logo

иҷтимоиёт

МАРҒЗОР. МАРДУМ АЗ ХАВФИ ДАРЁ ДАР ТАШВИШАНД!

«Мардуми деҳаи Марғзори Ҷамоати деҳоти Эсанбой аз наздик омадани дарёи Кофарниҳон ба боғу роғ ва хонаҳои истиқоматиашон изҳори нигаронӣ доранд. Дарё, ки аз наздикии деҳа мегузарад, маҷрои худро дигар намуда, тайи ду - се соли охир заминҳои полизӣ ва дарахтҳои бешуморро бо решаашон канда бурд. Хавфи шуста бурдани заминҳои соҳил, боғот ва хонаҳои истиқоматӣ зиёд шудааст. Роҷеъ ба ин масъала мардуми деҳот ба Баҳодур Саидов - раиси ҳозираи Ҷамоати деҳоти Эсанбой ва Тоҷинисо Саидова (раиси қаблӣ), муроҷиат намуда буданд. Аммо эшон «то омадани қассоб кунда меосояд» - гӯён хотирҷамъию беэътиноӣ карда гаштаанд, - омадааст дар номаи Рустам Рамазонӣ, сокини ҳамин деҳа, ба рӯзномаи «Ҷумҳурият».
Хабарнигори рӯзнома барои аз наздик шинос шудан ба сӯйи деҳаи Марғзори Ҷамоати деҳоти Эсанбойи ноҳияи Рӯдакӣ раҳсипор шуд. Деҳаи Марғзор аз маркази Ҷамоати деҳоти Эсанбой дар дурии 17 километр дар ҳамвориҳои соҳили чапи дарёи Кофарниҳон ва канори рости роҳи мошингарди Рӯдакӣ - Шаҳритуз ҷойгир аст. Ҳар сол дар моҳҳои апрел - май баъди боришоти пай дар пай чанд маротиба сел омада, ба хоҷагиҳои наздики он зарар мерасонад. Манзилҳои зисти С. Давлатов, М. Расулов, Д. Давлатов ва М. Давлатов дар қисми ғарбии деҳа аз соҳили дарё дар масофаи ҳамагӣ 30 - 50 метр ҷойгиранд. Ҳангоми баланд шудани сатҳи об дарё маҷрои худро иваз намуда, ба заминҳои ёрирасони хоҷагиҳои номбурда таҳдид менамояд.
- Солҳои пеш соҳилмустаҳкамкунӣ хуб ба роҳ монда мешуд ва тахтабетонҳо (кубикҳо) фишори оби дарёро мегардонданд. Агар дар ин маврид ҳоло иқдоме гирифта шавад, ташвиши мо камтар мегардад, - гуфт Маҳмадсафар Давлатов, яке аз сокинони деҳа.
Баҳодур Сафаров, раиси Ҷамоати деҳоти Эсанбой, гуфт, ки соли 2013 аз ҷониби Саридораи геология, собиқ вазоратҳои мелиоратсия ва хоҷагии об, меҳнат ва ҳифзи иҷтимоӣ ва мақомоти иҷроияи маҳаллии ҳокимияти давлатии ноҳияи Рӯдакӣ комиссияи махсус таъсис ёфта, барои муайян намудани дараҷаи хатарнокӣ ва равандҳои экзогении геологӣ санҷишҳо гузаронда буданд. Комиссия дар натиҷаи санҷишҳо доир ба ҳалли масъалаҳои вобаста ба вазъи деҳаҳои Эсанбой, Ишқобод, Карак, Хоҷабулбулон, Марғзор ва Қалъа хулосаи муҳандисию геологӣ пешниҳод намуд. Бо Қарори Ҳукумати Ҷумҳурии Тоҷикистон таҳти № 603 дар Ҷамоати деҳоти Эсанбой 85 гектар замини фонди манзил ҷудо шудааст. Барои бо замини наздиҳавлигӣ таъмин намудани шахсони эҳтиёҷманд борҳо бо сокинон вохӯриҳо гузарондем. Аз деҳаҳои Ганҷина 6, Қалъа 3 ва Карак 15 хонаводаро ба ҷойи бехавф кӯчондем. Ба сокинони деҳаи Марғзор ҷиҳати соҳилмустаҳкамкунӣ тавсия дода шудааст, ки дар заминҳои наздиҳавлигӣ зиёдтар дарахт шинонанд, зеро ин роҳи пешгирии хавфи селу обхезӣ дар ин макон аст.
Бо вуҷуди ин, ба гуфтаи сокинон проблема, ҳамчунин, ҳалношуда боқӣ мемонад. Дар ин бора Файзалӣ Мирзоев, собиқ раиси деҳа, гуфт, ки воқеан, мушкилии омадани сел ва шусташавии соҳили дарё чанд сол аст, ки бошандагонро домангир аст. Қаблан барои пеши оби дарёро гирифтан садд вуҷуд дошт.
- Солҳои гузашта канори шохоби дарёро бо сангу шағал банд мекарданд. Алҳол ин амал ба гӯшаи фаромӯшӣ афтодааст, - гуфтанд сокинони Эсанбой. Ҳамасола баъди боришоти пай дар пай сел омада, сойи назди деҳаро шуста мебарад. Ин мавсим низ дарё сокинонро ба ташвиш овардааст. Ҳалли ин масъала аз масъулон андешидани чораҳои таъхирнопазирро тақозо менамояд.
Шаҳбоз АБРОР, «Ҷумҳурият»


Баёни ақида (0)    Санаи нашр: 12.07.2017    №: 145    Мутолиа карданд: 522
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед