logo

сиёсат

БАҲОРИ ЗИНДАГӢ

Таҳаввулоти бунёдӣ дар умури сиёсиву иҷтимоӣ ва давлатдории миллӣ ҳамеша бо номи шахсиятҳое пайванд мегирад, ки бо корномаҳои бузургу мондагор ормонҳои мардумиро дар худ таҷассум намудаанд. Дар замони Истиқлолияти давлатӣ ё таърихи давлатдории навини тоҷикон чунин абармард дар симои Эмомалӣ Раҳмон ба саҳнаи сиёсӣ омад, ки халқи вомондаву парешонгаштаро ба ҳам оварда, рукнҳои давлатдориро аз сифр оғоз ва истеҳком бахшид.
Хонандаи нозукбин муроди моро аз ин матлаб хуб дарк хоҳад кард, зеро гап дар сари ҳаводиси хунини солҳои аввали Истиқлолияти давлатӣ меравад, ки паёмадҳои даҳшатбори он барои наслҳои минбаъда сабақомӯз хоҳад буд.
Ҷанги таҳмилии  шаҳрвандӣ, нооромию низоъҳои мусаллаҳона, қатлу куштори бераҳмона хавфи аз байн рафтани Тоҷикистони тозаистиқлолро ба миён оварданд. Маъюсию ноумедӣ ҳамаи қишрҳои ҷомеаро фаро гирифта буд. Бисёриҳо ба ояндаи нек умед надоштанд. Зеро гурӯҳҳои силоҳбадаст дар минтақаҳои даргир ба қатлу куштори мардуми бегуноҳ даст зада, ҳар чи дар бисоташон буд, бо худ мебурданд. 
Дар ноҳияи Шаҳритуз низ чунин бедодгариҳо ҳар рӯз ба чашм мерасиданд.  Сокинони деҳаҳои алоҳида, ки ҳар лаҳза ба ҷони онҳо ва фарзандонашон марг таҳдид мекард, ноилоҷ хонаву кошонаи худро тарк намуда,  пиёдаву савора рӯ ҷониби сарҳад меоварданд. Дар муддати кӯтоҳ зиёда аз ҳаштод ҳазор нафар сарҳади давлатиро ғайриқонунӣ убур намуда, дар он сӯи Ому ҷон ба саломат бурд. 
Дурӣ аз Ватан, зиндагӣ дар кишваре, ки ҳар лаҳза марг таҳдид мекард, азоби гуруснагию бехонаӣ, беморию бемадорӣ гурезаҳои тоҷикро рӯҳан азоб медод.  Онҳо дуо мекарданд дар Тоҷикистон ҳар чи зудтар сулҳу субот барқарор шавад.
Дуои мардуми азияткашида мустаҷоб гардид. Бо талошҳои хастанопазири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 27 июни соли 1997 дар шаҳри Маскав Созишномаи умумии истиқрори сулҳ ва ризоияти миллӣ дар Тоҷикистон ба имзо расид. Ин санади муҳими таърихӣ, пеш аз ҳама, имкон фароҳам овард, ки гурезаҳо ва муҳоҷирони иҷборӣ ба Ватан баргарданд. Он барои таъмини соҳибистиқлолию ваҳдати миллӣ ва ба минтақаи сулҳ табдил ёфтани Осиёи Марказӣ такони ҷиддӣ бахшид.
Дар ин раванд, сокинони ноҳияҳои Қубодиёну Шаҳритуз аз шаҳри Мазори Шариф ва вилояти Кундузи Ҷумҳурии Исломии Афғонистон ба манзили доимии зисташон баргаштанд. Ин дар ҳоле сурат гирифт, ки Раиси тозаинтихоби Шӯрои Олии Ҷумҳурии Тоҷикистон муҳтарам Эмомалӣ Раҳмон ба унвони гурезаҳо номае оид ба авфи ғайриқонунӣ убур кардани сарҳади давлати ҳамсоя - Афғонистонро ирсол намуд. Ин нома, ки баъдтар мактуби тиллоӣ ном гирифт, дар дили мардуми дар ғурбат қарордошта эҳсоси боварӣ ба ояндаи некро бедор намуд. Дар ин муддат гурӯҳҳои кории муштарак  аз ҳисоби шахсоне, ки нуфузашон дар байни мардум зиёд буд, таъсис дода, ба ноҳияҳои Шаҳритузу Қубодиён ва Ҷумҳурии Исломии Афғонистон фиристода шуданд. Мақсад бахшидани гуноҳҳои якдигар ва ҳар чи зудтар ба Тоҷикистон баргаштану обод намудани Ватани аҷдодӣ буд.
Дар он шабу рӯзҳое, ки гурезаҳо ба Ватан бармегаштанд, хонаю дарашон сӯхтаю валангор гашта буданд. Вале мардум рӯҳафтода нашуда, дар Ватани хеш қарор доштанро беҳтар аз ҳама дороию неъмати дунё медонистанд. Шукрона мекарданд, ки бо ташаббусу дастгирии Президенти кишвар муҳтарам Эмомалӣ Раҳмон манзили зисташон обод гардиду дар фазои сулҳу субот зиндагиашонро пеш мебаранд.
Мардуми меҳнатқарини ноҳияи бостонии Шаҳритуз имрӯз татбиқи сиёсати хирадмандонаю созандаи Пешвои миллатро сармашқи кору зиндагии худ қарор дода, баҳри гулгулшукуфии Ватани маҳбуб заҳмат кашида истодаанд, то ҷашни 20-солагии Рӯзи Ваҳдати миллиро дар сатҳи баланду хотирмон истиқбол гиранд. Зеро таҷлили ин ҷашни муборак дар шароите, ки Ватан ободу мардум шоданд, боиси ифтихору сарбаландии ҳар як фарди бедордил буда, аҳамият ва арзиши ин неъмати бебаҳоро боз ҳам афзун менамояд.
Холмурод ЗУҲУРИЁН, раиси суди ноҳияи Шаҳритуз


Баёни ақида (0)    Санаи нашр: 19.06.2017    №: 129    Мутолиа карданд: 647
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед