logo

сиёсат

БОЗДИДИ ПЕШВОИ МИЛЛАТ АЗ МАКТАБ - ИНТЕРНАТИ ЁРИРАСОНИ № 3

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи Иди саиди Фитр ба муассисаи махсуси таҳсилоти асосӣ “Мактаб - интернати ёрирасони рақами 3” - и ноҳияи Синои шаҳри Душанбе ташриф оварданд.
Сарвари давлат Эмомалӣ Раҳмон баробари шиносоӣ бо шароити моддию маънавии бошандагони ин даргоҳи илму маърифат, ҳамчунин ба 100 нафар кӯдакони маъюби мактаб - интернат ва 101 нафар тарбиятгирандагони Хонаи кӯдакони синни томактабии рақами 1 - и ноҳияи Фирдавсии шаҳри Душанбе, ки барои мулоқот бо Президенти мамлакат ба ин ҷо омада буданд, сарулибос ва дигар кумакҳои моддӣ тақдим карданд.
Мактаб-интернати ёрирасони рақами 3 соли 1968 таъсис ёфта, дар он барои тарбияи 100 нафар кӯдакони маъюб ва дорои нуқсонҳои модарзодӣ барои таълиму ҳунаромӯзӣ шароитҳои зарурӣ муҳайё карда шудаанд.
Муассисаи мазкур дорои толори варзишӣ, синфхонаи таълими меҳнат, синфи компютерӣ, ҳуҷраи дефектологӣ, логопедия, бунгоҳи тиббӣ ва ошхона бо 65 ҷойи нишаст мебошад. Шумораи омӯзгорон 26 нафарро ташкил медиҳад. Ҷараёни таълим шабонарӯзӣ буда, ҳамаи хонандагон бо ҷойи хоб ва чор вақт бо хӯроки гарм таъминанд.
Мавриди зикр аст, ки ҳамасола тарбиятгирандагони муассисаи таълимии мазкур бо дастгирии Ҳукумати мамлакат дар олимпиадаҳои махсуси варзишӣ иштирок намуда, шарафи кишварро ҳимоя мекунанд. Аз ҷумла, 6 нафар хонандаи мактаб-интернати мазкур дар мусобиқаҳои махсус дар Юнону Австрия аз рӯйи намудҳои варзиши сабук дар бахшҳои давидан ва ба дарозӣ ҷаҳидан иштирок карда, 6 медали тилло ва 7 медали нуқра ба даст оварданд.
Дар Хонаи кӯдакони синни томактабии рақами 1 - и ноҳияи Фирдавсии пойтахт, ки ҳамаашон дар мулоқоти имрӯза бо Сарвари давлат иштирок карданд, 101 нафар, аз ҷумла 78 нафар ятим ва 5 нафарашон ятими кулл мебошанд. Дар ин муассиса низ 20 нафар кӯдаки ятим ба тарбияву ғамхорӣ фаро гирифта шудааст.
Президенти мамлакат Эмомалӣ  Раҳмон баъди тақдими туҳфаҳо ба кӯдакон дар арафаи Иди саиди Фитр дар саҳни ҳавлии мактаб - интернати ёрирасони рақами 3 бо тарбиятгирандагон ва омӯзгорон суҳбати самимӣ доир карда, оид ба дастгириҳои ҳамешагӣ ва рӯзафзуни роҳбарияти давлату Ҳукумати Ҷумҳурии Тоҷикистон андешаронӣ карданд.
Шодию нишоти тарбиятгирандагонро ҳадду канор набуд, зеро онҳо шахсан аз дасти Роҳбари ғамхори хеш сарулибос, пойафзол ва шириниҳои гуногун гирифтанд. Хонандагони мактаб - интернат ба Пешвои миллат дар ҷавоб ба ҳамаи ғамхориҳо изҳори сипосу миннатдорӣ карданд.
Президенти мамлакат Эмомалӣ Раҳмон, ки ҳамеша бо хислати наҷибу нодири раъиятпарварии хеш дар фикри беҳбудии шароити зиндагии мардуми эҳтиёҷманд, ятимон, барҷомондагон ва шахсони бесаробону камбизоат мебошанд, таваҷҷуҳи махсус зоҳир кардан ба ин табақаи ниёзмандро аз аҳли ҷомеа борҳо талаб менамоянд. Имрӯз аз ҷониби Пешвои миллат ба Ҳукумати Ҷумҳурии Тоҷикистон супориш дода шуд, ки дар заминаи мактаб - интернати ёрирасони рақами 3 барои боз ҳам беҳтар кардани шароити таълиму зисти тарбиятгирандагон лоиҳаи бунёди бинои иловагии наву замонавии 4 - ошёна бо 300 ҷой таҳия намояд.


Баёни ақида (0)    Санаи нашр: 23.06.2017    №: 133    Мутолиа карданд: 615

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед