logo

иҷтимоиёт

ҶАВОНОН. НООГОҲӢ БА ГУМРОҲӢ МЕБАРАД

Бешак, бо гузашти 20 сол имрӯз ваҳдати тоҷикон барои дигарон намунаи ибрат гаштааст. Зеро ҳамдигарро бахшидан ва ба ҳам омадани як халқи дар низои дохилӣ олударо, ки дар кӯтоҳтарин фурсат сулҳсозӣ кардааст, таърих хеле ками кам  ёд дорад.
Қиёси рақамҳо дар ҷаҳон нишон медиҳанд, ки аз соли 1945 то соли 1992 танҳо аз се як ҳиссаи гуфтушунидҳо дар зиёда аз сад ҷангҳои шаҳрвандӣ бо сулҳ анҷомидаанд.
Аксари онҳо дар ниҳояти кор омили парокандагии кишварҳову қавмҳо гаштаанд. Ва ин далел гувоҳи он аст, ки  расидан ба ваҳдату ҳамдигарфаҳмӣ корест басо сангин. Фалсафае вуҷуд дорад, шарт нест, ки ҳама дар ҷомеа як фикр дошта бошанд. Ин ҳукм ҳақиқати комил дорад ва он тасаввур, ки ҳама бояд як фикр дошта бошанд, амри имконнопазир аст. Талош дар ин роҳ маънӣ ҳам надорад ва ягон ҷомеа ба ин муваффақ ҳам нахоҳад шуд. Аммо чун ин ҳама фикрҳои гуногун барои созандагӣ равон мешаванд, инро ваҳдат меноманд. Аз ин ҷиҳат, метавон гуфт, ки имрӯз ҳар як ҷавони тоҷики худшинос бо афкори гуногун дар роҳи бунёди сипари ҳифзи миллат ҳатман ҳиссае мегузорад.
Мухолифати намояндагони як қавму миллат дар шароити иҷтимоиву сиёсии ҷаҳони муосир муддаои дили сиёҳтинатонест, ки аз тирагии фазои як миллату халқ суду манфиат меҷӯянд. Аз ин рӯ, бовар ба ҳамдигар омили пешрафту саодати ҷомеа мебошад. Ин бовар омилест, ки мо худро дар ҷомеа танҳо эҳсос наменамоем. Тафриқаандозиҳо мусибату даҳшати бузургеанд, ки  ҷомеаҳоро фано месозанд. Дар ин тафриқаандозиҳо ҷавононро доиман дар саргаҳ қарор медиҳанд, ки сабаби аслии бадбахтии аҳли башар аст. Албатта, на он ҷавононеро, ки дарси мактаби худшиносиро азбар кардаанд. Дар ҳар кишваре, ки сатҳи маърифатнокии  ҷавонон баланд бошад, дар он кишвар ҳамон андоза хатари  гирифторӣ ба муноқишаҳои хатарбор камтар мешавад. Зеро ҷавони огоҳ ҳеҷ гоҳ майл ба майдонсозиву майдонбозиҳо надорад. Албатта, дар ин самт ҷавони зархариду бемаърифат истисност, чунки ӯ аз дарси ваҳдату худшиносӣ баҳра набурдааст.
Мадрасаи ваҳдат барои ҳама гуна ҷомеа амри зарурист. Ҳар фарде мухолифи он аст, ки дар ниҳодаш неруи аҳриманӣ дорад. Ваҳдат парчамест, ки аз он гуногунсатҳиву гуногуфикрӣ чун як неруи том ба вуҷуд меояд. Рисолати парчам ваҳдатсозист ва ваҳдат низ парчами худро дорад. Ва, хушбахтона, тавоноию дороии феълии кишварамон ваҳдати ҷавонон аст. Имрӯз мо аз он ифтихор дорем, ки мардуми тоҷик, алалхусус ҷавонон, сурати аслии дасисаву сиёсатҳои таҳмилии иғвоангезро мешиносанд. Онҳо дарк кардаанд, ки ин шоҳроҳ, ки номаш ваҳдат аст, тақвияту нигаҳдорӣ мехоҳад. Ва ин рисолат вазифаи онҳо ва ҳар як хурду  бузурги кишварамон мебошад.
Бахтиёри ҚУТБИДДИН, устоди ДМТ


Баёни ақида (0)    Санаи нашр: 06.06.2017    №: 118    Мутолиа карданд: 168

16.12.2017


Густариши ҳамкориҳо бо Олмон

Вохӯрии Қоҳир Расулзода ва Ҳонӣ Фавзӣ ал - Мулкӣ

Баргузории ҷаласаи 28 - уми Шӯрои банақшагирии минтақавии СҲИ

Ҳамоиши соҳибкорони Тоҷикистону Амороти Муттаҳидаи Араб

Ҷаҳон дар як сатр

14.12.2017


Мулоқоти Қоҳир Расулзода ва Биналӣ Йилдирим

Рушду равнақи ҳамкориҳои Тоҷикистону Туркманистон

Ибодулло Машраб – барандаи Ҷоизаи «Ситораи Иттиҳод»

Дар Ёвон коргоҳи меваю сабзавот ба истифода дода шуд

Бунёди боғи интенсивӣ дар Тоҷикобод

Ҷаҳон дар як сатр

Зангҳои бардурӯғ

ИМА маблағгузории СММ – ро 250 миллион доллар кам карданист

Фаронса истифодаи телефонҳои мобилиро дар мактабҳо манъ менамояд

Бори нахуст дар эстафетаи олимпӣ робот иштирок намуд

Варзиш

11.12.2017


Баррасии масоили ҳифзи амнияти иттилоотӣ

Вохӯрии Музаффар Ҳусейнзода ва Дан Некулаеску

Инноватсия ва шарикӣ барои ноил гаштан ба Ҳадафҳои рушди устувор

Баргузории форуми «Роҳ ба сӯи иқтисодиёти ғайринақдӣ»

Ҷаҳон дар як сатр

«Сафирони забони русӣ» ба Тоҷикистон омаданд

Дар Осло Ҷоизаи сулҳи Нобел супурда шуд

Сарвазири Ироқ: «Ҷанг алайҳи «ДИ» анҷом ёфт»

СММ: «Ҳаҷми ҷаҳонии порагирӣ 1 триллион долларро ташкил медиҳад»

Фарбеҳтарин зани дунё 400 кило вазн партофт

08.12.2017


Ҷаҳон дар як сатр

Дар Швейтсария президенти нав интихоб намуданд

Ҷангиёни «Давлати исломӣ» ба киберфазо мегузаранд

Хисорот аз сӯхтори ҷангали Калифорния аз 9 миллиард доллар гузашт

Шикояти соҳибкорон аз мақомоти Қазоқистон кам мешавад

«Наҷотбахши дунё»-ро дар Абу - Дабӣ намоиш медиҳанд

Даҳ кишваре, ки арзонтарин қарзи манзил доранд

07.12.2017


Вохӯрии Шамсиддин Орумбекзода ва Криста Пиккат


Дар сомонаҳои дигари Тоҷикистон хонед