logo

иҷтимоиёт

ҚОНУНИ МИЛЛӢ ва чанд пешниҳоди мардум

Ҳукумати Ҷумҳурии Тоҷикистон ба хотири ба вазъи иқтисодии имрӯзии мардум мувофиқ кардани қонун “Дар бораи танзими анъана ва ҷашну маросимҳо дар Ҷумҳурии Тоҷикистон” бо таъсиси гурӯҳи вижа дар тараддуди такмили он аст. Маром ин аст, ки қонуни болозикр чуноне муддати 10 сол бо барҳам задани исрофкорӣ баҳри ғановати буҷети оилаҳо имкон фароҳам овард, боз даҳсолаҳои дигар ба нафъи сокинони кишвар татбиқ бигардад.
Дар ин росто бархе аз сокинони вилояти Хатлон андешаҳояшонро иброз доштанд.

Ғайбулло Ҳоҷиев, ноҳияи Бохтар:
- Маъракаҳои хурсандии мо асосан дар фасли тобистон, ки вақти фаровонии меваю сабзавот аст, гузаронда мешавад. Маълум аст, ки ҳангоми тобистон субҳ барвақттар, яъне соати 4 - 4.30 медамад. Марди деҳқон ва умуман, ҳар деҳотӣ барвақттар ба саҳро меравад. Аммо маърака соати 8 сар мешавад. Агар ба маърака равӣ, ба кори саҳроӣ камаш се - чор соат дертар шурӯъ мекунӣ. Хуб мешуд, агар ин мушкили мардуми кишоварз ба инобат гирифта шуда, баргузории маъракаҳо соати 6-и саҳар муайян гардад.

Хурсандой Камолова,
ноҳияи Ҷалолиддини Балхӣ:
- Ҳарчанд қонун муқаррар кардааст, ки дар хатнасур бояд аз 60 нафар бештар ширкат накунанд, аммо мардум худ омадан мегиранд. Дар ин гуна рӯз соҳибхона наметавонад, ки онҳоро пеш кунад. Гоҳо аз як хона то се нафар меояд. Аввалан, дар қонун бояд ин нукта ҳам дарҷ гардад, ки ба дилхоҳ маърака аз як хона як кас равад. Баъдан, шояд беҳтар мебуд, агар шумораи меҳмонони тӯйи арӯсию домодӣ то 200 нафар ва хатнасур то 120 кас расонда шавад.

Саврӣ Ҳасанова, шаҳри Сарбанд:
- Вақте масъули танзими анъана ва ҷашну маросимҳо аз идораи ҷамоат чанд рӯз пеш аз маърака шарту шароити баргузории онро ба муроҷиаткунанда мефаҳмонад, дигар чӣ ҳоҷат ба ташрифи кормандони милитсия? Гоҳо онҳо дар айни ҷӯшу хурӯши маърака бо либоси низомӣ ворид шуда, ҳама меҳмононро ба изтироб меоранд. Боз агар миёни онҳо ва соҳибхона якдигарнофаҳмию баҳс сурат бигирад, табъи ҳама, албатта, хира мешавад. Пешниҳод месозам, ки ташрифи кормандони милитсия маҳз дар рӯзи маърака бозбинӣ карда шавад.

Зарифҷон Муродов, ноҳияи Бохтар:
- Барои ташхиси хуни домоду арӯс як рӯз кофӣ нест. Хуб мешуд, агар як ҳафта пеш аз тӯй барои ташхиси хун ва омодасозии ҳуҷҷатҳои лозима иҷозат дода шавад.

Камол Салимов, ноҳияи Панҷ:
- Азбаски барои гузарондани маъракаҳо қонун фақат рӯзҳои шанбе ва якшанбе иҷозат додааст, мардум баъзан намедонанд ба кадом маърака раванд. Ғизои пухташуда гоҳо нохӯрда монда, исроф мешавад. Шояд беҳтар мешуд, агар барои ҷойҳои сераҳолӣ дар қонун ягон рӯзи корӣ низ баҳри гузарондани тӯю худоӣ муқаррар гардад.

Замира Табарова, ноҳияи Ҷайҳун:
- Ба андешаи ман, агар барои бунёди як чойхона барои се-чор деҳа аз ҳисоби маблағҳои мардум иҷозат дода шавад, ин ҳеҷ бадие надорад. Зеро на ҳар шахс барои гузарондани маърака бинои васеъ ва ҷойи нишасту табақу косаи кофӣ дорад. Дар вақти сардию намии зимистон ин мушкил дар деҳот боз даҳчанд мегардад. Барои дар тарабхона гузарондани тӯй камаш 2000 сомонӣ зарур аст, ки ҳар оила ин миқдор маблағ пайдо карда наметавонад.

Ҷавҳари Нурхон, шаҳри Сарбанд:
- Кори кумитаҳои маҳаллаҳоро ҷоннок кардан даркор, зеро масъулони танзими анъана ва ҷашну маросимҳо на ҳама қонуншиканиҳои мардумро ошкор карда метавонанд. Ҳозир пардохти «ҳаққи шир» ва чанд одати бади нав пайдо шудааст. 

Хайрӣ Пирова, шаҳри Қӯрғонтеппа:
- Ҳангоми хайрухуш ба ҳар як меҳмон миёни ду нон лаган - лаган гӯшт печонида додан то ҳол дар баъзе маҳаллаҳо ба чашм мерасад. Барои мардуми баъзе минтақаҳо иҷро накардани ин расми нораво шармовар дониста мешавад. Соҳибхона маҷбур аст, ки барои гӯшт печонида додан як чорвои алоҳида кушад. Ин як сабаби касодии буҷети оилаҳост. Дар қонун назорати ин ноҷӯрӣ бояд шадидтар карда шавад.
 
Нигинаи Сабур, шаҳри Норак:
- Дар қонун гуфта шудааст, ки зодрӯз бояд дар доираи оила гузаронда шавад. Хоҳишмандам шарҳ дода шавад, ки ба оила киҳо дохиланд. Оё падару модар, момою бобо ва дигар ашхоси ҳамхун аҳли оила маҳсуб меёбанд ё не?

Зафар Маҷидов, ноҳияи Шаҳритуз:
- Баъзе нафарони ошною ноошно ба қатори мошинҳои арӯсу домод бидуни огоҳӣ худсарона ҳамроҳ мешаванд. Чаро бояд барои ин маҳз соҳиби маърака ҷарима супорад? Ман чунин мешуморам, ки фақат ҳамон ронандаи қонуншикан ҷазо бигирад, кофист.

Кабут Назаров, ноҳияи Қубодиён:
- Баъзе оилаҳои камбизоат ба ҳамон пуле, ки дӯстон дар рӯзи дафни майит ба ҳайси кумак медиҳанд, ниёз доранд. Оилаҳое ҳам ҳастанд, ки муддати тӯлонӣ бемордорӣ карда, ҳатто қарздор шудаанд. Пешниҳод мекунам, ки такмилдиҳандагони қонун ин масъаларо ҳам мавриди таҳлилу баррасӣ қарор диҳанд.

Гул Бобоева, ноҳияи Носири Хусрав:
- Ҷарима барои вайрон кардани талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” барои кисаи аксарият хеле калон аст. Он бояд ақаллан дар маротибаи аввал хеле кам, дар маротибаи дувум миёна бошад.
Зокир ҲАСАН, “Ҷумҳурият”


Баёни ақида (0)    Санаи нашр: 10.06.2017    №: 122    Мутолиа карданд: 221

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд

Куҳантарин кӯдакистони Хоруғ навсозӣ мешавад

Боз як имкони донишҷӯ шудани довталабон

ХАТЛОН. Комёбиҳо назаррасанд

26500 ҷойи нави кор таъсис ёфт

Ҷаҳон дар як сатр

Оташфишонӣ ва як кушта дар сарҳади ҷанубии Қазоқистон

Дар Афғонистон чор қумондони «ДИ» маҳв карда шуд


Дар сомонаҳои дигари Тоҷикистон хонед