logo

сиёсат

ИСТИҚЛОЛИЯТ. ДИРӮЗ ВА ИМРӮЗ

Охири  садаи  гузашта  сокинони мамлакат ба мушкилоти зиёд мувоҷеҳ гардиданд. Бо дасисаю иғвои гурӯҳҳои манфиатхоҳи дохилию хориҷӣ кишвари азизамон - Тоҷикистон ба ҷанги таҳмилии шаҳрвандӣ кашида шуд. Бар асари он шахсони зиёди бегуноҳ  ба  ҳалокат расида, як қисми рустоҳо, шаҳру ноҳияҳо, корхонаҳо ба харобазор табдил ёфтанд. Он айём сохтори фалаҷшудаи ҳокимият аз уҳдаи идораи давлат баромада натавонист.
Ба гузашта санги маломат задан, аз буда бештар баҳо додан ба воқеият, таҷрибаи корӣ надоштан дар демократисозии ҷомеа, ба арсаи сиёсат қадам гузоштани як гурӯҳи мансабхоҳ боиси парокандагии миллат ва нооромии ҷомеа гардид. Барои расидан ба мансабу вазифа талошҳо ва кашмакашиҳо идома ёфта, оташи низоъро аланга медоданд. «Равшанфикрон»-и мансабхоҳ баҳонаҳои ночизро барои бадном намудани сохти мавҷуда, сиёҳ кардани сарони давлати навинтихобшуда истифода мебурданд. Ҷамъияту созмонҳои навташкил ба сиёсат часпида, ҷомеаро ноором сохтанд. Майдоншинию гаравгонгирӣ ба ҳодисаи муқаррарӣ табдил ёфта буд.
Ояндаи давлату миллат неруҳои солимфикри ҷомеаро ба андеша водор сохта буд, онҳо роҳи наҷот меҷустанд. Халқ аз мақомоти давлатӣ ва роҳбарони кишвар барои муътадил сохтани вазъият андешидани тадбирҳои таъҷилиро тақозо менамуд. Беҳокимиятӣ боиси талаву тороҷи сарвати давлат ва ҷамъият гардид.
Дар Иҷлосияи таърихии XVI Шӯрои Олии Ҷумҳурии Тоҷикистон вакилони халқ Эмомалӣ Раҳмонро якдилона Раиси Шӯрои Олии Ҷумҳурии Тоҷикистон интихоб карданд. Ва ин фарзанди барӯманди миллат, сиёсатмадори барҷаста, саодатбахш ба боварии вакилон ва халқи Тоҷикистон сазовор гашт. Ақл раҳнамову мададгор ва ҷасорат зафарёраш шуд.
Солҳои баъдӣ бо ҷаҳду талошҳои хастанопазири Сарвари давлат вазъият тадриҷан ба эътидол омад. Ва 27-уми июни соли 1997 дар шаҳри Маскави Федератсияи Русия Созишномаи умумии истиқрори сулҳ ва ризоияти миллӣ дар Тоҷикистон ба имзо расид. Дар сарзамини тоҷикон сулҳ барқарор гашт. Муколамаи сиёсӣ роҳи ягонаи ҳалли мушкилоти тоҷикон дар таъмини мусолиҳаи миллӣ қарор гирифт. Ҳуқуқ ва озодиҳои шаҳрвандон, бавижа гурезаҳои иҷборӣ таъмин шуданд. Беш аз як миллион гуреза ба манзили доимии худ баргашта, ба корҳои ободонию созандагӣ камари ҳиммат баст, дар пешрафту тараққии кишвар саҳм гузошт. Таҳти сарварии хирадмандонаи Президенти мамлакат дар ҳамаи соҳаҳои хоҷагии халқи мамлакат тағйироти куллӣ ба амал омад. Вазъи муътадили ҷамъиятию сиёсӣ, сулҳу осоиш имкон фароҳам овард, ки кишвар аз мушкилоти иқтисодию иҷтимоӣ раҳо ёфта, ба ислоҳоти  воқеии хоҷагии халқ оғоз намояд.
Имрӯз мо худшиносу худогоҳем. Оламиён ҳадафҳои сиёсиву иҷтимоӣ ва фарҳангии моро пазируфтанд. Сарвари давлат Эмомалӣ Раҳмон борҳо аз минбари баланди Созмони Милали Муттаҳид суханронӣ намуда, мавқеи Тоҷикистонро оид ба масъалаҳои гуногун муайян сохта, силсилаи таклифҳои пурарзиш пешниҳод намуда, нуфузи Тоҷикистонро дар арсаи байналмилалӣ баланд бардоштанд. Бо пешниҳоди Пешвои муаззами миллат Созмони Милали Муттаҳид соли 2003 - ро Соли байналмилалии «Оби тоза», солҳои 2005 - 2015 - ро Даҳсолаи байналмилалии амал «Об барои ҳаёт» эълон намуд. Даҳсолаи байналмилалии амал «Об барои рушди устувор», солҳои 2018-2028 қадами ҷиддӣ дар раванди татбиқи Ҳадафҳои рушди устувори марбут ба захираҳои об дар минтақа ва ҷаҳон хоҳад гашт.
Умари ШЕРХОН,  адиб


Баёни ақида (0)    Санаи нашр: 28.06.2017    №: 134-135    Мутолиа карданд: 638

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед