logo

иҷтимоиёт

ТАНЗИМ. АЗ НАТИҶАҲО ТО ЧАНД ПЕШНИҲОДИ МУҲИМ

8 июн аз қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», даҳ сол пур мешавад.

Ҳарчанд дар ин муддат бо татбиқи қонуни мазкур ба дастовардҳои назаррас ноил шуда бошем ҳам, бояд гуфт, ки ҳанӯз ҳам  дар ин самт масъалаҳои ҳалталаб кам нестанд. Прокуратураи вилояти Хатлон ҳолати иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» - ро дар давоми солҳои 2007 - 2016 ва давраи сипаришудаи соли равон мавриди таҳлил қарор  дода,  ҷамъбаст  намуд. Қобили зикр аст, ки аксар мардуми кишвар ҳангоми баргузории ҷашну маросимҳо қонунро риоя намуда, дар доираи талаботи он маъракаҳои худро барпо менамоянд. Вале аз тарафи баъзе аз шаҳрвандон меъёрҳои қонун риоя нагардида, ҷашну маросимҳо  бо мақсади зоҳирпарастӣ,  худнамоӣ ва тақлидкорӣ мегузаранд, ки боиси муфлис гардидани бисёр оилаҳо мегардад.
Прокуратураи вилоят вобаста ба ҳолати иҷрои қонуни танзим дар давраи таҳлилӣ дар вилоят 1367 қонунвайронкуниро ошкор намудааст, ки аз ин 588 парвандаи ҳуқуқвайронкунии маъмурӣ, 412 пешниҳод, 50 амр, 14 эътироз  оварда, бо натиҷаи татбиқи санадҳои эътинои прокурорӣ 303 нафар ба ҷавобгарии интизомӣ кашида шудааст. 588 парвандаи ҳуқуқвайронкунии маъмурие, ки дар давраи таҳлилӣ нисбат ба қонунвайронкунандаҳо аз тарафи прокуророн оғоз шудааст, барои баррасӣ ба судҳои шаҳру ноҳияҳои вилоят ирсол гардида, бо қарорҳои суд ҷазо дар намуди ҷарима татбиқ гаштааст.
Прокуратураи вилоят иҷрои талаботи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»-ро минбаъд низ зери назорати доимӣ қарор дода, бо роҳандозии санҷишҳои прокурорӣ оид ба ҳар як ҳолати қонунвайронкунии ошкоршуда чораҳои  эътиноии прокурорӣ меандешад.
Барои боз ҳам мукаммал намудани қонуни мазкур  пешниҳод менамоем, ки дар моддаи 14 - и он вобаста ба вақти гузарондани тӯю маросимҳо дар рӯзҳои истироҳат тағйирот ворид шавад. Яъне, чорабиниҳо дар фасли тобистон аз соати 6-и субҳ баргузор гарданд. Агар ин пешниҳод пазируфта шавад, аз он ҳам соҳибони маърака, ҳам хоҷагидорон, бахусус онҳое дар саҳро кор мекунанд, бурд хоҳанд кард. Пешниҳоди дигари мо ин аст, ки дар сархати 5-и моддаи 10-и қонун - маросими қайди давлатии ақди никоҳ дар мақомоти сабти асноди ҳолати шаҳрвандӣ ва ҷамоатҳо бо истифодаи на бештар аз 4 автомашинаи сабукрав гузаронда мешавад, илова ворид шавад. Зеро барои баъд аз тӯй меҳмонҳоро ба хонаи домод  ё  арӯс бурдан чор мошин кифоят намекунад. Бо назардошти ин ҳолат нозирони БДА-и шаҳру ноҳияҳо талаботи моддаи 10 - ро асос намуда, ронандагони воситаҳои нақлиётеро, ки меҳмонҳоро ба хонаи домод  ё арӯс мебаранд, мувофиқи  моддаи 328 Кодекси ҳуқуқвайронкунии маъмурии Ҷумҳурии Тоҷикистон муҷрим ҳисобида, протоколи ҳуқуқвайронкунии маъмурӣ тартиб медиҳанд.
Мувофиқи талаботи моддаи 9-и  қонун хатнасур ба таври ихтиёрӣ дар як рӯз бо иштироки то шаст нафар танҳо дар доираи як чорабинӣ (додани зиёфат ё ош) бо харҷи кам гузаронда мешавад. Аммо дар тафсири моддаи мазкур омадааст, ки соҳиби тӯй метавонад дар манзили хеш ва ё тарабхона барои то шаст нафар меҳмон шӯрбо ва ош омода намояд. Бинобар ин, пешниҳод мекунем, ки дар моддаи 9 - и  қонун дар қисмати додани хӯрок, яъне як хӯрок тағйирот ворид гардад.
Насрулло   МАҲМУДЗОДА,
прокурори вилояти Хатлон, мушовири давлатии адлияи дараҷаи 3,                                                    
Варқаи  ЗАЙНИДДИН,
 ёвари калони прокурори вилоят, мушовири адлияи дараҷаи 1


Баёни ақида (0)    Санаи нашр: 08.06.2017    №: 120    Мутолиа карданд: 431

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед