logo

порлумон

ИМТИЁЗ БА ВОРИДОТИ НАҚЛИЁТ, ЗАХИРАИ ОЗУҚА ВА ТАҶҲИЗОТИ ТИББӢ

Дар ҷаласаи Маҷлиси намояндагони Маҷлиси Олӣ Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2017» баррасӣ ва ба тасвиб расид.
Тибқи он мақомоти иҷроияи ҳокимияти давлатии шаҳри Душанбе барои  захираи маҳсулоти озуқа ва воридоти нақлиёти мусофирбар ба пойтахт аз имтиёзҳои андозию гумрукӣ  бархӯрдор мегарданд.
Меҳринамо Ҷонмаҳмадова, муовини вазири молия, зимни ташреҳи лоиҳа  иброз дошт, ки он дар асоси пешниҳоди мақомоти иҷроияи ҳокимияти давлатии  шаҳри Душанбе ва Вазорати тандурустӣ ва ҳифзи иҷтимоии аҳолӣ манзур гардидааст. Иловаҳои аз ҷониби ин ниҳодҳо пешниҳодгардида, ба мақсади пурра намудани парки автобусҳои мусофирбар, баланд бардоштани сатҳи хидматрасонии нақлиётӣ ва бо ин васила ба танзим даровардани ҳаракати воситаҳои нақлиёт дар роҳҳои шаҳри Душанбе нигаронда шудааст. Мавсуф  зикр кард, ки дар соли равон бо қарорҳои  раиси шаҳри  Душанбе аз 18 март ва 5 майи соли 2017 воридоти 64 адад воситаи нақлиёти мусофирбар ба маблағи умумии 51,4 миллион сомонӣ ба нақша гирифта шудааст, ки меъёри андоз ва пардохти гумрукӣ ба андозаи 23 дарсад, яъне  маблағи 12, 3 миллион сомониро ташкил медиҳад. Аз миқдори ба нақшагирифташуда 40 адад воситаи нақлиёти мусофирбар ба маблағи 30 миллион сомонӣ ворид шудааст, ки пардохтҳои гумрукии он ба 7, 2 миллион сомонӣ мерасад.
Ҳамчунин, барои таъмини амнияти озуқаворӣ ва пешгирии тамоили баландшавии нархи маҳсулоти кишоварзӣ дар бозорҳои пойтахт дар фаслҳои тирамоҳу зимистони солҳои 2017 – 2018 захира намудани 90 ҳазор тонна маҳсулоти кишоварзӣ дар назар дошта шудааст. Бинобар ин, дар лоиҳаи қонун озод намудани Корхонаи воҳиди давлатӣ оид ба истеҳсол, харид ва фурӯши маҳсулоти ниёзи аввалия дар шаҳри Душанбе аз андоз аз арзиши иловашуда пешбинӣ шудааст.
Муовини вазири молия зикр кард, ки ҷиҳати баланд бардоштани сифати хидматрасонии тиббӣ ба аҳолии кишвар, бахусус сокинони вилояти Хатлон аз ҷониби Вазорати тандурустӣ ва ҳифзи иҷтимоии аҳолӣ ба қонуни мазкур илова пешниҳод шудааст. Тибқи он Беморхонаи ҷумҳуриявии клиникии ноҳияи Данғара ҷиҳати ворид намудани дастгоҳи универсалии ангиографии истеҳсоли ширкати ҷопонии «Тошиба» аз андоз ва пардохти гумрукӣ озод карда мешавад. Насби таҷҳизоти мавҷуда имкон фароҳам меорад, ки сокинони вилоят минбаъд барои гузарондани амалиёти ҷарроҳии душвору гаронарзиш, аз қабили иваз намудани гурда ва ҷигар дар ҳамин ҷо фарогир бошанд. Зикр гардид, ки арзиши ин дастгоҳи ҳозиразамони тиббӣ 5,5 миллион сомонӣ буда, маблағи андоз аз арзиши иловашуда ва боҷи гумрукӣ 1,3 миллион сомониро ташкил медиҳад.
Мунаввари САФАР, «Ҷумҳурият»


Баёни ақида (0)    Санаи нашр: 16.06.2017    №: 128    Мутолиа карданд: 2558
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед