logo

иқтисод

АБДУРАҲМОНИ ҶОМӢ. АЗ ДАСТОВАРДҲОИ «ГУЛВАРД» ТО МУШКИЛОТИ «ҲАФТ АВРАНГ»

Дар қатори шуғлҳои дигар, ки мутаассифона, имрӯз дар маҳалҳо ангуштшуморанд, гулдӯзию кашидадӯзӣ, зилуву  зерандоз, гилему намадбофӣ ва  дигар ҳунарҳои мардумӣ манбаи  кору василаи пешбурди рӯзгори сокинони ноҳияи Абдураҳмони Ҷомӣ ба ҳисоб мераванд.

Ҳанӯз чанд сол муқаддам ташаббускорони Иттиҳодияи ҷамъиятии «Гулвард» - и ноҳия бо таъсиси сехи қолинбофӣ даҳҳо бонувони хонашинро ба омӯзиши ин ҳунарҳои аҷдодӣ ҷалб намуданд, ки имрӯзҳо соҳиби дукону шуғли муздноканд. Имсол бо ибтикори мақомоти иҷроияи маҳаллии ҳокимияти давлатии ноҳия сехи адрасбофӣ низ фаъол гардид ва даҳҳо духтаронро ба касбу ҳунаромӯзӣ фаро гирифт.
- Коргоҳи адрасбофӣ аввалин лоиҳаи муваффақест, ки дар доираи «Барномаи давлатии стратегии миллии фаъолгардонии нақши занон дар Ҷумҳурии Тоҷикистон барои солҳои 2011 - 2020» рӯи кор омадааст», - иброз дошт Зарангез Давлатова, мудири бахши кор бо занон ва оилаи ноҳия.
 Ба гуфтаи мавсуф сехи адрасбофии «Ҳафт авранг» бошад, бо дастгириву мусоидати мақомоти иҷроияи маҳаллии ҳокимияти давлатии ноҳия бо сарфи  17,5 ҳазор сомонӣ фаъол шудааст. Дар коргоҳи мазкур духтарон ҳунари бофандагӣ омӯхта, омодаанд, ки мустақилона дуконҳои адрасбофиро ба кор дароранд.
- Барои ҳунаромӯзии духтарони маҳаллӣ мутахассисони саноати сабук аз шаҳри Хуҷанд даъват шуданд. Тибқи қарордоди семоҳа маблағи таҳсили касбомӯзону устодони адрасбофро бояд шуъбаи агентии меҳнат ва шуғли аҳолии ноҳия таъмин мекард. Аммо бо сабаби пардохт нашудани маблағ духтарон ноумед гардида, ба коргоҳ сари вақт ҳозир намешаванд, - изҳор дошт Майрам Боймуродова, сарвари коргоҳ.
 Вақте бо ин савол ба шуъбаи мазкур муроҷиат намудем, масъулон посух доданд, ки стипендияи касбомӯзон баъди хатми курсҳои омӯзишӣ ва гирифтани шаҳодатнома пардохта мешавад. Бино ба иттилои манбаъ, айни ҳол дар гурӯҳҳое, ки аз тарафи ин шуъба маблағгузорӣ мегарданд, 115 нафар бону ба касбомӯзӣ фаро гирифта шудаанд.
Масъулони коргоҳи навтаъсиси «Ҳафт авранг» интизоранд, ки мушкилоти мавҷуда тезтар ҳал ва духтарон соҳиби шаҳодатнома  мегарданд. Шукрона Сафархӯҷаева, сокини ноҳияи Абдураҳмони Ҷомӣ, омӯзиши ҳунар ва кор дар дукони адрасбофиро барои духтарони маҳаллӣ беҳтарин имконият баҳри дарёфти шуғли даромаднок мешуморад. - Марҳилаи аввали лоиҳа насби дуконҳои адрасбофию таълими мутахассисони ҷавон бомуваффақият анҷом ёфт ва бовар дорем, ки ташаббускорон барои истеҳсоли адрасро ба роҳ мондан тадбирҳои зарурӣ меандешанд. Мо, духтарон, ки ба омӯзиши адрасбофӣ шавқу рағбати зиёд дорем, дар фурсати кӯтоҳ нозукиҳои корро омӯхта, акнун мустақилона дуконҳоро идора карда метавонем, - изҳор дошт Ш. Сафархуҷаева.
Зимни суҳбат атрофи коргоҳи «Ҳафт авранг» раиси ноҳия Абдуҷаббор Баҳодурзода чунин гуфт: «Дар сехи адрасбофӣ даҳ адад дукони бофандагӣ мавҷуд буда, дар марҳилаи аввал 15 нафар духтари маҳаллӣ ба касбомӯзӣ ҷалб шуданд. Аз ҳисоби буҷети маҳаллӣ бори аввал дуконҳо бо маҳсулоти хом таъмин хоҳанд шуд. Аммо дар оянда бояд аз миёни соҳибкорзанони ноҳия нафаре мудирияти ин коргоҳро ба уҳда гирифта, истеҳсолу фурӯши маҳсулотро ба роҳ монад».
Аз таҷрибаи истеҳсолӣ бармеояд, ки айни ҳол ҳар бофанда рӯзе то 10 метр адрас бофта,  аз ҳар метр матои бофтааш 3 сомонӣ даромади соф ба даст меорад. Дар баробари афзоиши қудрати истеҳсолии коргоҳ даромади аҳли заҳмат низ меафзояд ва садҳо бонувони хонашин метавонанд ба кори доимӣ таъмин гардида, ба буҷети оила ва ҳам ноҳия даромади иловагӣ ворид созанд.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 03.06.2017    №: 114-117    Мутолиа карданд: 413

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед