logo

сиёсат

ИШТИРОКИ ЭМОМАЛӢ РАҲМОН ДАР САММИТИ САРОНИ ДАВЛАТҲОИ ОЛАМИ АРАБУ ИСЛОМ ВА АМРИКО

20 май Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар нахустин саммити сарони давлатҳои олами арабу ислом ва Иёлоти Муттаҳидаи Амрико ба Арабистони Саудӣ сафар карданд.
Дар фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.
Дар ин сафар Президенти Ҷумҳурии Тоҷикистон Эмомалӣ Раҳмонро вазири корҳои хориҷӣ, ёрдамчиёни Президенти Ҷумҳурии Тоҷикистон оид ба масъалаҳои робитаҳои хориҷӣ ва оид ба масъалаҳои рушди иҷтимоӣ ва робита бо ҷомеа ва дигар шахсони расмӣ ҳамроҳӣ карданд.

***

21 майи соли 2017 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кори нахустин саммити сарони давлатҳои олами арабу ислом ва Иёлоти Муттаҳидаи Амрико, ки дар маркази ҳамоишҳои байналмилалии Шоҳ Абдулазиз баргузор шуд, иштирок ва суханронӣ карданд.
Сарвари давлат Эмомалӣ Раҳмонро Подшоҳи мамлакати Арабистони Саудӣ, Ходими Ҳарамайни Шарифайн Салмон ибни Абдулазиз оли Сауд самимона истиқбол гирифт.
Дар кори саммит сарони давлатҳо ва ҳукуматҳои  55 кишвари олам иштирок карданд.  Қабл  аз  оғози  чорабинӣ маросими аксбардории  иштирокчиёни саммит баргузор шуд. Ҳамоиши сатҳи баландро, ки ба мавзӯи таъмини сулҳу субот ва амнияти пойдори кишварҳо, муборизаи муштарак бар зидди хатарҳои бузургу глобалии ҷомеа - терроризму ифротгароӣ бахшида шуда буд, бо сухани муқаддимавӣ Подшоҳи Шоҳигарии Арабистони Саудӣ ифтитоҳ намуд. Сипас Президенти Иёлоти Муттаҳидаи Амрико Доналд Трамп сухан ронд.
Дар суханронии худ Асосгузори  сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба созмондиҳандагони чорабинӣ  барои меҳмоннавозии олӣ ва фароҳам овардани шароити мусоиди корӣ миннатдорӣ баён намуда, таъкид доштанд, ки муҳим аз ҳама зарурати баррасиву муҳокимаи мавзӯъҳои дар маркази нигаронии амиқи тамоми ҷомеаи ҷаҳонӣ қарордошта, ҳамагонро дар ин рӯз  ҷамъ овардааст
Сарвари давлат Эмомалӣ Раҳмон бори дигар терроризм ва ифротгароиро, ки  ба хатари бузурги глобалӣ табдил ёфтааст, маҳкум намуда, аз иштирокчиёни иҷлосия барои дарёфти  роҳҳои муассири решакан кардани сарчашмаҳои дастгирии сиёсӣ, низомию  молиявӣ  ва пешгирӣ аз оқибатҳои фоҷиабору дарозмуддати ҷамъиятиву сиёсӣ ва маънавии ин таҳдидҳои ҷаҳонӣ   даъват ба амал оварданд.
Бо таъкиди Президенти Ҷумҳурии Тоҷикистон Эмомалӣ Раҳмон  истифодаи сиёсати “меъёрҳои дугона” яке аз омилҳои ба таври фарогир татбиқ нагардидани иқдомҳои ҳамоҳангшуда буда, бар асари мавқеъгирии духӯра нисбат ба хостаҳои ифротиву террористӣ, гурӯҳҳои тундгаро мавриди пуштибонии сиёсиву иттилоотӣ ва молиявии бархе аз бунёдҳову созмонҳои ба ном ҷамъиятӣ ва ҷонибҳои дигар қарор гирифтаанд.
Дар суханронии худ Сарвари давлат Эмомалӣ Раҳмон бо изҳори нигаронӣ аз ҷуғрофияи паҳншавии   терроризм ва ифротгароӣ дар шаклу усулҳои  боз ҳам даҳшатноктар, ки  хатари аз байн рафтани кишварҳо, ҳалокати садҳо ҳазор нафарони бегуноҳ  ва харобиву хисороти бемисл дар пай доранд, инчунин, кӯшишҳои сиёсисозии дини мубини ислом ва суиистифода аз номи поки он ёдовар шуданд.
Бо ёдоварӣ аз таҷрибаи сулҳи Тоҷикистон  Пешвои миллат Эмомалӣ Раҳмон таъкид бар он доштанд, ки ин таҷриба бори дигар собит сохт, ки ҳама гуна неруҳое, ки барои расидан ба ҳадафҳои ғаразноки хеш аз номи поки ислом суиистифода мекунанд, ҳаргиз мавриди пуштибонии ҷомеа қарор нахоҳанд гирифт.
Дар идомаи суханронии худ Сарвари давлат Эмомалӣ Раҳмон, ҳамчунин, доир  ба ноамниҳо  дар кишварҳои алоҳидаи Ховари Миёна ва вазъияти мураккаби сиёсию низомии Афғонистон фикру мулоҳизаҳои судманд иброз дошта,  мавқеи   Тоҷикистонро   дар ҳалли мушкилот ва пешгирию маҳкум намудани  хатарҳои бузурги минтақавию байналмилалӣ  таъкид намуданд.
Дар хотима Асосгузори  сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аҳамияти рӯзафзуни гуфтугӯи тамаддунҳоро бар асоси баробарӣ, эҳтироми ҳамдигар, таҳаммулгароӣ, шаффофият ва ягонагии сухану амал бори дигар таъкид карда, изҳори умед намуданд, ки натиҷаҳои ҳамоиши имрӯза  таъсиргузор ва ҷавобгӯи ормонҳои сулҳу суботи ҷомеаи кишварҳо  хоҳанд буд.


Баёни ақида (0)    Санаи нашр: 22.05.2017    №: 102    Мутолиа карданд: 542

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед