logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар нишасти матбуотӣ бо Сарвазири Ҷумҳурии Исломии Покистон Муҳаммад Навоз Шариф, шаҳри Душанбе, 5 июли соли 2017

Муҳтарам намояндагони воситаҳои ахбори умум,
хонумон ва ҷанобон!
Нахуст дар ҳузури Шумо бори дигар дӯсту бародари гиромии худ, Ҷаноби Олӣ Муҳаммад Навоз Шариф, Сарвазири Ҷумҳурии Исломии Покистон ва ҳайати ҳамроҳашро хайрамақдам мегӯям. Ҳамчунин, бо истифода аз фурсати муносиб, дӯстони покистонии моро ба муносибати узвияти комилҳуқуқашон дар Созмони Ҳамкории Шанхай самимона муборакбодӣ менамоям.
Мо аз раванди идомаёбандаи тамосҳои сиёсии Тоҷикистон ва Покистон, аз ҷумла дар сатҳи олӣ, изҳори қаноатмандӣ менамоем. Ташрифи кунунии Сарвазири Ҷумҳурии Исломии Покистон, Ҷаноби Олӣ Муҳаммад Навоз Шарифро, ки дар давраи барои таърихи муосири муносибатҳои ду кишвар хотирмон – 25 - солагии барпо намудани робитаҳои дипломатӣ миёни ду кишвар – доир гардид, мо дорои аҳамияти хоса медонем.
Итминони комил дорам, ки натиҷаҳои музокироти имрӯзаи мо, ки дар фазои ҳамдигарфаҳмӣ ва самимият сурат пазируфт, муносибатҳои дуҷонибаи кишварҳои ба ҳам дӯсти моро тақвияти дучанд бахшида, омили густариши тамоми маҷмӯи ҳамкориҳои Тоҷикистон ва Покистон хоҳанд шуд.
Ҳар ду ҷониб бар онанд, ки ҳамкории фарогир ва созанда комилан дархӯри манфиатҳои дарозмуҳлати мардумони ду кишвар мебошад. Ҳамзамон таъкид гардид, ки он ба густариши ҳамгироии минтақавӣ ва таҳкими сулҳу субот дар минтақаи фарохи Осиёи Марказию Ҷанубӣ мусоидати ҷиддӣ менамояд. Ин нукта дар Эъломияи муштарак дарҷ ёфтааст.
Мо сатҳи имрӯзаи ҳамдастиву эътимоди сиёсии миёни ду кишварро баланд арзёбӣ менамоем. Ба андешаи мо, муколамаи мунтазам ва пурмазмуни сиёсӣ минбаъд низ метавонад омили такондиҳандаи ҳамкориҳои гуногунҷанбаи ҷонибҳо бошад. Айни замон мувофиқи мақсад мебуд, ки арсаҳои ҳамкориҳои иқтисодӣ аз ҳисоби идомаи самарабахши кори Комиссияи муштараки байниҳукуматӣ  тавсеа дода шаванд.
Дар ҷараёни мулоқоти сатҳи олӣ мо ҳамаҷониба ва ба таври муфассал маҷмӯи масъалаҳои тиҷоративу иқтисодӣ, илмию техникӣ ва фарҳангии ҳамкориҳои дуҷонибаро мавриди баррасӣ қарор додем.
Ҷонибҳо имконоти бузург ва захираҳои фаровони ҳамкории муфидро дар ҳамаи ин самтҳо зикр карданд.
Дар ин иртибот аҳамияти тавсеаи соҳаҳо ва мундариҷаи ҳамкориҳои иқтисодӣ махсус таъкид гардид.
Ба мақсади мусоидат ба хизматрасониҳо дар арсаҳои ҳамлу нақл миёни ду кишвар ва дохили минтақа ҷонибҳо ҳар чи зудтар мувофиқа намудани Созишномаро оид ба тиҷорати транзитии дуҷониба таъкид карданд.
Мо умед дорем, ки доираҳои сармоягузори кишвари дӯсти Покистон дар фаъолияти минтақаҳои озоди иқтисодии Тоҷикистон ва татбиқи лоиҳаҳои бузургу миёнаи он иштироки фаъолу судманд хоҳанд дошт. Ин, алалхусус ба барномаҳои рушди саноат, энергетика, инфрасохтори энергетикию нақлиётӣ, туризм, маориф ва тандурустӣ дахл дорад. Яке аз лоиҳаҳои дорои аҳамияти минтақавӣ ва барои кишварҳои Осиёи Марказию Ҷанубӣ муҳим барномаи САSА – 1000 мебошад.
 Тоҷикистон кишвари маҳсур бо хушкӣ мебошад. Дар ин замина мо бори дигар манфиатдории худро ба истифодабарии имкониятҳои бандарҳои баҳрии Покистон ва шабакаҳои мавҷудаи транзитӣ барои тавсеаи тиҷорат дар сатҳи минтақа таъкид доштем.
 Ҳар ду ҷониб нисбат ба мавзӯоти густариши ҳамкории фарҳангию башарӣ низ таваҷҷуҳи хоса зоҳир намуданд. Дар ин зимн аз ҷониби мо ба дурнамои хуб ва аҳамияти омӯзишу амалӣ намудани лоиҳаҳои муштарак дар соҳаҳои маорифу тандурустӣ ва тавсеаи ҳамкориҳои илмию техникӣ ишора карда шуд.
Мо доир ба номгӯйи фарохи масъалаҳои мубрами минтақавӣ ва байналмилалӣ мубодилаи афкор намудем. Вобаста ба ин, нисбат ба мавзӯи пайдо кардани роҳу василаҳои самарадеҳи густариши ҳамкориҳои бисёрҷониба ва   рушду такомули онҳо, аз ҷумла дар чаҳорчӯбаи Созмони Милали Муттаҳид, созмонҳои ҳамкории Шанхай, ҳамкории исломӣ ва ҳамкории иқтисодӣ, таваҷҷуҳи хос зоҳир карда шуд.
Зимни баррасию муҳокимаи вазъияти имрӯзаи минтақа қазияи Афғонистон яке аз мавзӯъҳои меҳварии музокироти мо буд. Ба эътидол овардани вазъи Афғонистон ва истиқрори сулҳу суботи комил дар ин кишвари ҳамсоя барои давлатҳои мо ниҳоят муҳим аст. Мо тасмим гирифтем, ки ба манзури мусоидат ба раванди барқарории сулҳу суботи пойдор дар он ҳамоҳангию ҳамкории дуҷонибаву бисёрҷонибаи бештару муассире дошта бошем.
Ҳамчунин, масъалаҳои мубориза алайҳи терроризму ифротгароӣ, қочоқи маводи мухаддир ва дигар шаклҳои ҷинояткории муташаккили фаромиллӣ, ки ба амнияти ҳар ду кишвар ва тамоми минтақа хатар эҷод месозанд, дар маркази диққати мо қарор дошт. Дар ин самт бештар ҳамоҳанг намудани фаъолияти хадамоти махсус ва дигар сохторҳои марбутаи ду давлат тақозои замон дониста шуд.
Ҷониби Тоҷикистон аз ҷараёну натиҷаҳои бадастомадаи сафари расмии Сарвазири Ҷумҳурии Исломии Покистон Ҷаноби Олӣ Муҳаммад Навоз Шариф комилан қаноатманд буда, онро чун як қадами нав дар самти густариши муносибатҳои дӯстӣ ва ҳамкории судманди ду кишвар арзёбӣ менамояд.


Баёни ақида (0)    Санаи нашр: 05.07.20171    №: 140    Мутолиа карданд: 1772

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед