logo

сиёсат

АНТОНИУ ГУТЕРРИШ: “ТОҶИКИСТОН БО ТАБИАТИ ДИЛФИРЕБАШ ДИЛИ ҲАР БИНАНДАРО ТАСХИР МЕКУНАД”

12 июни соли равон Дабири кулли СММ Антониу Гутерриш, коршиносону донишмандон ва дигар намояндагони ниҳодҳои ин созмони бонуфузи ҷаҳонӣ баъди иштирок дар Ҳамоиши сатҳи баланд таҳти унвони «Таҳкими ҳамкорӣ ҷиҳати расидан ба рушди устувор дар шароити таҳдиду хатарҳои муосир» аз мавзеи зебоманзар – кӯли Сарез, ки дар он захираҳои бузурги оби тозаи ошомиданӣ  мавҷуд аст, дидан карданд. Дар ин сафар ҳайати баландпояро вазири корҳои хориҷӣ Сироҷиддин Аслов, раиси Вилояти Мухтори Кӯҳистони Бадахшон Шодихон Ҷамшед ва дигар  намояндагони ниҳодҳои давлативу  байналмилалӣ ҳамроҳӣ намуданд.
Дар ин ҷо пешниҳод ва ташаббуси Президенти Ҷумҳурии Тоҷикистон муҳтарам Эмомалӣ Раҳмон оид ба истифодаи муштараки захираҳои оби мусаффои кӯли Сарез барои кишварҳои минтақа муаррифӣ гардид.
Қобили зикр аст, ки барои таъмини қисми зиёди аҳолии давлатҳои минтақа бо оби ошомиданӣ Пешвои миллат муҳтарам Эмомалӣ Раҳмон пешниҳод намуда буданд, ки аз кӯли Сарез оби тозаи ошомиданӣ ба эҳтиёҷмандони давлатҳои поёноб интиқол дода шавад. Амалӣ шудани ин пешниҳод метавонад шиддати норасоии оби нӯшокиро барои миллионҳо нафар сокини давлатҳои поёноб аз байн барад. Ин кӯли дар тамоми дунё машҳур, ки дар маркази ВМКБ дар баландии 3261 метр аз сатҳи баҳр воқеъ  аст, 17 километри мукааб оби тозаи ошомиданӣ дорад.
Ҳангоми боздид аз табиати нотакрори кӯли Сарез, шиносоӣ аз имконоти васеи захираҳои об ва таърихи пайдоиши он Дабири кулли СММ Антониу Гутерриш Тоҷикистонро кишвари зеботарини ҷаҳон маънидод карда, аз ҷумла таъкид намуд, ки Тоҷикистон бо кӯҳҳои сарбаафлок, қуллаҳои барфпӯш, обҳои ширину мусаффо ва табиати дилфиребаш дили ҳар бинандаро тасхир мекунад. Аз ин лиҳоз, ӯ иброз дошт, ки шумо мардуми хушбахт ҳастед, ки чунин кишвари зебо ва табиати нотакрор доред.
Ба андешаи Дабири кулли СММ зимни боздид аз кӯли Сарез ӯ барои худ ду сабақ бардоштааст. Аввалан, обшавии пиряхҳо мушоҳида мешавад. Бинобар ин, ниҳоят муҳим аст, ки барои  пешгирии зуҳуроту таъсири тағйирёбии иқлим аз ҷониби ҷомеаи байналмилалӣ тадбирҳои муассир андешида шуда, баҳри татбиқи  Созишномаи Париж оид ба тағйирёбии иқлим иқдомҳои зарурӣ амалӣ гарданд.
Силсилаи чораҳое андешида шаванд, ки мо тавонем ояндаи сайёраи худ ва инсониятро аз гирдоби хавфу падидаҳои хатарзои тағйирёбии иқлим раҳоӣ бахшем. Аз дигар ҷиҳат, ҳангоме ки ба ин кӯли нодир назар меафканем, мо, пеш аз ҳама, неъмати гаронбаҳои табиат – обро мебинем. Кӯли Сарез мисоли хубест, ки чӣ гуна бояд захираҳои обиро нигоҳ дорем. Мо бояд обро самаранок, бо шеваи устувор мавриди истифода ва истеъмоли худ қарор бидиҳем, зеро он барои истеҳсоли неруи барқ сарвати муҳим ба ҳисоб меравад.
Аз ин рӯ, мо бояд онро дар саросари ҷаҳон оқилона истифода барем ва ба арзиш донем, то ки ин сарвати бебаҳои табиӣ ба нафъи мардуми кураи Замин хидмат намояд. Тоҷикистон оид ба масоили об дар арсаи байналмилалӣ пешниҳодҳои муфид намуда, пешсафии худро дар ин ҷода собит кард, ки онро ҷомеаи ҷаҳонӣ дастгирӣ намуда, шоистаи таҳсину қадр медонад. Бартар аз ин, кишвари шумо дар истифодаи самаранок, оқилона ва устувори захираҳои обӣ намуна аст. Хеле муҳим аст, ки ҷомеаи байналмилалӣ аз ин шеваву усул сабақ биомӯзад ва онро пайравиву пуштибонӣ намояд.
Ин ҷабҳаи ниҳоят муҳим буда, моро водор месозад, ки барои боз ҳам беҳтар намудани мудирияти захираҳои об кӯшишҳои муштарак ба харҷ диҳем. Худи далели он ки Тоҷикистон ташаббуси Даҳсолаи байналмилалии амал «Об барои рушди устувор» - ро манзур намуд, гувоҳӣ медиҳад, ки то чи андоза роҳбарияти олии кишвар, Президенти муҳтарами Тоҷикистон Эмомалӣ Раҳмон ба мавзӯи ҷаҳонии об аҳамияти хоса зоҳир менамоянд. Дар ин радиф, барои ташвиқу татбиқи ин ибтикор муҳим аст, ки дар муттаҳидӣ тадбирҳои муассир роҳандозӣ шаванд.
Ба ин хотир, мо муваззафем, ки дар ин ҷода тамоми корҳои заруриро анҷом диҳем. Зимни сафарҳои худ ман қиёс меорам. Масалан, зодгоҳи ман Португалия барои бунёди сарбандҳо маблағҳои ҳангуфт, миллионҳо сарф намуд, аммо Худованд ба кишвари дилписандатон сарбандҳои табиӣ ато кардааст ва ин шаҳодати ҳикматест, ки шумо мардуми назаркарда мебошед.
Дабири кулли Созмони Милали Муттаҳид ба ташаббусҳои ҷаҳонии Тоҷикистон дар соҳаи об баҳои баланд дода, иқдоми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар мавриди эълони Даҳсолаи байналмилалии амал «Об барои рушди устувор”, 2018 - 2028  муҳиму башардӯстона арзёбӣ кард. Ӯ бори дигар кишварҳои ҷаҳонро ба тақвият додани мубориза ба муқобили тағйирёбии иқлим даъват намуд. Ба гуфтаи ӯ, инсоният дигар ҳаққи аз даст додани ин фурсатро надорад.
Дар доираи ин сафар, Антониу Гутерриш ва ҳайати ҳамроҳонаш  ба мавзеи Паткнови ноҳияи Дарвоз ташриф оварда, аз намоиши ҳунарҳои мардумӣ, ба мисли оҳангарӣ, табақтарошӣ ва кулолгарӣ дидан намуданд. Дар ин ҷо ба Дабири кулли СММ расми дар қолин наққошишудаи ӯ, ки бо ороишоти миллӣ зинат бахшида шудааст, ҳамчун хотира тақдим гардид.
Ҳамчунин, дар ин мавзеъ фаъолияти зиддимухаддиротии кишвар муаррифӣ шуд. Таъкид гашт, ки Тоҷикистон дар самти пешгирӣ аз хатару таҳдидҳои ҷаҳони муосир, аз ҷумла пешгирии паҳншавии маводи мухаддир, фаъолияти пурсамар дошта, барои муборизаи муштарак ҷиҳати аз байн бурдани чунин хатарҳо кишварҳои минтақа ва ҷаҳонро ба ҳамкорӣ даъват менамояд.
АМИТ «Ховар»


Баёни ақида (0)    Санаи нашр: 14.06.2017    №: 125    Мутолиа карданд: 721
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед