logo

сиёсат

ВАҲДАТ - ГУВОҲИ ШИКАСТНОПАЗИРИИ МИЛЛАТ

Андешаварон бидуни камтарин шак дарёфтаанд, ки ҳар як даъвати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои гиромидошти арзишҳои меҳанпарастӣ ва худогоҳии миллӣ роҳи расидан ба ормонҳои накутарро ҳамвор месозад.
Миллати мо дар дарозои зиндагии хеш тӯфонҳои шиканандаеро пушти сар ниҳодааст, ки бисёре аз миллатҳои дигар ба он тоб наоварда, аз саҳнаи таърих берун шудаанд. Мо дар саргузашти худ, зери фишори омилҳои бегона, борҳо аз асли худ ҷудо шуда, хештани хешро аз даст додаем ва имрӯз бояд бидонем, ки бо чӣ душвориҳои камаршикане ба худ бозгаштаем ва чӣ бикунем, ки дигар он шикастҳо ба пайкари мо роҳ наёбанд.
Президенти Ҷумҳурии Тоҷикистон муҳтарам Эмомалӣ Раҳмон, ки дар садаи XX мелодӣ мунодии ваҳдати миллӣ, бақои қавм, фарҳангу забони миллати тоҷик мебошад, роҳи паймудаи мардумони ориёитаборро бо чашми хирад омӯхта, дар зимн нигоҳи хешро ба шикастҳои пай дар пайи гузаштагонамон андухта, бо таҳлили ҳамаҷониба дарёфтааст, ки мо тоҷикон беш аз ҳамеша ба ҳушёрӣ ва ягонагии миллӣ ниёзмандем. Ҳамин аст, ки дар китоби худ «Тоҷикон дар оинаи таърих» дар баробари ёдкард аз осори классикони адабиёти ҳазорсолаамон, ишораҳои вижа ба «Шоҳнома»-и безаволи Ҳаким Фирдавсӣ дорад. Зеро рӯҳи Фирдавсӣ дар 60 ҳазор байти заррини худ ягонагӣ, иттиҳод ва ҳамдилӣ меофарад.
Бархе гумон мекунанд, ки «Шоҳнома» гарчи мероси гаронарзиш ҳам бошад, ба гузашта ва гузаштагон марбут аст. Вале ақли солим гувоҳ аст, ки ҳеҷ як аз ангезаҳои фикрии Ҳаким Фирдавсӣ куҳна нашудаанд ва инсони имрӯзӣ, ҳамчунон, гирифтори буҳронҳои ҷонфарсоест, ки мардуми рӯзгори ӯ ба гунаи дигар бо он даст ба гиребон буданд. Намунаи он буҳронҳои кишварҳои Ироқ, Сурия, Миср, Либия, Яман, Афғонистон, Покистон ва баъзе мамлакатҳои дигар мебошад.
Дар ҷаҳонбинии Ҳаким Фирдавсӣ мебинем, ки ҳаргиз душман ба пуррагӣ нобуд намешавад ва боз дар нахустин фурсати созгор сар бармедорад ва ба дасиса пардохта, байни инсонҳо фосилаҳоро меафзояд. Бесабаб нест, ки Заҳҳоки морбадуш бо барафкандан аз тахти шоҳӣ, кушта нашуда, ғайб мезанад. Ва ин ҳам рамзеро дар худ ниҳон дорад, ишора бар он ки аҳриманзодагон нобуд намешаванд ва дар сурати парокандагӣ дубора барои ошуфтасозии озодзодагон бармехезанд.
Метавон гуфт, Фирдавсӣ дар шоҳкори худ нигоҳи моро ба ин нукта ҷалб мекунад, ки яке аз сабабҳои барҳамзании осудагии мардум, ба ҳамдигарситезӣ даст бурдан ва даргирифтани ҷангҳои бародаркушӣ, аз байн рафтани ваҳдати миллӣ мебошад. 
Ончуноне ки бо бархостани Коваи оҳангар Заҳҳоки аҳримансиришт маҳв шуда, Фаридуни каёнӣ ба тахт менишинад ва ӯ нахустин касест, ки ҳафт иқлимро миёни се писараш тақсим мекунад ва се кишвари ҷудогона ба вуҷуд меорад, ки ҷанг миёни онон рафта – рафта ба  ҷанги кишварҳо, метавон гуфт ҷангҳои ҷаҳонӣ табдил меёбад.
Ҳакими бузургвор сабабҳои рух додани ҷангҳои хонаводагӣ ва байнихудиро гуногун бозтоб намудааст. Агар моҷарои Фаридун аз бахш кардани   ҷаҳон ба ҳафт иқлим ба миён омада бошад, сабаби задухӯрди хунин миёни Рустам ва Исфандиёр ва дар паёмади он кушта шудани Исфандиёру писарони ӯ  сабабҳои мазҳабӣ дошт. Шоҳ Гуштосб барои густариши кеши зартуштӣ, ба писараш Исфандиёр фармон медиҳад, ки пайвастани Рустами Дастонро ба ойини Зартушт фароҳам созад ва дар сурати напазируфтани ойини  мазкур  дасти  ӯро  баста  ба наздаш орад. Рустами бохирад, ки хуршедпараст буд, пешниҳоди Исфандиёрро намепазирад ва кӯшиши бастани камарбанди зартуштиёнро ба унвони «кӯштӣ» рад мекунад. Рустами ҷаҳонпаҳлавон бо як хирадмандии ба ӯ хос, намехоҳад барои боварҳои мазҳабиву динӣ шуда, Ватани бартар аз ҷонаш аз байн равад, ба Исфандиёр мегӯяд, ки ӯ дар баробари дини худ ба Занду Авасто низ арҷгузорӣ мекунад, аммо меҳри Меҳан барояш аз ҳама арзишҳо болотар аст:
Ба додори Зартушту дини беҳӣ,
Ба Нӯшозару озару фарраҳӣ,
Ба Хуршеду Моҳу ба Устову Занд,
Ки дилро биронӣ ба роҳи газанд.
Мо агар ҳар чӣ жарфтар саҳифаҳои таърихро варақ бизанем ва зеҳнамонро ба рӯйдодҳои он замонаҳои дур, ҳар чӣ бештар равона созем, хоҳем дид, ки ҳама шӯрбахтиҳо ва бохтҳои бебаргаштамон бар асари ноиттифоқӣ, яъне надоштани ваҳдати миллӣ, сар задааст.
Диди фаротаърихии Фирдавсии бузург –  муаллими фарҳанг ва ҳофизаи сарнавишти мо, инсони комили тоҷиктабореро намоён месозад, ки ҳама вуҷудашро ба Меҳан ва сарбаландии он, тавоноиҳояш бахшида, обурӯи Меҳанро шаъну шарафи хеш медонад ва бо як ҷаҳонбинии густурдаву номовар, муборизаи хунини мардумашро барои вуҷуд доштани миллату давлаташ пеши дидор мегузорад.
Ва дар рӯзгороне, ки ҷомеаи мо ба як сукути сарди печидагиҳои маънавӣ, дудилагиҳои худноогоҳӣ гирифтор гашта буд, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нобовариҳои умумиро барканор карда, миллати моро дар як замони барои таърих фишурда, аз ин шикасти маргбори рӯҳӣ раҳоӣ бахшид. Бинобар ин, бо ҷой гаштани андешаи ягонагии миллӣ дар равони мо, бо бозёфти дубораи нангу номуси миллӣ, дигар бадхоҳонамон на бо баҳонаи дину мазҳаб, на бо ваъдаи подоши фаровониҳову комгориҳо тавони ба канор бурдани боварҳои миллиамонро нахоҳанд дошт.
Зафар МИРЗОЁН,
мушовири ректори Донишгоҳи
давлатии Кӯлоб ба номи Абуабдуллоҳи Рӯдакӣ


Баёни ақида (0)    Санаи нашр: 17.05.2017    №: 99    Мутолиа карданд: 592

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед