ҷондодаистода тамоми вуҷудашро ба ларза оварданд, вале чӣ суд?
Рустам фиғони ҷонхарош кашида, нӯшдоруи ҳаётбахш хост, то зуд биёранду захми писарро табобат кунад, зиндагии тоза бахшад.  Аммо чун нӯшдору расид, Суҳроб рахт аз ҷаҳон баста буд.
Бале, ин айнан ҷанги шаҳрвандии моро мемонад, ба ҷуз аз фарқияти як лаҳза. Лаҳзаи расидани нӯшдору. Нӯшдории миллати нимбисмили мо ҳамин ваҳдат буд, ки пеш аз марги Суҳроб расид, на баъди марги ӯ. Вақте нӯшдоруи мо расид, ҳанӯз Суҳроби миллат ҷон меканд, нафасҳои вопасин мекашид, вале нӯшдору расид.
Ба масал ваҳдати миллӣ ҳамин нӯшдору буд, ки расиду ба табобати захму ҷароҳатҳо ва эҳёи мо мадад кард.
Нӯшдоруро ба тарафҳои сар- афкандаву гунаҳкору пушаймон Қаҳрамони Тоҷикистон Эмомалӣ Раҳмон овард. Таърихи тоҷик ба он қадар шукӯҳу шаҳомати худ сулҳофарии Эмомалӣ Раҳмонро фаромӯш намекунад. Ҳамин қадар хидматаш бас аст, ки ояндагон ному нишони ӯро пос доранд ва ба некӣ ёд кунанд.
Мувофиқи ривоятҳо Рустам тани беҷони Суҳробро чил шабонарӯз дар дасташ гирифта кӯ ба кӯ гашта, нолаву зории Яздони покро кардааст ва умед доштааст, ки бо раҳматаш бори дигар ба писараш ҷон ато мекунад. Бори гуноҳу хато ва ҷурми пушаймонии мо дар ҷанги бародаркуш ба масал тани беҷони Суҳроб аст, ки ҳанӯз дар дилу дидаҳо гирифта гаштаем. Ин сабақи таърих аст, набояд чунин ҳодисаи мудҳиш такрор ёбад, набояд аз ҳамдигар бегона шавем, набояд Таҳмина дар сӯги писараш рӯйу мӯй канад…
Фаромӯш накунем, ки ба ин рӯзҳои фараҳбахш саҳлу осон нарасидаем. Ба қавли бузургон, фаромӯшӣ ба рим кардани ҷароҳатҳои таърихӣ оварда мерасонад. Хотираи таърихӣ дармонбахши ин ҷароҳатҳост.
Бузургмеҳри БАҲОДУР


Баёни ақида (0)    Санаи нашр: 17.05.2017    №: 99    Мутолиа карданд: 641

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед