logo

сиёсат

АЗ САРГАҲИ ОБИ ТОЗА ТО САРГАҲИ ТАШАББУСҲОИ БАШАРДӮСТОНА

20 сол боз аз файзу баракати Ваҳдати миллӣ дар Тоҷикистон фазои амну осудагӣ ҳукмрон аст. Тайи ин муддат Тоҷикистон сиёсати сулҳҷӯёна ва ҳамкорӣ бо ҳамаи кишварҳои сулҳхоҳ – «дарҳои кушода» - ро пеш гирифта, на танҳо ба рушди босуботи иҷтимоию иқтисодӣ ноил гардид, балки тавонист тавассути тақвияти ҳамкорӣ бо давлатҳо ва созмонҳои бонуфузи байналмилалӣ, хусусан ниҳоди боэътибортарини дунё – Созмони Милали Муттаҳид, дар ҳалли мушкилоти минтақавию ҷаҳонӣ пешоҳанг бошад. Таҷрибаи Тоҷикистон дар ҷодаи бо роҳи мусолиҳа ҳал намудани муноқишаи миллӣ ҳоло аз ҷониби СММ барои кишварҳои даргир ҳамчун сабақи таърихӣ тавсия шудааст. Сарвари Тоҷикистон Эмомалӣ Раҳмон борҳо аз минбарҳои баланди байналмилалӣ кишварҳои муқтадири ҷаҳонро ба ҳар чи зудтар хомӯш намудани ҷанги Афғонистон ва барқарор намудани иқтисоди харобгаштаи ин мамлакат даъват намудаанд. Тоҷикистон дар конфронсҳои байналмилалӣ оид ба Афғонистон иштирок мекунад ва борҳо макони баргузории чунин ҳамоишҳо интихоб шудааст. Дар мамлакат барои фаъолияти пурсамари ниҳодҳои соҳавии СММ тамоми шароит муҳайёст.
Ҳоло яке аз масъалаҳои доғи мардуми сайёра мушкилоти дастрасӣ ба об аст, ки мутаассифона, дар пайи тағйирёбии иқлим ва гармшавии глобалии обу ҳавои сайёра ҳамвора шиддат меёбад. Ҳарчанд аз чор се ҳиссаи сайёраи моро об ташкил медиҳад, ҳамагӣ як дарсади он ошомиданист. Ҳамин аст, ки Сарвари давлати тоҷикон муҳтарам Эмомалӣ Раҳмон бо ташаббусҳои байналмилалӣ ҷиҳати осон намудани мушкили миллиардҳо сокини сайёра - шароит фароҳам  овардан барои дастрасӣ ба оби тозаи ошомиданӣ, истифодаи оқилонаи захираҳои обӣ, ҳамкории кишварҳо ва созмонҳои байналмилалӣ оид ба масъалаҳои  марбут ба об баромад намуда, таваҷҷуҳи ҷомеаи ҷаҳониро ба ҳалли ин мушкилоти печида ҷалб намуданд. Иқдомҳои шоистаи башардӯстонаи Президенти Тоҷикистон, аз ҷумла оид ба эълом доштани «Соли 2003 – Соли оби тоза», Даҳсолаи байналмилалии амалиёти «Об барои ҳаёт» (солҳои 2005 – 2015), Соли байналмилалии ҳамкориҳо дар соҳаи об – 2013 ва Даҳсолаи байналмилалии амал «Об барои рушди устувор» (солҳои 2018 – 2028), ба орзую армони мардуми ҷаҳон, Ҳадафҳои рушди ҳазорсола ва Ҳадафҳои рушди устувори Созмони Милали Муттаҳид мувофиқат мекунанд ва аз ҷониби Маҷмаи кулли СММ ва аксари кулли кишварҳои ҷаҳон пазируфта шуданд.
Хушбахтона, Тоҷикистони биҳиштосои мо дар саргаҳи оби тоза қарор дорад. Дабири кулли тозаинтихоби Созмони Милали Муттаҳид муҳтарам Антониу Гутерриш, ки барои ширкат дар Ҳамоиши байналмилалӣ оид ба рушди устувор, вохӯрӣ бо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва боздид аз кишвари «намуна дар истифодаи самаранок, оқилона ва устувори захираҳои обӣ» (баҳои худи Антониу Гутерриш) ба Тоҷикистон омад, изҳор дошт: «Шумо мардуми хушбахт ҳастед, ки чунин кишвари зебо ва табиати нотакрор доред».
Дабири кулли СММ аз тамошои табиати зебои Тоҷикистон, кӯҳҳои сарбафалак, обҳои мусаффо, хусусан тамошои кӯли зебои Сарез, ба ваҷд омад. Аз обшавии босуръати пиряхҳо мутаассир гардида, иброз дошт, ки барои дастгирии пешниҳодҳои Сарвари Тоҷикистон дар бораи истифодаи оқилонаи оби мусаффои кӯли Сарез, инчунин, андешидани тадбирҳои муассир барои пешгирии таъсири номатлуби тағйирёбии иқлим бояд иқдомҳои зарурӣ роҳандозӣ шаванд. Созмон додани Хазинаи байналмилалии мусоидат ба пешгирии обшавии пиряхҳо яке аз ин тадбирҳо буда метавонад.
Антониу Гутерриш ба талошҳои Тоҷикистон ва Сарвари он дар ҷодаи истифодаи босамари об ва ҳалли мушкилоти дигари вобаста ба он баҳои баланду арзанда дод, ки ин боиси ифтихору сарфарозии ҳар фарди Тоҷикистон  аст.
Ташрифи Дабири кулли СММ Антониу Гутерриш ба Тоҷикистон, баҳои арзандаи ӯ ба сатҳи ҳамкориҳои дуҷониба, талошҳои кишвар дар ҳалли мушкилоти умдатарини сокинони сайёра ва хусусан ташаббусҳои Президенти Ҷумҳурии Тоҷикистон Эмомалӣ Раҳмон дар бораи эълом доштани Даҳсолаи байналмилалии амал «Об барои рушди устувор» (солҳои 2018 – 2028), боз як гувоҳи равшани афзудани нуфузу эътибори кишвари биҳиштосои мо ва Сарвари хирадманди он дар арсаи ҷаҳон аст.
С. АЗИЗӢ, «Ҷумҳурият»


Баёни ақида (0)    Санаи нашр: 14.06.2017    №: 125    Мутолиа карданд: 567

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед