logo

сиёсат

ИДЕАЛ. ДАР БОРАИ ХИЗМАТҲОИ ЧЕҲРАҲОИ МОНДАГОР

Бузургӣ ва моҳияти ходими намоёни сиёсӣ на танҳо бо он хидматҳое муайян карда мешавад, ки замони дар сари қудрат будан барои халқу кишвараш кардааст. Балки аз он ҳам бармеояд, ки анъанаҳои некро эҳё намудаву барои оянда чӣ роҳеро муайян кардааст ва таърихи халқашро бо имрӯзи он тавассути чӣ торҳое пайвастааст.
Ин нукта ба Пешвои муаззами миллат муҳтарам Эмомалӣ Раҳмон тааллуқ дорад. Ӯ дар давраи тақдирсози ҳаёти кишвараш ба майдони сиёсат қадам ниҳода, худ ба худ ба шахсияти таърихӣ табдил наёфтааст. Балки ҳама корҳои муҳимтаринеро, ки халқи тоҷик ва беҳтарин фарзандони он дар таърихи мавҷудияти миллат карда буданд, дар хеш таҷассум намуд ва ин имкон дод, ки ҳамсафи бузургтарин қаҳрамонон - Исмоили Сомонӣ, Спитамен, Катан, Австан ва дигарон бигардад.     
Мо дар бораи Президент бисёр чизҳоро медонем ва ҳам медонем, ки ӯ шахси нотакрор аст. Дар замони печидаву мураккаб ба ин мақоми олӣ пешбарӣ шуд ва ба ниёзҳои замони душвори гузариш аз як шакли таърихӣ ба дигараш комилан ҷавобгӯ буд. Вале сифати асосии Пешвои миллат фақат дар ин не, балки дар симои ахлоқӣ ва ғановати маънавии ӯст. Имрӯз мо аллакай метавонем ба оянда назар афканем. Ва, ҳамон тавре ки даҳсолаҳои ба давлати мутамаркази тоҷикон ҳукм рондани Исмоили Сомонӣ дар таърих давраи Исмоили Сомонӣ номида мешавад, солҳоеро, ки Президент ба харобу тақсим шудани мамлакати хеш роҳ надод, оташи ҷанги бародаркушро хомӯш кард, самтҳои ояндасози иқтисодиёт, сиёсат ва дигар соҳаҳои ҳаёти давлатро муайян намуда, рушду нумӯъ бахшид, давраи Эмомалӣ Раҳмон хоҳанд номид.
Аз рӯзи эълони Истиқлолияти давлатӣ ва соҳибихтиёрии Тоҷикистон беш аз ду даҳсола сипарӣ шудааст. Аз рӯи ченаки таърих ин муҳлати кӯтоҳ аст. Вале дар ин солҳо корҳои зиёде ба анҷом расиданд, таҳкурсии корномаҳои ояндаи халқи тоҷик, ки ҳаракати мунтазам ба сӯи пеш бидуни он имкон надорад, гузошта шуд. Мо дар хостанҳои худ басо бетоқатем, ҳама чизро зиёд ва дарҳол мехоҳем. Лекин агар ба роҳи тайшуда як назар афканем, бори дигар мебинем, ки аз чӣ оғоз намудему ба чӣ ноил шудем, ҳатман ба қадри ирода, қувва, қатъият ва дурандешии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мерасем.
Аз се ду ҳиссаи кори бузурги ақлоние, ки ҳар рӯзу ҳар соат Президент анҷом медиҳад, барои мо ниҳон мемонад, вале чӣ ҷолибанд онҳо барои нафарони ба тасвири замон, дидану қадр кардани инсони пурғайрату қобиле масъул, ки дар давраи мураккабу тақдирсоз натарсид, бори масъулияти бузурги қисмати халқу мамлакати хешро бар дӯш бигирад. Охир, ходими намоёни давлатиро лозим меояд, ки барои рафтору қарорҳои худ на танҳо рӯёрӯи муосирон, балки дар назди таърих ҷавоб бигӯяд.
Оре, аз се ду ҳиссаи кӯҳи муҳташам. Вале гуфтан нодуруст мебуд, ки он ду ҳисса ба дарку диди ботинии муҳаққиқи эҷодӣ дастнорасанд. Мо, хоҳем - нахоҳем, нақши шахсиятамон дар ҳама чиз, гуфтор, рафтор, муносибатамон бо атрофиён аён мешавад. Ва, агар ба касоне, ки мулоқот бо Президенти кишвар, шунидани суханрониҳояш муяссарашон гардидааст, якдилона аз самимият, ҷаҳду талоши ба ҳар як сокини мамлакат расондани фикру андешаи хеш, кушодадилӣ ва накухоҳиаш мегӯянд, асли ӯро дарк кардаанд.
Дар бораи Эмомалӣ Раҳмон бисёр гуфтаву навиштаанд. Вале он ҳама ҷиҳатҳои алоҳидаи шахсияти бисёрҷанбаи ӯст, чунки дунёи бойи маънавӣ, қобилияти тасхиркунандааш дар масъалаҳои таърих, маросиму анъанаҳо, фарҳанги халқи тоҷик, тафаккури фалсафии воқеият… - ин ҳама китобест, ки то ҳол аз назарҳо дур мондааст. Ва мо назди хеш вазифаи мураккаби ақаллан қисман нишон додани меъёрҳои маънавиеро гузоштем, ки шахсияти Президентро ташаккул додаанд, дар вуҷуди ӯ беназирӣ ва истеъдоди пешвои ҳақиқии миллатро парвардаанд.
Ин ҳама қиёсҳои даврони қаҳрамониҳои мозӣ ва имрӯз ба дарёфти сарчашмаҳое ёрӣ мерасонанд, ки корномаи Президенти Ҷумҳурии Тоҷикистон муҳтарам Эмомалӣ Раҳмон, моҳияти шахсияти ӯро ташаккул додаанд, чунки дарахти тановар фақат дар замини файзбахш мерӯяд. Ва тасодуф нест, ки Президент ҳамоҳангии афкору ниятҳояшро дар таърихи халқи хеш меҷӯяд ва асарҳояш низ ба таърихи мамлакат ва миллати куҳанбунёди тоҷик бахшида шудаанд. Беҳуда нагуфтаанд, ки он кас ояндаашро беҳтар месозад, ки гузаштаашро неку медонад.
Ато ҲАМДАМ, нависанда,
Корманди шоистаи Тоҷикистон


Баёни ақида (0)    Санаи нашр: 17.05.2017    №: 99    Мутолиа карданд: 507

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед