logo

иҷтимоиёт

РӮЗГОРЕ БАРОИ ИБРАТ

Осон менамояд, вале душвор аст навиштан дар бораи дӯст, рафиқ, адиб, рӯзноманигор ва шахсият, хоса Умари Шерхон, ки аз ин зумра маҳсуб мешавад.
Ба эътирофи дигар нафароне ҳам, ки ӯро мешиносанд, дар дӯстӣ мардест содиқ. Агар зарур бишавад, барои дӯст ҷонро фидо месозад. Ва ҳам айби дӯстро ба хотири ислоҳу рафъи он рӯ ба рӯ мегӯяд, на чун шона мӯ ба мӯ аз қафо.
Рафиқи хуби роҳ мебошад ва ҳамроҳӣ бо ӯ ҳаловатбахш аст. Суҳбаташ муфиду ҷонфизост. Роҳ бо ӯ зуд тай мешавад ва дар ин маврид кас ҳеҷ хастагиеро эҳсос намекунад.
Адибест, ки мехоҳад ҷомеаро  ба қадри тавону фаҳми худ ба роҳи рост ҳидоят бикунад. Аз хубиҳо менависад, то дилбастаи он бошем. Ба анъанаву суннатҳои неки миллат содиқ аст. Бо асарҳояш мехоҳад онҳоро зикр бикунаду таъкид бидорад, ки дар андешаи пойдориашон бошем.
Чун рӯзноманигор ҳамеша дар андешаи пешрафти ҷомеа, боло бурдани сатҳи маърифати мардум аст. Бо матлабҳояш таъкид месозад, ки гузаштаро аз ёд набарорему ба қадри шахсиятҳое, ки барои пойдории давлату миллат, илму ҳунар кӯшидаанд, бирасем.
Навиштаҳои публитсистиаш дар ҳафтаворҳо ҳамеша ба табъ мерасанд. Инро як рисолати инсонӣ ва касбӣ меҳисобад. «Қалам дар дасти эҷодкор бояд ҳамеша дар ҳоли навиштан бошад», - мегӯяд ӯ.
Шахсияти ҷолибу нотакрораш дар симову пиндору гуфтору кирдор ва асарҳояшу масъулиятшиносиаш ҳувайдост. Ҳақиқат барояш қимати бештару бештар касб кардааст. Дар гуфтани он ҳеҷ тарс надорад. Мехоҳад адолат ҳамеша дар ҷои худ барқарор бошад. Хостан, танҳо хостан ӯро қонеъ намесозад, барои он дар мавридаш талош низ менамояд.
Чеҳрааш доимо кушода аст. Кас мепиндорад, ки бар дилаш ҳеҷ ғаме рӯзе роҳ наёфта. Аммо чунин нест. Дилаш бар ятимон, маъюбон, ниёзмандон ва онҳое, ки ба рӯзгоре аз зулм ранҷ бурдаанд ва ё маҳв гардидаанд, месӯзад, бисёр месӯзад. Агар бар ӯ дар коре ва ё навиштае эрод мегиранд, ҳаргиз намеранҷад, баръакс шод мегардаду сипосгузорӣ мекунад. Мепурсад, то бидонад. Аз омӯзиш худро барканор намегирад ва таъкид мекунад, ки «аз гаҳвора то ба гӯр бояд биёмӯзем».
Ҳидоятгари навқаламон аст. Роҳу равиши омӯзиш, навиштан ва ҷустуҷӯро бо хушнудӣ ва қаноатмандӣ нишон медиҳад. Дар нашри китобҳои онҳо маслиҳатҳо медиҳад ва дасти ёрӣ дароз мекунад.
 Барои овозхонҳо матн меҷӯяд. Андешаҳояшро дар мавриди нақшҳои офаридаи ҳунарпешагони театру синамо баён медорад. Бо нашри навиштаҳояш ҳусну қубҳи асарҳо, нақшҳоро мегӯяд.
Аз пайи шуҳрату сарвату ҷоҳ ҳеҷ гоҳ талош наварзидааст. Шикастанафс мебошад. Чун мӯри донакаш аз худ фузун борро мебарад ва бо ин қонеу хушнуд аст.
Фаъолияташро аз шогирдӣ ва устои пойафзолдӯзӣ оғоз бахшидааст. Боркашу борбанду мураббиву сардору нозиру мухбиру мудир низ буд. Пеш аз он ки муовини директори Маҷмааи табъу нашри «Шарқи озод» - и Дастгоҳи иҷроияи Президенти Ҷумҳурии Тоҷикистон таъйин бишавад, чун сармутахассиси котиботи Президенти Ҷумҳурии Тоҷикистон фаъолият доштааст.
Аъзои Иттифоқи журналистони Тоҷикистон,  Иттифоқи нависандагони Тоҷикистон ва раиси Ассотсиатсияи публитсистони Тоҷикистон мебошад.
Асарҳояш бо номҳои «Кохи ҳунар», «Гурд», «Омад», «Таҳамтан» (бо Ҷ. Аҷиб), «Асил», «Данғара», «Давлатманд», «Тораҳои хаёл», «Валӣ», «Сипос», «Мурод», «Матин», «Ваҳдатовар» (бо Н. Абдулваҳҳоб) «Пурдил» ва «Шуд он замона» ба табъ расидаанд.
Шукр, тандуруст ва фаъолияти меҳнатию эҷодиаш чашмрас мебошад. Инчунин, то ба ҳол ҳеҷ хастагиеро эҳсос накардааст.
Абдулқодири РАҲИМ,  «Ҷумҳурият»


Баёни ақида (0)    Санаи нашр: 06.06.2017    №: 118    Мутолиа карданд: 115

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд

Куҳантарин кӯдакистони Хоруғ навсозӣ мешавад

Боз як имкони донишҷӯ шудани довталабон

ХАТЛОН. Комёбиҳо назаррасанд

26500 ҷойи нави кор таъсис ёфт

Ҷаҳон дар як сатр

Оташфишонӣ ва як кушта дар сарҳади ҷанубии Қазоқистон

Дар Афғонистон чор қумондони «ДИ» маҳв карда шуд


Дар сомонаҳои дигари Тоҷикистон хонед