logo

иҷтимоиёт

ТАНЗИМ. ЗИНДАГИРО БАРАКАТ БАХШИД

Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», ки бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон даҳ сол муқаддам таҳия ва қабул гардида буд, дар таърихи қонунгузории кишвар падидаи бемисл аст.

Дар бештар аз як соли охир дар шаҳру навоҳии вилояти Хатлон 546921 маъракаи гуногун ба қайд гирифта шудааст, ки хароҷоти умумии онҳо зиёда аз як миллиард сомониро ташкил медиҳад. Ин ба ҳар як маърака ба ҳисоби миёна 2120 сомонӣ рост меояд. Ҳол он ки то қабули қонун ин нишондиҳанда 8750 сомониро ташкил медод. Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар баробари ҳадафҳои иқтисодӣ, инчунин, дар баланд бардоштани маданият ва фарҳанги баргузор намудани маъракаҳои мардумӣ ва риояи талаботи қонунгузории кишвар мусоидат намуда, дар ҳалли як қатор мушкилоти иҷтимоӣ нақши муҳим бозид. Мутаассифона, теъдоди онҳое, ки ҳоло дидаю дониста, талаботи қонунро вайрон мекунанд, кам нестанд. Ҳатто худи кормандони бахши дин ва танзим дар баъзе шаҳру ноҳияҳои вилоят дар амалӣ намудани муқаррароти қонун саҳлангорӣ мекунанд, ки боиси нигаронист.
Танзими маросимҳои дафну азодорӣ аз ходимони дин вобастагии зиёд дорад. Боиси таассуф аст, ки иддае ба баъзе бидъатҳои маросимӣ бо сабабҳои номаълум дар мисоли хайрот асоси шаръӣ дода, ҳам ба шариати исломӣ ва ҳам ба санадҳои меъёрии ҳуқуқии Ҷумҳурии Тоҷикистон иснод меоранд. Масалан, онҳо бандҳои 2, 3 ва 4 - и моддаи 11-и қонунро вайрон карда, маросими «себегоҳа» ё «бегоҳи се» ва «ҳафт»-ро якҷоя мегузаронанд. Баъзан шахсони «муллотарош» асос пеш меоранд, ки дар сурати дар маросими «ҳафт» таом пухтан ва онро ба ҳамсояҳо тақсим кардан, савобаш ба маит бештар мерасад. Ё ба ҳамин монанд се-чор нафар дар маросимҳои дафн рӯйи кати хонаи маит нишаста, пул ҷамъ меоранд ва давраи маитро ҳам мегузаронанд. Чунин амалҳои номатлуб дар маросими дафн бисёр вомехӯранд, ки оқибаташ ба ҷангу ҷидолу дилсиёҳӣ мебарад. Таҳлилҳо нишон медиҳанд, ки ҳоло ҳам дар маросими чил ва сол теъдоди иштирокчиён ва номгӯйи таомҳо ба эътибор гирифта намешаванд ва масъулони бахши дини ҷамоатҳои шаҳраку деҳот дар ин самт назорати нокифоя мебаранд.
Боиси хушнудист, ки баъди рӯйи кор омадани ин қонун зиндагӣ, воқеан ҳам, ранги дигар гирифт. Сокинони кишвар имкон пайдо намуданд, ки ба беҳтар кардани шароити зист, бунёди манзилҳои истиқоматӣ, ободу зебо намудани хонаву кошона ва муҳимтар аз ҳама, ба тарбияи фарзандони худ диққати бештар диҳанд. Имрӯзҳо дарк карда мешавад, ки сарфаҷӯӣ ва сариштакорӣ ҳам дар доираи оила ва ҳам масъалаи аввалиндараҷаи тамоми соҳаҳои хоҷагии халқи мамлакат гардидааст.
Шариф АБДУЛҲАМИДОВ,
собиқ корманди шуъбаи дин,  танзими анъана ва ҷашну маросимҳои миллии мақомоти иҷроияи ҳокимияти давлатии вилояти Хатлон


Баёни ақида (0)    Санаи нашр: 10.06.2017    №: 122    Мутолиа карданд: 410

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед