logo

иқтисод

СЕМЕНТ. КОРХОНАИ БУЗУРГИ ИСТЕҲСОЛӢ БУНЁД МЕЁБАД

Ба замми корхонаҳои азими  семент, аз ҷумла ҶДММ «Хуаксин Ғаюр семент»,  «Чунгтсай Моҳир семент», «Хуаксин Ғаюр Суғд семент», «Тоҷ Чайна 2013» , ҶСК «Сементи тоҷик»,    дар ноҳияи Қубодиён  корхонаи калонтарини семент бо иқтидори солонаи истеҳсолии  2 миллион тонна бунёд меёбад.

Ба иттилои мақомоти иҷроияи ҳокимияти давлатии ноҳия, сохтмони корхонаи мазкур дар доираи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби бонки тиҷоратии кишвар  – ҶСК «Ориёнбонк» якҷо бо сармоягузорони чинӣ дар майдони 65 гектар бунёд хоҳад ёфт.   Рӯзҳои  наздик сохтмони бинои сеошёнаи маъмурӣ  барои будубоши мутахассисон  оғоз меёбад.  Барои бунёди   пурраи  корхона беш аз 160 миллион доллари ИМА сармояи хориҷӣ ҷалб гардидааст. Иқтидори истеҳсолии корхонаи нав  2500 тонна сементи навъи М - 400  ва  2500 тонна навъи ба сулфат тобовар,   дар маҷмӯъ 5 ҳазор тонна дар як шабонарӯз  ва соле  2 миллион тонна мебошад.  Дар оянда он бузургтарин корхонаи истеҳсоли семент дар Тоҷикистон хоҳад шуд. 
Сармоягузорони корхонаи нави семент - ҶСК «Ориёнбонк», ширкатҳои «Исмоили Сомонӣ» ва  «Хенан Чжун-Я», ҳамчунин, истеҳсоли ширеши саноатӣ, кафел ва шакарро таҳрезӣ намудаанд. Бунёди корхонаи номбурда  бо  ду хати истеҳсолӣ ва дар заминаи он оянда ба роҳ мондани тавлидоти масолеҳи дигари сохтмонӣ натиҷаи дастуру супоришҳои Сарвари давлат бо мақсади зиёд намудани ҳаҷми истеҳсоли маҳсулоти ватанӣ, аз ҷумла молҳои сохтмонӣ,  тақвияти иқтидори содиротии  кишвар ва  таъсиси ҷойҳои нави кор аст.
Айни замон ҳиссаи истеҳсоли семент  дар маҷмӯи маҳсулоти саноатии мамлакат   8,8 дарсадро ташкил медиҳад.  Ҳоло дар зиёд шудани тавлиди он  саҳми ширкатҳои «Хуаксин Ғаюр семент» 38 дарсад,  «Чунгтсай Моҳир семент» 28  ва  «Хуаксин Ғаюр Суғд семент» 16,6 дарсад мебошад. 
Солҳои гузашта  аксар сохтмонҳои кишвар  бо истифода аз сементи истеҳсоли давлатҳои дигар, махсусан Покистону Чин, сурат мегирифт ва ҳолати вобастагӣ аз сементи воридотӣ ба ҷараёни  бонизоми  сохтмон халал ворид менамуд. Хушбахтона, иқдоми Ҳукумати мамлакат баҳри таъсиси корхонаҳои истеҳсоли семент, мушкилоти норасоии онро аз байн бурд. Имрӯз мардуми кишвар на танҳо бо ин масолеҳи сохтмон дастрасӣ доранд, балки зиёд гардидани истеҳсоли он воридоти сементро аз хориҷ коҳиш додааст.  Ҳамчунин,  корхонаҳои ватанӣ тавассути истеҳсоли сементи  аълосифат  дар минтақа эътибори баландро соҳиб гаштаанд
Ба гуфтаи Шамсиддин Иброҳимов, сардори раёсати масолеҳи сохтмонии Вазорати саноат ва технологияҳои нави мамлакат,  давоми нимсолаи гузашта  корхонаҳо  ба  ҷумҳуриҳои дуру наздик қариб 350 ҳазор тонна семент фурӯхтанд. Ҳаҷми содироти ин маҳсулоти сохтмонии ватанӣ   беш аз 30  дарсади истеҳсоли онро  ташкил медиҳад.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 05.07.2017    №: 140    Мутолиа карданд: 635

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед